يوميات انسان بسيط

الناس عميه؟؟

2012-01-29T11:32:00.001+03:00

من جم يوم وانا راجع البيت وقفت عند اشارة المرور

و لفتت انتباهي السياره الي واقفه يمي
فيها ام و اطفالها بس في شي غريب

ويوم ركزت و ليتني ماركزت
الخادمه شي منخشه ورى الكرسي السايق

و لاهيه باتصالات عبر الاثير

يعني منخشه عن الام والي بالشارع مايشوفون ؟؟

الظاهر عبالها لابسه طاقية الاخفاء.

ونأسف للوعة الجبد من الصبح.

سبحانك يارب دينا يحث على النظافه

ولكن بعض الشعوب عندها هالعاده السيئه

هذا جو الكويت

2012-01-24T10:05:00.002+03:00

نعم هذي الكويت و صل على النبي

الجو البارد الي تكثر فيه

الطلعات و الكشتات بالبر

شوي الكستن على الفحم

والتجمع واللعب كبار و صغار

هذا حال الشعب الكويتي

وطبعا تبتدي تنتعش بعض الحالات و بعضها يختفي الي نشوفهم بكل مكان

وبكثره

علق احد الاخوان باليوتيوب

.يزاه الله خير ما قصر بنصايحه

واحترنا و فكرنا بسبب اختفاء الاخ بو صروال و فنيله

وبعد البحث و التحري وصلتنا رساله مهمه منه

طبعان الرساله الي اندزت واعتقد اهي سبب البوتات بالكويت و ذلك لمحاولات

الاخوات لاخفاء الركب السود

وكذلك اهدانا بوصروال و فنيله وصفه شعبيه من ميامي

ونفس الوصفه للدلادغ بس بدون ملح مو ناقصين

والي موعارف الكلمه السابقه؟ ابحث عنها بقوقل

المشكله

2012-01-22T14:35:00.000+03:00

موقف صار و موقف ماهو غريب خصوصا بالدول العربيه

لا نعم ولا نخص احد فيهم

وهو عند محطة البانزين شايب بسيارته وناطر الدور

و احد الشبان شاف مكينه فاضيه و طوف دور الناس و دخل ووقف

الشايب فقد اعصابه ليش ما التزم بالدور و لا احترم الي واقفين و ناطرين؟؟؟؟

و قاله انت قليل الادب و ما تستحي يعني الشايب ماقصر بالولد..

وقال جملته الي خلت الناس توقف عندها وهي اي ماكو مشكله؟

المشكله انها لاتوجد اي مشكله . و الغلط غير موجود ولا محاسب عليه

المشكله انك مهما تعمل و تخرب !!!!!!! مافي مشكله

وهذا جزء كبير من خراب الديار لما المشكله ان مافي مشكله

‏‏‏‏‏‏‏‏فلسفة تستحق أن نعيشها

2012-01-10T00:39:00.002+03:00

فشلة + الناس شيقولون + ماراح تسلم من كلامهم + كل الناس تسوي كذا

عبارات لا أؤمن بها و سأعيش حياتي كما أريد ، ليس كما يريدون

قال محمد بن أسلم رحمه الله
مالي و لهذا الخلق
كنت في صلب أبي وحدي
ثم صرت في بطن أمي وحدي
ثم تقبض روحي وحدي
ثم أدخل قبري وحدي

ثم يأتيني منكر ونكير فيسألاني وحدي

فإن صرت إلى خير صرت وحدي

ثم يوضع عملي وذنوبي في الميزان وحدي

فـمالي و الناس لن أعمل لأجل ما يقولون ثم أحاسب لوحدي

for men only

2012-01-02T09:40:00.000+03:00

A gift from me to all men hints and tips to be ware of

NINE WORDS WOMEN USE

(1) Fine : This is the word women use to end an argument when they are right and you need to shut up.

(2) Five Minutes : If she is getting dressed, this means a half an hour. Five minutes is only five minutes if you have just been given five more minutes to watch the game before helping around the house.

(3) Nothing : This is the calm before the storm. This means something, and you should be on your toes. Arguments that begin with "nothing" usually end in "fine".

(4) Go Ahead : This is a dare, not permission. Don't Do It!

(5) Loud Sigh : This is actually a word, but is a nonverbal statement often misunderstood by men. A loud sigh means she thinks you are an idiot and wonders why she is wasting her time standing here and arguing with you about "nothing". (Refer back to # 3 for the meaning of nothing.)

(6) That's Okay! : This is one of the most dangerous statements a woman can make to a man. That's okay! means she wants to think long and hard before deciding how and when you will pay for your mistake.

(7) Thanks : A woman is thanking you, do not question, or faint. Just say you're welcome. (I want to add in a clause here - This is true, unless she says 'Thanks a lot' - that is PURE sarcasm and she is not thanking you at all. DO NOT say 'you're welcome'. That will bring on a 'whatever').

(8) Whatever : Is a woman's way of saying *@%*# YOU!

(9) Don't worry about it, I got it : Another dangerous statement, meaning this is something that a woman has told a man to do several times, but is now doing it herself. This will later result in a man asking 'What's wrong?' For the woman's response refer to # 3.

good luck me friends
if you knows those nine words you might survive.

دواء لا يوجد في الصيدليات العالمية‏

2011-11-16T12:38:00.000+03:00

دواء لا يوجد في الصيدليات العالمية‏

ربي عبدك قد ضاقت به الأسباب

وأغلقت دونه الأبواب

وبعد عن جادة الصواب

وزاد به الهم والغم والاكتئاب

وانقضى عمره ولم يفتح له الى فسيح مناهل الصفو والقربات باب

وانت المرجوّ سبحانك لكشف هذا المصاب

يا من اذا دعي اجاب

يا سريع الحساب

يا رب الأرباب

يا عظيم الجناب

يا كريم يا وهّاب

رب لا تحجب دعوتي

ولا ترد مسألتي

ولا تدعني بحسرتي

ولا تكلني الى حولي وقوّتي

وارحم عجزي

فقد ضاق صدري

وتاه فكري

وتحيّرت في امري

وانت العالم سبحانك بسري وجهري

المالك لنفعي وضري

القادر على تفريج كربي

وتيسير عسري

اللهم احينا في الدنيا مؤمنين طائعين

وتوفنا مسلمين تائبين

اللهم ارحم تضرعنا بين يديك

وقوّمنا اذا اعوججنا

وادعنّا اذا استقمنا

وكن لنا ولا تكن علينا

اللهم نسألك يا غفور يا رحمن يا رحيم

أن تفتح لأدعيتنا ابواب الاجابه

يا من اذا سأله المضطر اجاب

يا من يقول للشيء كن فيكون

اللهم لا تردنا خائبين

وآتنا افضل ما يؤتى عبادك الصالحين

اللهم ولا تصرفنا عن بحر جودك خاسرين

ولا ضالين ولا مضلين

واغفر لنا الى يوم الدين

برحمتك يا ارحم الرحمين

اللهم آمين

اللهم اني أسألك من خير ما سألك به محمد صلى الله عليه وسلم

واستعيذ بك من شر ما استعاذ به محمد صلى الله عليه وسلم

اللهم ارزق المسلمين مغفرتك بلا عذاب

وجنتك بلا حساب ورؤيتك بلا حجاب

اللهم ارزق المسلمين زهو جنانك

وشربهم من حوض نبيك واسكنه دار تضيء بنور وجهك

اللهم اجعلنا ممن يورثون الجنان ويبشرون بروح وريحان ورب غير غضبان

اللهم حرم وجه المسلمين عن النار واسكنهم الفردوس الاعلى بغير حساب

عيدكم مبارك

2011-11-08T08:56:00.000+03:00

وعساكم من العايدين والفايزين

وتقبل الله منكم صالح الاعمال

why is he cold ?

2011-11-02T22:18:00.000+03:00

اليوم واحد من الشباب يسولف معاي

ها شلون الدوام اليديد و من هالسوالف

وكنا قاعدين بره و الجو مو طبيعي

واحنا نسولف حسيت بالبرد فقلت له اااه برد

فسكت الاخ و تنح

فلان شالسالفه

و قعد يقولي سالفه صارت لي بالدوام
كالعاده دشيت على مريض شايب بالغرفه
وهو نايم عشان جلسة العلاج الطبيعي
و السستر داشه قبله بدقيقه

وهو من النوع لو المريض بغيبوبه يدش ويسلم عليه ويسولف معاه

فالاخ السلام عليكم جحي اخبارك

ومسك ايد الريال ويقوله يلا ساعدني

لازم تحرك ايدك وهو يسويله التمارين التفت على الممرضه

why is he cold ???

مره وحده تنح ؟؟

الا الشايب متوفي والاخ قاعد يسويله جلسة علاج طبيعي

مسكيييييين

اي والله واي از هي كولد ؟؟

ناسف لهذا الخلل الفني

2011-10-26T10:19:00.001+03:00

يحز بخاطري اني اكتب عن هالموضوع بس لي وين بنوصل ؟؟

عمركم رحتو جمعيه ؟ مركز الخدمه ؟؟نقول وزارة الكهرباء ، وزارة الصحه ؟؟ البلديه"؟؟؟ المواصلات؟؟ الداخليه ؟؟؟

للاسف اوقف بالدور تشوف العجب ؟ مع اني موظف حكومي ولله الحمد وملتزم بعملي ولكن اشوف استغلال الفرص للتسيب

١٠٥ دقايق تاخير بالشهر ٤ استئذانات بالشهر غير المرضيات. نرد على المرافق الي ذكرناهم من شوي ونمسكهم وحده وحده

الجمعيه طبعا على حسب المنطقه ومجلس ادارتها

جمعيات جنك داش السوق الايراني

وجمعيات جنك رايح حفر الباطن

وجمعيات جنك رايح مول

وجمعات جنك رايح مقبره

اغلب الجمعيات مجلس الاداره هم المستفيدين الاساسيين

نيي حق مراكز الخدمه و جزاهم الله خير منظمين بعملهم بس

لاتصير عندك مخالفه ولا شي

عزكم الله تاكل تبن

مره من المرات اكتشفت ان عندي مخالفه اشوف اي سياره ؟

ولا المفاجأه مخالفه سرعه ؟؟ على رقم سيارتي الي واقفه عند بيتنا من ٦ شهور

اتوقع ان الي مخالفني كان مكثر من المهياوه اثناء تأدية العمل

نيي حق وزارة الكهرباء والماء

للاسف اعرف موظفين يداومون هناك و يداومون بالشهرين ساعه يمر ويسلم ويشرب له استكانة جاي ويرد ينام

وراجع الصحه وللاسف مراجعين يوصلون قبل الموظفين ملفات المرضى تضيع البورترات اهم الي يستقبلون المرضى

يقومون بعملهم طبعان لكوني موظف فيها فاشوف و اسمع الهوايل

اخطاء جراحين و دكاتره غير الدكاتره الي يحول مرضاه على العياده او المستشفى الخاص الي اهو يداوم فيها

عمليات للاوادم وهي مو محتاجتها؟؟ الطفل سليم يسوونله عمليه عشان ياخذون فلوس

التلاعب بالتقارير الطبيه عشان يغطي اخطاءه خلوها على الله و لا اتكلم

نيي حق الطامه الكبرى وهي البلديه

نص الي فيها مايدرون وين مكان عملهم واحد اول ماحطو البصمه رايح دوامه بعد تقريبا ١٠ سنين الاداره انتقلت مكان ثاني والاخ مايدري عن هوى داره

نيي حق المواصلات هههههه روحو كيفان يفصلون خطك ويردونه بعود ايس كريم ههههه

والداخليه بدون حرج الشرطي ماله ويه يخالف والسبه للاسف الي يستغلون الوظيفه لذل خلق الله

ولو خليت خربت بس ترى ياناس قربت تخلي من الناس الواعية الضمير و الي تتحلى بالاخلاق و الايمان و الخلاص بالعمل ولكنهم قله قله قله عسى الله يثبتهم .

اتمنى لو كل انسان فكر ان وظيفته هي الي توفر الامان له و لعياله و اهله و يحلل معاشه صدقوني راح نكون بخير و صحه و عافيه.

وماقول الا ناسف لهذا الخلل الفني

نصائح تكتب بماء الذهب

2011-09-23T20:54:00.000+03:00

نصائح تكتب بماء الذهب

كلمات أعجبتني

1- ألزم الابتسامة المشرقة

(فأسنانك ليس عورة ).

2- عليك بكلمة الثناء الصادقة

( ترفع بها الهمم وتزيد بها المحبة).

3- ابتعد عن الجدال

(فإنه يوغر قلبك وقلب صاحبك).

4- تعامل مع الآخرين كما ترغب أن يعاملوك

(هذا دليل تقديرك لهم).

5- التمس لغيرك الأعذار

(فأنت لا تعلم الحقيقة كاملة).

6- وصية الرسول لأحد أصحابه : لا تغضب ، لا تغضب ، لا تغضب

7- وصية الرسول : أفشوا السلام بينكم - طريقنا الى المحبة

8- تهادوا تحابوا .

9- تعلم كيف تنصت

(فالآخرين يحبون دوماً من يسمعهم ).

10- فكر بنفس مرحة

(قدر نعم الله عليك لئلا تزدريها).

11- اجعل عينيك عينا نحلة ترى الورود وليس عينا ذبابة ترى الأوساخ.

12- احترم أفكار من حولك وقدرها لهم .

13- تواضع مع الكل

(فأول معصية لله كانت من إبليس بسبب الكبر).

14- تعلم أن تسامح دائماً

(فما عند الله خير وأبقى ).

15- قدم النصح بالحكمة والموعظة الحسنة (الدين النصيحة).

16- شارك الآخرين أفراحهم وأحزانهم تصنع تاريخا معهم ويذكروك عند الحديث عن حياتهم .

17- أوقف دائرة اللوم

(فأنس خدم الرسول عشر سنوات لم يسمع انتقاداً قط وهل تظنون ان صبيا بعمر أنس لا يخطئ ).

18- تعلم أن تكون حليماً صبوراً

(فهما صفتان يحبهما الله ورسوله)

ان شاء الله

2011-09-13T18:24:00.000+03:00

Everytime you feel like you cannot go on
You feel so lost
That your so alone
All you is see is night
And darkness all around
You feel so helpless
You can’t see which way to go
Don’t despair and never loose hope
Cause Allah is always by your side

Insha Allah x3
Insya Allah you’ll find your way

Everytime you commit one more mistake
You feel you can’t repent
And that its way too late
Your’re so confused, wrong decisions you have made
Haunt your mind and your heart is full of shame

Don’t despair and never loose hope
Cause Allah is always by your side
Insha Allah x3
Insya Allah you’ll find your way
Insha Allah x3
Insya Allah you’ll find your way

Turn to Allah
He’s never far away

Put your trust in Him
Raise your hands and pray

OOO Ya Allah
Guide my steps don’t let me go astray
You’re the only one that showed me the way,
Showed me the way x2
Insyaallah x3
Insya Allah we’ll find the way

عيدكم مبارك

2011-08-31T17:10:00.002+03:00

وعساكم من العايدين والفايزين

احسن طريقه للمكاسر

2011-08-22T12:25:00.000+03:00

من جم يوم قاعدين انا و اخوي

ونسولف ومن السوالف ياب طاري نسيبي شلون يكاسر و قعد يظحك من قلب

وانا ظايع فلان شالسالفه

جان يقولي انا و النسيب رايحين السوق و شاف عزكم الله نعال وعجبته

المهم قال حق البياع بجم

قاله ١٨٠ ريال

جان يخزه النسيب

شوي جان يقول الهندي ١٥٠؟؟

هم ساكت ويطالعه

الهندي ١٢٠؟؟؟

ولاكلمه و ليلحين يخزه

١٠٠؟؟

بابا والله انا فايده ١٠ ريال

٨٠ خلاص بس والله بابا انا خسارااا

واخذ عزكم الله النعال و دفع الفلوس مشى

اخوي بيموت من الموقف جان يقول حق النسيب

بوفلان شسويت فيه مات من الخرعه

النسيب ليش بالله شمسويله؟

ردعليه اخوي على خزتك له لو قايله انت اذابح ادمي بيعترف

و صج ما شاءالله عليه صج عليه خزه تييب عوار البطن

.

2011-08-03T20:18:00.002+03:00

مبارك عليكم الشهر

تحلطم هذا الشهر

2011-07-08T21:59:00.001+03:00

مساكم الله بالخير

اجازه سريعه و رحله الى فريج الايطالي

وبعد رحله مليئه بالتكدش و التسوق

وصولنا للمطار للرده الي ديرتنا الحبيبه

و موشي يديد على الكويتيه تاخير ساعتين

وبعد ما قعدنا بالتيرمنال ٣ساعات قررو يدخلونا شقول و شحجي

ماني قايل بس شوفو

الكراسي مزلقه ومشققه

وليلحين تلفزيونات قديمه

مواعين الاكل وصينيتهم مزلقين

والتلفزيونات الي بالكراسي نصها خربانه

والسماعات نفس الشي

و يوم وصانا الحمدلله نص الكاونترات القادمون مسكرينهم

و اخر شي الجمارك بس نبي نطلع من مطارنا الي يرفع الراس

ولا الاخ من صاحب هالجنطه

فرديت انا امر

يعني صايد الحركه شنو فيها؟؟

قلت له هدومي و وايرات

بعد

وانا من صجي افكر

ايي عدستين

بعد

فر راسي جان اقوله شالسالفه

وبصوت عالي بعد فيها بطول

حرني الزفت جان اقوله استخدام شخصي

ابطلها

جان يقوله الوالد كلونيات كلونيات

هني عرف الوالد اني وصلت حدي من اسلوبه

وستحى على ويهه يو شاف اهلي معاي
قال لي تفضل

مادري ليش تصرفاتهم الي ترفع الراس

ويقولون ليش دول العالم قاعده تطوفنا بالتطور
لا وممنوع التدخين والضباط زقارتهم بيدهم ويتمشون
ايه كافي علي تحلطم اليوم

ياحلوهم

2011-06-27T15:50:00.000+03:00

والله انهم
كسرو خاطري وهم يسولفون عن بعض

الوالد والوالده الله يطول بعمرهم

دشيت الفندق ولا الوالده منسدحه عالصوفا والوالد متمقط على الكرسي

ويضحكون على بعض

شفيكم عسى ماشر

تقولي ياوليدي قبل اروح مع ابوك السوق مايلحق علي من محل لي محل ويقولي شوي شوي

طيحوني من حيلي قبل يقولونلي اني امشي ومايلحقون علي

على قولتهم مثل الحصان

والحين نمشي خطوتين ونتلفت ندور الكراسي

المحل زحمه ماكو الا طرف البنش بركت عليه

وابوك وقف لين واحد قام عن البنش و ابوك برك يمي

الوالده هاد حيلها هالدواالي تاخذه
و الوالد الصياخ التيتانيوم الي بريله ذابحينه

الله يطول باعمارهم ويخليهم
احلى مافي السفر معاهم المقالب الي سونها

وكلهم واحد يطفر الثاني
الله لا يخليني منهم و يطول باعمارهم
ويحفظهم من كل شر

كلام في قمه الروعه

2011-06-15T10:31:00.000+03:00

لا يقاس الجمال بالمظهر

ومن الخطأ الاعتماد عليه فقط

فقد يكون خلف جمال المظهر قبح جوهر

لا تقاس حلاوة الإنسان بحلاوة اللسان

فكم من كلمات لطاف حسان

يكمن بين حروفها سم ثعبان

فنحن في زمن اختلط الحابل بالنابل

في زمن صرنا نخاف الصدق

ونصعد على أكتاف الكذب

لا يقاس الحنان بالأحضان

هناك من يضمك بين أحضانه

ويطعنك من الخلف بخنجر الخيانة

والفرق شاسع ومدفون

بين المعلن والمكنون

لا تقاس السعادة بكثرة الضحك

هناك من يلبس قناع الابتسامة

وتحت القناع حزن دفين

وغصات ألم وأنين

لا تقاس العقول بالأعمار

فكم من صغير عقله بارع

وكم من كبير عقله فارغ

تبي تعرف ليش الكويتي مو متوفق ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

2011-06-14T09:05:00.002+03:00

بدايتها

يمه - و صمه

يبه - و حطبه

عمي - عمت عينك

خالي - تخلخت عظآمك

أخوي - تخاوت ضلوعك /خوى يمبك

احبك - حبتك القراده

انا بروح - روحة بلا ردة

مع السلامه - الله لا يسلّم فيك مغز أبره

شلونك - بخير مَـٍـَِنِ غير شوفتك

بروح انام - نامت عليك طوفه

ابي آكل - يا عله ما يحدر

انا بطلع - طلعت روحك عسره

تراني قمت - قامت قيامتك

نعم - نعامة ترفسك

هلا - تهلهلت ضروسك

كل هذا وين الله يوفقه

الصيف الصيف

2011-06-07T13:41:00.000+03:00

شلون تعرفون الصيف و فايدته؟؟؟

طول السنه ركضه ركضه عن زحمت الشوارع

وهالايام و مع حرارة الجو و الامتحانات

الواحد يقعد متاخر و هم الشوارع فاضيه

الديره كلها فاضيه الا الاقرع الي يهرول عالبحر

ماشاءالله ما شاءالله لايقولون صكيته بعين و يبت اجله

بس والله الشوارع فاضيه و يازينها بس الي يحرك شي واحد

السبيد لمت ١٢٠ و الناس ماشيه ١٠٠

يطلع لك لوح دايخ و يطق بريك يم الكامره مع انه قاعد يمشي ١٠٠ ليييييييش مادري

كل شي حلو الا حزه الطلعه لا تطفي السياره عليك

ههههه مسكين انا اقول انتحر ابرك لانك انت بجهنم وانت عايش و ماراح تفرق وياك

اقتراح

2011-05-31T08:47:00.002+03:00

ليش لما البنات يكونون بحال سبيلهم و بمكان ياخذون راحتهم و قبال شاليهاتهم يبون يتسبحون ويستانسون مع اهلهم بس مايرتاحون من عوير وزوير والمنكسر مافيه خير.

انا اسميهم عيال ابليس لانهم لم يتربو التربيه الصالحه و لا فكرو ان هالبنات يمكن ان يكونون من اهلهم.

للاسف مضايقات و ازعاج و تحرش و فرد عضلات و قدرات .

و ساعات للاسف بعض البنات و اخوات يشجعون على هالخمه الفاسده انهم يتحرشون فيهم

لبس ملفت للانتباه حجاب بو قذله ولا حجاب و رقبتها بره او الي مطلعه التراجي ولا المكياج الي يصرع

انا ما اقول كل الشباب تلفان ولا كل البنات.

الحين يدرسون موضوع القانون لحد المعاكسات.

تدرون شكثر شباب بينظلم ؟؟ من تبلي بنات ابليس ؟؟؟

تدرون شكثر شباب بيتم يمارس هالهوايه ؟؟؟

لانه عارف بالواسطه بتمتمون على الموضوع لان الفساد موجود من اصحاب القانون.

البنت تغازل و الولد يغازل و الطامه الكبرى اغلب الشرطه الجدد هم الي يغازلون

يعني جم ادمي بينظلم ؟؟

اثنين نيي حق الي يصيدونه و يحبسونه !!!

سجون الكويت تلفانه

يدش معاكس و يطلع مدمن؟؟؟ احيه يابو سوسو

الحلول موجوده واعتقد في قانون للبس الفاضح

طبقوه

تبون حريه التزمو حشمو انفسكم واحترمو الناس و راعو مشاعر الآخرين.

البنت تحشم عمرها وتحترم حجابها او نقابها و لبسها و تصرفاتها

والشباب مارسلك هوايه مفيده غير اذيه خلق الله

هالبنت ممكن تكون اختك او امك او زوجتك او بنتك.

والحل الثاني؟؟؟

طبقو قانون لحد المعاكسات بس الي يصيدونه و يبون يعاقبونه ؟؟؟

كسبو فيه اجر و خلوه يحفظ جزء كامل من اجزاء القرآن

و الزامي و مده عقابه تعتمد على سرعة حفظه للقرآن.

وهذا ما يسمى العقاب الايجابي.

و هذا مجرد اقتراح بدال ما نستاثم بشبابنا ؟؟ نكسب فيهم اجر

وسلامتكم

موتني من الضحك

2011-05-26T01:38:00.001+03:00

ايميل وصلتي

2011-05-23T00:40:00.000+03:00

‏تدرون هذي اسامي منو؟؟؟

سيد هادي علوي .. مدني .. القائد

يوسف خضير علي .. نقيب في الجيش

عامر فرج العنزي .. ملازم اول في الجيش

جاسم محمد علي .. مدني

مبارك علي صفر .. مدني

ابراهيم علي صفر .. مدني

عبدالله عبدالنبي مندني .. رئيس عرفاء في الداخليه

خليل خيرالله البلوشي .. مدني

خالد احمد الكندري .. مدني

حسين علي رضا .. وكيل عريف في الداخليه

محمد عثمان الشايع .. مدني

بدر ناصر العيدان .. عريف في الداخليه

هذي أسامي الأبطال شهداء القرين

الأبطال الأخوان الي تكاتفوا وحاربوا مع بعض واستشهدوا علشان الكويت،

استشهدوا علشان احنا اليوم نعيش بحريه.

شوفوا الأسامي عدل شيعه وسنه، حضر وبدو وعيم..وقت الصجيه اختفت هالمسميات وقالوا احنا كويتين

وشوفو باقي اسامي شهداء الكويت من كل الطوائف كلهم قالوا احنا كويتين..

حرام الي قاعد تسوونه بالكويت لا تضيعون دم الشهداء عالفاضي مايصير السني يجرح الشيعي بالكلام ولا الشيعي يجرح السني بالكلام ولا تخلون الفتنه تفرق بينه بالاخير احنا كلنا كويتيين ربنا الله ودينا الاسلام...أحب الكويت وأحبكم يالكويتيين

إنشر أرجوك خلي الجيل الي ما لحق عالغزو يعرف الكويتيين شلون كانو

هذا رد بعين ‏گـّ ̯͡ـڵ حاسد يحسد أهل الكويت على تكاتفهم

هكذا هي الحياة

2011-05-21T10:05:00.000+03:00

صمتي.. لا يعني رضاي

وصبري.. لا يعني عجزي

وابتسامتي.. لا تعني قبولي

وطلبي.. لا يعني حاجتي

وغيابي.. لا يعني غفلتي

وعودتي.. لا تعني وجودي

وحذري.. لا يعني خوفي

ودمعى.. لا يعنى حزنى

وسؤالي.. لا يعني جهلي

وخطئي.. لا يعني غبائي

معظمها جسور.. أعبرها لأصل إلى الضفّة الأخرى

هكذا.. هي الحياة

كلمات اعجبتني

الحل الوحيد

2011-05-19T09:01:00.003+03:00

اكثر من مليون آدمي ماعرفو ينقون من يمثلهم ؟؟

بصراحه شي يقص الويه و يفشل صرنا علج بصري لا و محزر بعد مو اي علج بحلوج الناس

هذي سالفه؟؟؟

طق عقل و عصي ؟ و بكسات و تمجع شعور

اعتذر ماقدرو على التمجع لانهم قرعان شعور و عقول

وين الاتيكيت لاو هم نخبة المجتمع

والله ليلحين مصدوم

حسبي الله عليهم فشلونا

بصراحه وصل الوضع لحد لازم يلقون له حل

باجر هواش بنبابيط

بصراحه واحد واحد و يحاسبون لانهم ما احترمو الناس الي موجوده

وما احترمو المكان الي اهم فيه

وللا علم هالديره و شعارها

و ما احترمو رمزها الي يرجع كل شي له

المفروض في لجنه توقف التصرفات الصبيانيه عند حدها

والي مايلتزم قضبوه الباب و ذاك الطريج على قولت الوالده الله يطول بعمرها

عند عين يدي الي راح و ما رد

انا برايي المره اليايه يا شعب الكويت تنقون ناس ماتفشلكم

ناس همها مصلحة الديره و المصلحة الشخصيه مو اساس عملها

ناس راقيه ترفع راسنا

و الحل الوحيد لنبذ الفئويه والطائفيه

انه مع بدايه كل جلسه يتم تشغيل أغنيه بارني

I love you..you love me

ويتم غنائها بصوت رجل واحد..وامرأه طبعا

للزوج الكويتي

2011-05-15T09:36:00.000+03:00

وصلتني رساله و كنت اقراها و اضحك اوف اوف اوف كل هذا حقد بس اتوقع ان اغلب المكتوب صج

والرساله كالتالي

معلومه للزوج الكويتي

ترا بس الكويتيه اللي ترضى اتروح حضرتك يوميا الديوانيه من المغرب للفير

حبيت اذكرك

معلومه للزوج الكويتي

ترا بس الكويتيه اللي تخليك تاكل وتشرب وتمسح ايدك باالطوفه

حبيت اذكرك

معلومه للزوج الكويتي

ترا بس الكويتيه ترضى تاخذلك قرض. وتدمج الراتب مع حضرتك

حبيت اذكرك

معلومه للزوج الكويتي

ترا بس الكويتيه راضيه فيك وانت مجابلها بمكسرك وفانيلتك العلاق.... وكرشك

حبيت اذكرك

معلومه للزوج الكويتي

ترا بس الكويتيه اللي تستر على بلاويك وفضايحك ، لما تطيح عليك

حبيت اذكرك

معلومه للزوج الكويتي

ترا بس الكويتيه اتحمل معاير امك ومغثة خواتك..

حبيت اذكرك

معلومه للزوج الكويتي

ترا بس الكويتيه ترضى انك ما تفتحلها باب السياره واهي معاك.. وما تفتحلها باب المحل .. لا وادش قبلها بعد

حبيت اذكرك

معلومه للزوج الكويتي

ترا بس الكويتيه اتشوفك غزال مع كرشتك وصلعتك

حبيت اذكرك

معلومه للزوج الكويتي

ترا بس الكويتيه اتحمل ويهك المكشر والعابس دايما.. وصراخك اللي يسمعه كل الفريج

حبيت اذكرك

معلومه للزوج الكويتي

ترا بس الكويتيه تضحك على نكتك وقطاتك البايخه... ودلعك الماصخ

حبيت اذكرك

معلومه للزوج الكويتي

ترا بس الكويتيه اللي تقدر تأمن بيتك واعيالك عندها.. وانت اتقز مع ربعك بالافنيو

حبيت اذكرك

معلومه للزوج الكويتي

ترا بس الكويتيه اتخليك اتحبها بدون سحوووره.. ومن غير ما تسويك خروف

حبيت اذكرك

معلومه للزوج الكويتي

ترا بس الكويتيه اللي اتودي عيالها الطبيب نص الليل .. لان حضرتك مشغول بمباراه البرشا

حبيت اذكرك

معلومه للزوج الكويتي

ادري ضغطتك اليوم وايد... وهم بعد ادري ان الضرب بالميت حرام... ماكو فايده فيك

تحياتي حق بو مكسر وفنيله

ورسالتي للزوجين ترى انتو اثنينكم ستر و غطا لبعض واثنينكم تكملون بعض

ووصيتي للزوج لاتهمل بيتك و نفسك و للزوجه بسج معاير ولا تنحشين الريل

اللهم لا شماته

2011-05-09T11:19:00.001+03:00

سبحانك يارب الانسان بروحه ييب الحجي حق نفسه

شخص ويتابع ولده مع احد الاخوات الفاضلات

خلوقه و محترمه و راقيه بالتعامل

الاخ اول مادش وين المسؤول؟؟؟

شنو هذا؟؟

حياك و تفظل و استريح شالموضوع؟؟

والله فلانه غيروها مابيها تتابع ولدي ؟؟

ورده كان " شوف ياخوك انا انسان فطين و ذكي وعندي شهاده .

صارلي ٢٠ سنه تاجر ابيع واشتري سيايير من و حق الحريم"

ورده فعلي اي حياك الله وانا قاعد احك راسي " صج مداح نفسه يبيله رفسه"

تاجر شنطه وتبيع دلاقات مثلا؟؟؟ والا حجابات ؟؟ مكياج تقليد؟؟؟

و انا ذكي و عندي شهاده و في بالي صج انك اثول و ماتفهم ولا قاعد تستوعب الي اقوله

والاخ مستن و يهذر واخر شي شرايك ؟؟؟

رديت عليه نعم انت الي شاللي تبيه بالظبط

قال مابي شي و شالعمره و طلع

هممم صج العقل نعمه و قل العقل مصيبه

و شال عمره و مشى

يالله لا تبلينا و يالله سترك

don't count the days

2011-05-04T09:37:00.000+03:00

“Don't count the days- make the days count"

" كلمات بسيطه و معبره وعلى قولت الشاعر سعيد صالح " لأ حكييمه بتدي حقن

ليش الواحد " اوف مليت" جان زين ماكو دوام واليوم عطله ولا اجازه اواففف عيزنا واحنا ننطر متى الاجازه

واذا داومو اففف متى يخلص الدوام؟

اليوم بالدوام عن سنه

ليش ما الواحد يستمتع بيومه كثر مايقدر

سو شي انت تستمتع فيه استفيد من الوقت

اذكر اول مارجعت الديره بسنة ١٩٩٢

ولحبي لعملي و ندرة تخصصي

كنت اداوم الصبح ومتطوع بمركزين

يعني من ٧ لين الساعه ٩مساءً

١٤ ساعه وكان يمر الوقت كانه دقائق معدوده

والسبب اني حاب الشي الي اسويه

انا ماقول ذبحو عمركم بس تبي تنجز؟؟

حب الشي الي انت تسويه

وسلامتكم

ثقافه كويتيه

2011-05-03T08:29:00.001+03:00

في بعض الاحيان تمر علينا امثال و مقولات تخلينا نفكر شوي بمعناتها

و نبتدي نشوف الي حوالينا و فعلا اثبات مع انا نحاول ان ننكر هالشي

نيي من الصبح وانا رايح الدوام ولأني شايب اداوم من فير الله غالبا اول واحد يوصل الدوام

وبطريجي اشوف العجب و دايما اضحك والسبب
على الخط السريع الي يشرب عصير والي ياكل توست

والي تحس انه يغط البقصم بالحليب وهو يسوق عادي

بس الي يلبس غترته وهو يسوق مبدع
ولا الاخت التي تحط المكياج بالسياره وحركات البهلوانيه لي تسويها بويهها وهي تحط المكياج.
ومساكين خلق الله الي يسوقون وراها اهي بريكات وهو نوم على السايد اليميين و يسار. وآخرتها راسمه حاجب واحد و ناسيه الثاني من العيله.

ماعلينا. نوصل الدوام و نصهم متاخرين. وركضه عالبصمه.

على مايطلبون الريوق ويهذرون ويسولفون ويدشون الفيس بوك و يلعبون فارم فيل .

ويي وقت الاستئذان من الدوام. اجمالي الانتاج ساعه وحده باليوم وهذا اذا مو صاكينها مرضيه.

والي يحرك انهم يطالبون بكادر .

صدقت اختي ام احمد لين قالت

الفشل وسيلة تثقيفية اما الكسل ثقافة كويتية!!

مع اني كنت اخالفها بالرأي ولكن لما نفكر في الي قالته؟ كلامها منطقي ١٠٠٪ ومع هذا اصابع ايدك ماهي سوى ومو كل الكويتيين كساله بس ٩٠٪ منهم وعلى قولت الاخ دافيد

I once heard someone say that success is not hocus pocus but focus focus.

وسلامتكم

حسافه عليج يا كويت

2011-04-10T10:28:00.000+03:00

كانت الكويت المثل الاعلى لمعظم دول الخليج من ناحيه التطور والاعمار والتنظيم

والتعليم و التخطيط بس وين كنا و وين وصلنا ؟

يحز بخاطري لما اشوف الي شفته

سفره سريعه بريه عند مركز النوصيب وللاسف شي يعور القلب .جياس الزباله و عدم التنظيم والمركز احس انه لم تتم اي عمليه صيانه من سنين

و دخلنا مركز السعودي والفرق كان باين منظم و كبير و لكن هم يفتقر النظافه بعض الشي

و نفس الشي مركز سلوى الي مع الحدود القطريه.

السرعه بتخليص المسافرين و المعامله الي ترفع الراس بصراحه

بس الي لفت انتباهي ؟؟؟ من اول دخلتنا الحدود القطريه

الشارع اختلف لونه و نظافته والمركز ما شاء الله منظم و تعيزون تقولون انه نظيف والملاحظه مو بس الحدرد حتى داخل قطر كلها نظيفه

نرد الكويت و اول شي يلفت انتباهنا وهو

هاللي مسدحين عالارض

و ريحة المطار عرق على خموره على زقاير مع انه ممنوع التدخين الا بالاماكن المخصصه للمدخنين

وللاسف اول شي شفته شرطي يتمشى و بيده زقارته

وايد الي كانو يدخنون لا ويطفون الزقاير على الارض

ونيي حق الجوازات القادمون داش لعبه الحيه

لاين بالعرض و لاين بالطول

وبالنهايه

كمقياس بالنسبه لي ؟؟؟

بالنسبه للتطور و النظافه

قطر

الامارات

عمان

البحرين

السعوديه

الكويت

وبالنسبه للباقه و حسن التعامل

عمان

الامارات و قطر السعوديه و البحرين

الكويت

وللاسف مادري ليش مومهتمين بواجهة الديرة

كنتو رمز التطور والحين رمز التدهور

وماقول الا حسافه عليج يا كويت

يخرب بيتك

2011-03-27T22:07:00.000+03:00

حوار عجيب غريب بين اصدقاء اثنين كويتي و مصري

كالعاده صباح الفل يافلان و يا هلا فلان

ها بشر شسويت

والله كل حاجه فل الفل

و بمتسبة عيد الام قوم يالمصري اسأل الكويتي

صباح الفل و عسل ازيك عامل ايه؟؟

والله تمام لويه والحمد لله

طب جبت لمامتك ليه لي عييد الام

والله يبتلها جنطه

رد المصري وهو معصب يخرب بيتك بتجيب لمامتك الجلطه ؟؟؟ و فرحان اوي

هههههههه ورك انت مشتط جنطه جنطه مو جلطه جلطك يني بخرايه

فال الله ولا فالك جلطه مره وحده ؟؟

انتا الي بتؤول جبتلها جلطه

جنطه يعني شنطه

هههههههه والله ونا بؤول ده جلط امه و فرحان اوي

ههههههه وانتها الحوار بالطنازه

و ضحك طول اليوم آااااال جلطه آل

يسويها البخت

2011-03-24T11:55:00.000+03:00

صارت في الحرس الوطني

يقولكم كان فيه فحص مخدرات بالحرس الوطني

وقبلها بيوم جاء خبر لأحد الكتائب انه بكره عندهم فحص مخدرات عن طريق البول

ثاني يوم كل إلي يأكلون حبوب ويعمرون وحشيش جايبين معهم بول من برى في علب

لما انتهى الفحص جمعهم القائد قالهم

أبشركم مافيه ولا حالة إدمان

بس فيه واحد من العسكر حامل

طلع الغبي مأخذ بول زوجته

هههه

تهقون صج ؟؟؟؟ والله يسويها البخت و يطلع صاحبنا حامل ؟؟

لحظه ؟؟ يعني نص الكويتيين حمل مو شي يديد

ياشين اللقافه

2011-03-23T09:00:00.000+03:00

تخيل انك عالموبايل وتتكلم بموضوع وييك ادمي يداوم معاك ويقولك انت من تكلم؟

لا شعوريا ردة فعلي كانت خير ؟؟؟ وانت شكو ؟؟؟

امي ؟؟؟ ايوي؟؟؟ مرتي ؟؟؟

صج اكره اني اكون او اتصرف مثل هالتصرف

بس مو بيدي الملقوف والمقلوب لازم تجعمه و يمكن يستوعب

شبلين رمل وحفره

2011-03-22T09:38:00.001+03:00

سؤال لكل مدون و لكل مدونه

سؤال لكل من يحب التطوير

سؤال لكل معلم و معلمه

سؤال لكل ام و اب

سؤال لكل متطرف ديني سياسي رياضي فني الخ

سؤال لكل شخص يعمل

سؤال لكل فرد بهذا المجتمع

سؤال بسيط جدا هل تعرفون ما معنى code of ethics ؟؟

ثلاث كلمات بسيطه ولكنها تعني الكثير.

اخلاقيات العمل

ثلاث كلمات يتم العمل عليها و تنفيذها و دراستها و هي اساس كل مشروع و دراسه ناجحه

يتم تطبيقها في جميع الاعمال و المشاريع الناجحه. وتعريفها كالآتي

Code Of Ethics

A guide of principles designed to help professionals conduct business honestly and with integrity. A code of ethics document may outline the mission and values of the business or organization, how professionals are supposed to approach problems, the ethical principles based on the organization's core values and the standards to which the professional will be held.

و ترجمتها باختصار

دليل من المبادئ و القيم الأساسية و النظم والمعايير التي صممت لمساعدة المهنيين للعمل بأمانة و بنزاهه وأخلاق . وقيم للعمل وكيف يفترض للمهنيين التعامل بها.
شي جميل و حلو وللاسف كل هالاشياء كانت موجوده بالسابق ، ربينا و عشنا و كانت اساس التعامل بينا في مجتمعنا الكويتي او الخليجي.الجار يخاف على جاره و يحميه ويساعده التعامل و اساسها الثقه. و الاخلاص بالعمل.صفاء النيه روح العمل الجماعيمافرقو بين ابيض و اسود طويل قصير بدوي حظري سني شيعي التعامل كانسان كبشر . وربينا على عامل الشخص كشخصه. و نقيمه بافعالهواحنا كشعب نمتلك افضل قانون للاخلاقيات وهو ديننا الاسلامي.بس للاسف زادو اهل الفتن و التفرقهزادو اهل العقول المتحجرهزادو اهل النفاق وزادو اهل المصلحهالناس يالله نفسي و بس نسو شلون هالديره قامتنسو العادات و التقاليدنسو الرحمهنسو الاخلاق نسو انسانيتهماصحو يا ناس ولاتنسون شنهي اخرتكمشبلين رمل وحفره ومنت ماخذ معاك الا اعمالكويالله حسن الخاتمه

عيد الام

2011-03-21T07:16:00.001+03:00

من المفروض ان مو بس اليوم احتفال بعيد الام المفروض كل يوم بحياتنا عيد للام

و كالعاده بالدوام ناطر تصير الساعه ٩ عشان ادق عليها واقولها كل عاو وانتي بخير يا اغلى انسانه بهالوجود

بس عتبي عليج

هذي يا يمه اشكال تييبينها ههههههه و كل عاده تظحك و تقولي من قراده حظي

و سلامتكم

funny BBM message

2011-03-10T07:36:00.000+03:00

وصلتني رساله على البي بي ام بلاك بيري مو نوكيا ولا سامسونج ههه و ضحكتني هالمسج

‎

شاب إنزعج من حبيبته من كثرة مطالبتها له بخاتم الزواج وتأجيله للموضوع‬‬

فأهداها دب فغضبت ورمت الدب في منتصف الطريق

وعندما جاء حبيبها ليلتقطه من الطريق فصدمته سيارة ومات

وفي عزائه كانت تمسك بالدب وتحضنه بشدة وتبكي

وفجأة تكلمت الآله الموجوده داخل الدب

تتزوجيني الخاتم موجود في جيبي

فقالت والدموع تسيل من عيونها: نعم أقبل

فرفع الكفن عن نفسه وقال : لها تو الناس ياشمعة الجلاس !!

فماتت البنت من الصدمه

ثم مات الشاب حزنا على حبيبته

ومآت المخرج

ومات واحد ماأعرفه

batelco ومات مدير خدمات عملاء في

ومات فزاع وأخذ جائزه أفضل ميت

وعينوا ناصر الجوهر بديلن لهم مؤقتاً

وتضل الشحرورة صباح صامدة

وكل هذا من ضمن الخطط المدروسه

التي ادت الى خروج حسني مبارك

مع تحيات محشش جرب الصنف اللي‬‬

يستخدمه القـذافي‬‬

ناسا و استنتاجها التاريخي

2011-03-09T09:35:00.003+03:00

امس كان اللقاء الاسبوعي لاصدقاء

بالديوانيه الاسبوعيه والتي تغيرت من يوم السبت الى الثلاثاء بعد ١٦سنه"IRC و ODS"

اهم شي من مناقشات السياسيه و الرياضيه و العلميه و يابو طاري وجود عالم امريكي من ناسا
يقوم بزياره الكويت

و تعتبر وكالة الفضاء الامريكيه ناسا

من افضل الباحثين في المجال الفضائي

والخطه المستقبليه لهذه الوكاله هي كوكب المريخ

ويتم تجهيز الابحاث و المركبات الاستكشافيه

وتجهيزها حسب درجات الحراره و نوعيه التربه و الطقس

وتبين ان اختلاف الكبير في د رجه الحراره باليوم الواحد و ارتفاع الحراره و االانخفاض المفاجئ

ونوعيه التربه الجافه و المفككه والصخور

وهذا سبب اختيار الكويت لاختبار المركبه الاستكشافيه

لتشابه الطقس وطبيعة الجو

وهذا الحوار اثار مواضيع اخرى واثبت ان الظواهر بهذه الديره مو طبيعيه
التغير في سلوكيات

وتأثير التغيير المناخ على قاطني هذه المنطقه و بشكل واضح

و هذا اثبات لتقارب الشبه من اغلب الاخوات الفاضلات ب ET الكائن الفضائي

والاستنتاج واضح من الصور السابقه و الاشكال الي تشوفونها بالمجمعات والشوارع

وسلوكياتها الغريبه والمنتشره بان الكويت غير عن باجي الدول

وان الكويت جزء من المريخ

اجازه سريعه

2011-02-28T19:39:00.000+03:00

احلا شي ان يمعه شباب الجامعه هالسنه هم كانت بعمان

وبنفس المنتجع

التخطيط كان ممتاز لحقنا على الشباب و٣ ايام من الضحك والغشمره

و نتذكر مواقف الي صارت و قصص الي مانقالت ايام الدراسه

يعني من سوالف صارلها اكثر من ٢٠ سنه

مع ان ٥ من الشباب اعتذرو عن اليمعه بس هم استانسنا

و بعد ما خلصنا رحنا المطار متجهين الا دبي

٣ من ربعنا الاماراتيين معانا بالطياره و طول الوقت ضحك وطنازه

بده المغامرات اهم راحاو بيوتهم وحنا سيدا الفندق

اول ما وصلنا بدينا نشوف اشياء غريبه

باجات بنات لابسينها شباب و عليها علم الكويت

وبدعو اخوانا الامان

وتمشينا وستانسنا و ثاني يوم رحنا هم نتمشى و احلا شي

كنا نميز الكويتيات ركضه بالسوق و شايله جياس الدنيا

و ماشاءالله مادري الثقه الزايده باللبس٩٠٪ منهم ليلحين عند دايت كير و سنتر

ههههه و اكو تكاسي على قولف كارتس بالسوقه

تشوفون بناتنا مبسطين مالهم خلق يمشون

بس بصراحه ٦ ايام عجيبين طلعت و كسرت روتين الدوام

للاسف ماقدر احط الصور لان فضايح يفشلون

تمنيت ان يلتزمون بالمثل الي يقول ياغريب كون اديب

و سلامتكم

العمر ياشامان

2011-02-16T08:27:00.000+03:00

العمر ياشامان

ياروح مابعدك روح

خروف سعيد ولا اسد حزين

عيش ارنب سعيد ولا تعيش اسد حزين

بصراحه اول ما طرى على بالي لما قريت الخبر الي بالجريده

لا يحوشك يا شباب و ياشياب خلكم على مينونكم لا ييكم الي اين منه

طلع مينونا اقشر

احتفالات ٢٥ فبراير

2011-02-07T03:10:00.001+03:00

الديره صارفه بلاوي على الاحتفالات و رؤساء دول العالم كلهم يايين الكويت

بيني و بينكم مريت على المبنى اليديد مال الحرس الوطني الاضاءات الي عليه بسيطه وشحلاتها

و لفت انتباهي وانا هلى الخط السريع ؟؟

زينة الشبات الي على الخطوط السريعه؟

اعتقد انه مصمم مهتم جدا بالتراث الشعبي

العبقري ابن العبقري ملبس شبات الخط السريع دلاقات مادري وزار ؟؟؟ بذمتكم هذي زينه ؟؟؟

ولا الي ماسك مناقصة الزينه يديد عالبوق ؟

هذي ديرتنا وفيها الي نبي

2011-02-05T17:18:00.000+03:00

الواحد يحمد ربه على النعمه الي اهو فيها

عايشين بهالديره مرتاحين و كل امورنا متيسره والحمدلله

محد كامل بس الواحد يشوف غيره ويحمد ربه

نشوف الي صار بمصر و تصرف الحكومه بان ترد رعاياها سالمين غانمين

ولوجود اهلي بمصر و توهقو بالرده زحمه و لويه و عفسه

اناس يطيح حظهم يدقون على السفاره وعمك اصمخ محد يرد

و بالصدفه لومايعرفون احد ماردو عليهم

المهم ولما عرفو وضع الوالده الصحي طقو السدر و خلاص باجر عندكم

و فعلاً من الصبح سيارة السفاره موجوده

بس وصلوهم المطار قبو هههههه

بس الحمد لله ماقصرو حطو الخادمه بالدرجه الاولى و شاحو الوالده سياحي

امراد كويتي غير كويتي كلهم ياو

والكل يقول ليش السفاره تسوي هالشي فينا و للاسف اي حاطينهم بره ويمثلون الديره يفشلون ويقصون الويه ؟؟

ماقول كل سفاراتنا؟

مثل الموقف الي صار لنا ايام الغزو مع سفارتنا بواشنطن ماقصرت. هذي يبيلها بوست كامل

للاسف في ناس ما تسوى تمثلنا بس لانه فلان الفلاني والي يرفع راسنا يحاربونه

بسي تحلطم

انتحر انتحر

2011-01-23T17:31:00.000+03:00

‎كان فيه واحد يبي ينتحر شافه شايب قاله : ليش بتنتحر؟

قال : عندي مشكلة عائلية معقدة !!

قال الشايب : مافيه مشكلة إلا ولها حل وش مشكلتك؟

قال : تزوجت وحدة أرملة ولها بنت ولما شافها أبوي حب يتزوج بنت زوجتي الأرملة صار أبوي زوج بنتي وصرت أنا رحيم أبوي ولما ولدت زوجتي صار الولد حفيد أبوي وبما إن ولدي هو أخو زوجة أبوي اللي هي خالتي صار ولدي خالي ولما ولدت زوجة أبوي صار اخوي من أبوي وفي نفس الوقت حفيدي لأنه حفيد زوجتي من بنتها وبما إن زوجتي صارت جدة اخوي فهي بالتالي جدتي وأنا حفيدها وبكذا اصير زوج جدتي وحفيدها لأنها جدة أخوي فأنا اصير جد اخوي وبنفس الوقت اصير جد نفسي وحفيد نفسي

قال الشايب : انتحر انتحر لابووك لابو إلي يسألك مره ثانيه

happy new year

2011-01-01T00:53:00.000+03:00

والبيبسي؟؟؟

2010-12-22T11:43:00.000+03:00

اليوم وحنا عالسفره يقولي الوالد وحده بالمستشفى سالتني عمي عندك مريض ؟؟؟

قالها اي والله امري يابنيتي محتاجه شي غرض امري يابنيتي؟

قالت له هذا تمر و هذا ماي زمزم حقها والله يشفيها و قعدت تطلب من الله ان يشفيها و يشفي كل مسلم

يقول يزاها الله الف خير

وبعدها كان بالجمعيه وقفته هم بنت صغيره جان تقوله لو سمحت عمي

ورد عليها امري يا بنيتي

جان تقوله يوعانه و ماعندي فلوس شافها يقول عندها سياره صغيره و يديده

قام و عطاها دينار

تاكل لها صمونه من المطعم الي واقفه قباله

جان تقوله عمي مايكفي انا مشتهيه بيتزا؟

قام و عطاها دينار ثاني و طالعته و قالتله والبيبسي

جان يرد عليها يلا عاد قمي تراج مصختيها و مشى عنها

وهو يضحك على مايكفي والبيبسي ههههههه

ما ألوم هل الأوادم

2010-12-20T08:50:00.001+03:00

صبحكم الله بالخير

اليوم وانا عند الدوام ولا واحد بجيب

جدامي لفت انتباهي شي

لا و شي غريب بعد

يعني وانا ودي اعرف هالاوادم يعرفون شاللي لازقينه على سياييرهم ؟

وشمعنات الستيكرات الي محطوطين ؟؟؟

يعني علامة بلاي بوي و فيرجن

والصوب الثاني شعار كلية الحقوق و ستكر ما شاء الله؟؟

يعني يقصد ان ما شاء الله على حقوق الفيرجن بلاي بوي؟؟

ويوم حبيت اشوف صاحب الجيب بغيت اضحك

البريهة معلقه على طرف اذنه و زقاره بيده و بيبسي عالريج ؟؟؟ يخرب بيت المزاج عالصبح

بصراحه مالومه جان هذا ريوقة من الصبح

وسلامتكم

سبحان الله

2010-12-01T11:15:00.001+03:00

من فتره وانا بالبيت اتعبث باغراضي القديمه

ومن بين هالاغراض صندوق بطلته وانا ماني عارف شاللي فيه

بصراحه انصدمت

قعدت و مرت علي ساعات وانا خامر و ساكت

صور ايام الجامعه

بيييييييييييييه غبار غبار غبار

وين كنا وويين وصلنا

و صادف شهر اثنين الي فات يمعت ربع الجامعه بعمان

لالالا يعني الشباب كانو شبابو صارو شياب

الي مكرش والي مصلع والي والي والي

ايام حلوه

بس للاسف ٣ من ربعنا الله اخذ امانتهم و اخر واحد من اسبوعين

الي دكتور والي مدير الامن العام باحد الدول الخليجيه

ومدراء اقليميين حق طيران بدون تحديد والي مستشار بمحكمه

والي تقاعدو

صج ربع من ١٩٨٥ بمعهد اللغه

ايام هههه اهم شي اشوف الاذواق والكشخه

ايام الافرو

طبعا وايد منكم مايعرف عن العمده حواس ومواقفه الفنيه

واهم شي ان الذكريات والسوالف والظحك كله يطلع بهاليمعه

اذا الله احيانا
سبحان الله صج الايام تمشي

من أهم اسباب تسميتنا بالعالم الثالث

2010-11-23T11:44:00.003+03:00

سبب الموضوع هو سؤال من قبل احد الاخوات الفاضلات وهو كالتالي

صج القرار؟ تنفذ؟ شنو اسبابه؟ امنية؟
وكانت تقصد قرار منع التصوير

بالبدايه لازم احط تعريف العالم الثالث

العالم الثالث " TheThird World" عباره عن مصطلح سياسي واقتصادي واجتماعي وثقافي، يقصد الدول النامية . أول من استخدم

هذا المصطلح الفرنسي الفريد سوفيه في سنة ١٩٥٢ والذي يصف الدول التي لا تنتمي إلى مجموعة "الدول الغربية" ولا إلى الدول الشيوعيه . وقد استوحى سوفي هذه التسمية من الفئه الثالثه في المجتمع الفرنسي أثناء النظام القديم بما معناه قبل الثوره الفرنسيه.

أهم خصائص العالم الثالث

ويمكن تصنيفها كالتالي:

اجتماعيا: بخير والحمد لله

النمو الديموغرافي " الزيادة الطبيعية لعدد من السكان " كبير . اكيد مادام ٥٠ دينار على كل طفل

اقتصاديا:

تصديرالمواد الاوليه . ماعندنا غير النفط و كي دي دي

عدم تحقيق الاكتفاء الذاتي للمواد الاستهلاكيه . من قال اكتفاء ذاتي من الطحين لا ويهربونه

ضعف الاستثمارات الصناعيه . اكيد مادام البوق والواسطات موجودين

ارتفاع المديونيه الخارجية . الحمدلله الديره بخير بس الشعب اهو المديون

و نرجع موضوعنا الي القرار الذي تم نشره من ثلاثه ايام برايي و بدون زعل

اصلا الي حط ووافق على هالقرار انسان متخلف

ماعنده ماعند يدي

لا والله يداني اثنينهم متعلمين وفاهمين

بمعنى آخر هالقرار ؟؟؟؟؟

قرار لشخص يعتبر معاق حظاريا

ومتخلف سياحيا و اقتصاديا واجتماعيا

ويعاني من ضمور بالنهضه الثقافيه

وهو من اسباب انا نكون و نسمى بالعالم الثالث

لانه امي بالتطور الثقافي

النظره المستقبليه لمتخذ القرار معدومه

و بالعاميه طنقه

لمحبين التصوير

2010-11-21T00:20:00.000+03:00

Multi ministry camera ban frustrates artists

Published Date: November 20, 2010
By Abdullah Al-Qattan, Staff Writer

KUWAIT: After the ban three ministries placed on photography, most Kuwaiti youth are a bit confused about what to do with their cameras if they can't use them in public and why such laws were implemented in the first place. The Ministry of Information, Ministry of Social Affairs and Ministry of Finance recently came to the conclusion that photography should be used for journalism purposes only. This has resulted in the ban of Digital Single Lens Reflex Cameras (DSLRs) in public, on the streets and in malls
.

What most Kuwaiti photographers have come to wonder is how such a decision could be reached by authorities, especially considering that digital cameras and cell phone cameras have the same abilities. What most people think of photography as a hobby has become a bit misguided due to the fact that the country has so little exposure to art. While using a DSLR, passersby may wonder if the camera is being used for the wrong reasons.

Mohammed Al-Eisa, who picked up photography as a hobby more than 10 years ago, said that he has decided to take photos of animals or still life due to the fact that these subjects don't mind having their picture taken and don't make a scene. "I started facing problems the very first day I bought my camera," Mohammed added.

What often happens is that a big black camera tends to worry people. Taking a picture of a stranger would seem like much less of an issue if you were using a more discreet camera or even a cell phone. Mariam Al-Fodiry said that she has faced similar problems with her hobby and that being a girl doesn't help at all. She said that in some cases it makes the problem even worse. "Switching to abstract and landscape photography was one the options I considered after getting into enough trouble," Mariam said.

Majed Al-Saqer said that sometimes people stop him while he is in his car with his camera, as if he were planning to kill someone with it. He said that he isn't sure what the real problem is, whether it is people taking photos of each other or the size of the camera

سوري بس ماقول الا العن ابو التخلف

ويبون الكويت تتطور بعد

عيدكم مبارك

2010-11-17T06:53:00.000+03:00

وعساكم من العايدين والفايزين

اهل الاشاعات

2010-11-06T13:09:00.001+03:00

ليش الاشاعات ٣ اشاعات لا وبشهر واحد ؟

اول امس وانا بطلعتي من الدوام

ياني اتصال فلان
وماخليتهم يكملون
اشاعه اشاعه
لان هابين على هالادمي
والحمدلله الريال مافيه شي

يعني مادري شلون تستانس هالاوادم

الي يطلعون اشاعات

تفاولون على خلق الله

ابتسامه

2010-11-04T09:46:00.001+03:00

هين الاميره النائمه

ابتسامه وراها كارثه

بس ما اقاومها

والي براسها يصير

bbm msg

2010-10-23T16:28:00.000+03:00

مزاج يوم السبت المعفوس

بس وصلتني مسج خلتني اضحك

Philippino poem

u are berry beautipool

u are unbelibabool

i tink ob u all da day..

Eben when ur money is pheeneees

i will lob u any way

اهداء

مساعده لو سمحتم

2010-10-19T08:15:00.000+03:00

فيني تحلطم بس على حش

شلوووون؟

عندي فكره بسيطه كل واحد يكتب ٣ اشياء بس يشوفها بالكويت

وانا ابتدي

١ بس بالكويت مرضى السرطان والقلب ينلعن خير خيرهم و يرفضون اوراقهم و عمليات تبييض الابط والحساسيه يسافرون على حساب الدوله لا و مرافقين اثنين بعد

٢ بس بالكويت المصاروه والهنود وابنغال اكثر من شعب الديره نفسها

٣ بس بالكويت يستغلون الاعاقه لاقصى حد عشان ماينطر بالدور يقعد على ويل جير مع ان تقاهم على الويل جير و مريض اقصد يتميرض و بيده بلاك بيري و طايحتله مسجات

وباجي التحلطم عليكم

عايله بلاليط

2010-10-10T14:26:00.004+03:00

مساكم الله بالخير

بصراحه بخاطري شي و بقوله

ليش ربعنا كرماء بكل شي

الكرم حتى بالحجي

انا اقول شي و كل واحد يفهمه و ينقله على هواه

وصارت لي بوفاة خالتي الله يرحمها

كنت بالبر و ياني تلفون من وحده ان خالتي الله اخذ امانتها

فردي ياجماعه الوالده راعية مرض

لحد يكلمها الحين خل اوصل البيت واكلمها

وكيفكم بعدها

المهم ماوصلت حزة المغرب الا الخبر

واصل من فلانه الا فلانه عن فلانه وعلى ماوصل الخبر حق الوالده ان انا طارد نص خلق الله

ههههه

والله صكو على قناة الجزيره

وهالسالفه ذكرتني بنكته العايله الضاربه

و نصها كالآتي

يقولكم ان في عايله كلهم صمخان

فواحدمن ربع الابو دق على الابو

الصديق : الو بوفلان ترى احنا متيمعين بالديوانيه

الاب : رد عليه خييييييير؟؟؟؟

الصديق : اقولك متيمعين بالبييييت ربع الديوانيه

الاب: خيير ثمنو البيييييت ب ٨٠٠

الصديق : شنو ؟؟؟

الصديق : اي ٨٠٠ ؟؟؟

الاب : يزاك الله الف خيير

ولا بدخلت زوجه الاب وام العيال

الزوجه : شفيك يافلان عسى ماشر

الاب: باركيلي ثمنو البييييييت

الزوجه : تصرخ ياويلي بتزوج علي و بتييبها البيت؟؟؟ هذي اخرتها

ولا بدخلت البنت يمه شفيييج عسى ماشر

الزوجه : ابوج ابوج بتزوج علي و بييبها البيت

جان تصرخ البنت حرااااام عليكم مابي اتزوج مابي اتزوج الزواج مو غصب

وركظه حق اليده اديده اديده شوفيهم مايخافون من الله بيزوجوني غصب

جان ترد اليده شوفو عاد تبون بطاط و بيديان ولا فلافل انا مشتهيه اكل بلاليط

فربعنا بنقلون الاخبار والسوالف مثل عايلة البلاليط و كل واحد يسمع و يفهم على كيفه

وسلامتكم

:(

2010-10-09T18:05:00.001+03:00

باجر دوام بعد اجازه طويله بداوم لا وخفاره بعد

من العشر الاواخر وانا مسافر

سافرت سفره طارئه للوطن الثاني

حكم ربي ان لازم نروح كل ٣ شهور و نقعد بين اسبوعين الى شهر

هالمره صادف سفرنا العشر الاواخر والحمد لله اسبوعين وردينا للديره

صج كان ملعون خيير خيري بس لعيون الغاليه كل شي يهون

رديت الكويت ٤ ايام ورديت هالمره انحشت و صارلي اسبوع من رجوعي للديره و ماني قادر اتاقلم

لان من اكثر من خمس سنين هذي اول اجازه لي انا استمتع فيها

والله يعيني على باجر

النومه معفوسه عدل

موضه يديده؟

2010-10-04T12:40:00.000+03:00

صارلي فتره كل ما اروح مكان اشوف بنات و بيدهم زقاير او شيشه

مطاعم كافيهات مادري شصاير

هبه يديده يعني ؟

بنات وحريم بانواعهم

محجبه سفورقرعه امقذله ام قفه كلهم

قلنا فري بس موجذي للاسف

الله يهديهم ويصلحهم

عيدكم مبارك

2010-09-12T12:07:00.000+03:00

عيدكم مبارك و عساكم مو عاده

متاخر ولكن

2010-08-27T23:15:00.000+03:00

مبارك عليكم الشهر او مابقى من الشهر

وعساكم من العايدين والفايزين

يالله استر علينا

2010-07-06T11:36:00.000+03:00

كالعاده بوراشد صديقي الصدوق المزعج الي ٢٤ ساعه لازم اكون معاه

الا يبي يلعب هاند مع بقية شلة الشياب بالديوانيه

مع اني اصغر واحد فيهم

ماعلينامن الشياب

صار شي بصراحه اول مره يصير جدامي

دش علينا واحد و حب راس واحد من الشباب و بيدور على الشياب

قالوله استريح

قعد شوي و مادري شقال انا كنت لاهي و واحد من الشياب مد ايده و عطاه فلوس

وثاني يوم وانا طالع من دفان يدة واحد من الشباب بالمقبره وهم عيايز ثنتين متربعين عند طلعة المقبره

و بعد صلاة المغرب بالمسيد الي يم بيتنا عيوز هم ماده ايدها عند باب المسيد

لاحول ولا قوة الا بالله

الله يلعن الظروف الي تخلي البني ادم يذل نفسه حق الغير

مع ان الديره ديرة خير و ما اعتقد في انسان نفسه عزيزه يسوي هالشي

عندي اشتغل حمالي ولا امد ايدي

وعلى فكره الي دش علينا بالديوانيه يعرفونه يفتر على الدواوين

ويطر

يالله لاتبلينا

ويالله حسن الخاتمه

مطار الكويت

2010-06-21T11:26:00.000+03:00

صبحكم الله بالخير

طبعاً كل يوم احد يكون حافل بالنسبه لي

دوامي من ٧-٧ يعني الله يعيني على هاليوم الطويل

اهم شي ان ياني اتصال

انسان تعال المطار توصل طيارتي الساعه ١٠

اوكي حوس بالمطار و ادفع كل الفواتير تمشى شفت عيال خالتي بالمطار

وشفت ريل بنت عمي

المهم وفجأه صداع و عوار راس اخ ولا طيارة كابول واصله

مطار الكويت فجأه صا ر كله بسطات

عند كل عامود ثلاث متربعين عالارض ويسولفون

طبعا الصداع من الريحه الي هفت على

و بعدها استغربت من الاشكال الي شفتها

واحد قاعد قعدة القرفصاء بنص المطار ياكل شبس ؟؟؟ بذمتك ؟؟

ولا همه احد

والي لابسه قصير مادري اقول فوق الركبه ولا تحت السر؟؟

اهي اقرب للسر من الركب

ماعلينا والي لابسه شورت و الي صابغع شعرها اشقر و تافخه الحجاب

والي لابسه اريننج سوت رااص عليها وحجاب ؟؟؟

لا صج الواحد يضيق خلقه

لي هالدرجه الكويتيين وصلو بالستر؟

الله يستر علينا و على اهالينا

الواحد اذا بالمطار يا يحول يا يصير مثل الغوانا كل عين تتحرك بروحها

ذكرى ماقبل النفط

2010-06-19T21:29:00.002+03:00

لاتعليق بس التسريحه ناااااااار

2010-06-11T10:18:00.001+03:00

يوم حافل

2010-04-26T13:07:00.002+03:00

كالعاده يوم حافل بالدوام و لازم اراجع الوزاره عشان اوراق مهمه

المهم على ماوصلت الا راسي مفتر من هالدواوير و الزحمه والكل عنده الشارع شارع ابوه و اتحلطم على الاوادم لين وصل المكان الي ابيه الوزاره المعنيه

سالت وفتريت و حفت ريولي و اخرتها محد يدري وين الكتاب الي موقع عليه الوكيل

الرياضه حلوه خصوصا بين بشر مادري شقول عنهم اول مادشيت ولا ثنتين متلحفين و يتغشمرون و بالممر وحده تقول حق رفيجتها " العن ابو شكلج" ياساتر

بل بل بل هذي تتغشمر جذي عيل شلون لو زعلانه شبتهبب و شبتقول؟؟؟

ما علينا اصعد الدور الاول ،انزل السرداب، يمين يمين شمال شمال فوق تحت

جنها صارت اغنيه الشيشه

فرو راسي فرالله لا يبارك بالعدو. لا وتقولي الاخت روح حق فلان فلان رد حق فلانه وتقولي الاخت لا انت عاجبتك الييه عندنا

موت مادري منو

اخرتها لازم عند اخ مصري قالي اديني يومين و اطع الكتاب من تحت طآطيئ الارض

اهم شي تيتي تيتي زي ماروحتي جيتي

وانا راد زحمه ولا الاخ كاشخ بجمس و لازق بسياره بالشارع و الاخت بسياره ثانيه ماده ايدها مادري شقطت بيده

بس انا اتوقع ان معطيته سبال و موقفين الشارع يسولفون صج قلت ادب

بس تيس التم على جفرتين معفنات شتتوقع منهم

المهم اخذ السبال و طس و ذلف و انا اتحلطم عليهم ليلحين

واسف عالاطاله يا جماعه و سلامتكم

آباء و امهات

2010-03-22T12:31:00.000+03:00

١٨ سنه اشتغل و طبيعة عملي اشوف وألاقي فيها كثير من الاهالي

آباء و امهات

واحتكاكي فيهم مباشر

و ياما شفت و سمعت قصص تشيب الراس و شفت بعيني شغلات ماتطري على بال اي انسان

الحمد لله الله اعطانا امهات و اباء عندهم عقل

ماقول كل الامهات سنعين و لا اقول كل الاباء مهملين

عندي سؤال دائما اسئله للاباء

٩٥٪ منهم يجاوبونه غلط

مع انه سؤال بسيط جدا شنو تاريخ ميلاد البنت او لولد

والله ان اغلبهم يطل بالبطاقه المدنيه

والله فشله ماتعرف يوم ميلاد ولدك ولا بنتك؟؟؟

بس بصراحه اكو واحد بدع وصك على كل الي مرو علي

سألته سؤال شنو ترتيب البنت فلانه بين اخوانها وخواتها؟

سيده الابو فلانه انتي مني امج

والله اني بققت عيوني

منو امج ؟؟

قالي انا عيالي كثار

ما شاءالله اهو وعياله و حريمه و اثنين من عياله متزوجين

كلهم ٥٠ بالبيت نفسه ؟؟؟

شلون

وين ينامون

شياكلون

ماعلينا الله يحفظهم

وفي بعض الاباء اهم الي يراكظون بعيالهم

والامهات مايدرون وين الله قاطهم

والي اقصده الأب والام لهم دور اساسي و كل واحد يكمل الثاني بتربيه الابناء

فالمفروض نسمي عيد الاسره مو بس عيد الام

بس الواحد شيقول

قال انفخ ياشريم قال مامن برطم

اكو اباء وامهات ودك تحطهم على راسك و في منهم ودك تشب فيهم النار

لانهم مو كفو نعمه

وبالنهايه اقترح اقتراح للحكومه الرشيده

بان يقرون اجازه ابوبه مثل الامومه لان في اباء يتعبون اكثر من الامهات مع عيالهم

وسلامتكم

ويك اند ماينسي

2010-03-02T20:53:00.003+03:00

سفره قصيره و سريعه بدايتها بدعه و نهايتها مأساة
ياتنا اتصالات من قبل اصدقاء الدراسه بطلبهم بانضمامنا للتجمع السنوي
(reunion)
فتم الحجز المسبق والتنظيم من شهرين
بصراحه ولهت عليهم من ٢٠ سنه مو شايفهم
الحمدلله الاربعاء الفات كان اليوم الموعود
رحنا المطار و كل شي كان اوكي لين وصلنا البوابه ولا اوخ مادري صينييين او فلبينييين مبسطين عالارض و مسدحين
منظر كلش مو حضاري لا تعتقد انه بالكويت ؟؟؟
امنا بالله و دشينا عند البوابه ٢٣
ولا شرطي يزف واحد ويصارخ عليه وبهذل عيشته
ليش ؟ لانه هندي ؟؟ سيكي ؟؟ يا اخي والله عيب عليك
انت يالشرطي ياللي تمثل البلد و تمثل شعب و هذا يعتبر ضيف عندنا لو شصير ما تتعامل معاه بهالاسلوب
والله كسر خاطري لان اسلوب الشرطي كان واطي يعني ما الومهم لما يكرهونا او يحقدون علينا و السبب
الاشكال الي ماتطبق الدين دين السماح و العفه والاخلاق الحميده
المهم صعدنا الطياره والا ٩٠٪ من الي بالطياره هنود و باكستانيين
والله ماعندي مشكله بس تعبت نفسيا والسبه الريحه عزكم الله
يعني ناقصين الله يهداهم الطيران العماني وجبتهم دياي بالكاري و اجار منجا ؟؟؟
صداع صداع صداع
وبالنهايه وصلنا عمان و الشباب ناطرينا بمنتجع عباره عن مزرعه كبيره و فيها شاليهات
الحلو في هالمنتجع انه ماكو سيايير . التنقلات داخل كلها بالقولف كارت او قواري الي محذفه كل مكان
تبي تمشي امش او تبي قاري تل اي قاري يم اي شاليه و روووح
المكان راقي جدا
بس المشكله ان احنا ١٦ واحد و نيسينا اعمارنا ردينا علي شطانة الجامعه و ضحك و سوالف
ويك اند ماينسي
شعب بسيطم و طيب و خجلونا بكرمهم
وبالنهايه بالمطار و على نفس الطياره و نفس الوجبه و نفس الخيسه
بس ودي اطلب من خطوط الطيران انهم مايوفرون هالاغذيه المولده للغازات السامه والخانقه لان اكو شعب مايرحم و يعتقدون ان الناس ماتشم
و على فكره اكتشفت ان المخ و الخشم ممكن يحوشهم شلل اثر تعرضهم لهذي الغازات السامه و سلامتكم

فيديو عجيب

2010-02-21T15:20:00.000+03:00

من صجهم؟؟

2010-01-16T11:04:00.004+03:00

بصراحه ماتوقعت و لا تلوموني

امس وانا بالبر قاعدين والا واحد من الشباب الي صك على امي بتغيير قنوات الستلايت ٥ قنوات بالثانيه على بو يدور

المهم واستقر اخيرا علي قناة

بس والله متنا من الضحك وقزرت السالفه عليهم

هههه من صجهم ولا فلم هندي باللهجه الخليجيه

و اهم شي مترجم

"البطل يقولها "انا يوعان وين المشاوي

والترجمه مكتوب اين الحلويات

و اسمها بالخليجي سعاد و بالترجمه جيت

هههههه

الا و يركضون بيلحقون عالقطار وهي صعدت القطار ويقولها البطل

"سعاد احبج وايد اموت فيج"

والترجمه مكتوب

" انني معجب بك يا جيت"

مابقى الا يقول

" سعادوه و يهد وين الابريج ياللاا"

والترجمه

"الماء ساخن ياجيت "

و لا تستغريون
باجر بروس ويليس و توم كروز حكام بشاعر المليون
باميلا اندرسون تصب لهم القهوه و اوبرا مع داوود حسين بحلقات رمضانيه
ماقول الا يا شين السرج عالبقر ودورو شي يفيد الاوادم الناس بتوصل المريخ و حمود يصارخ على سعادوه وين الابريج

صبحكم الله بالخير

2010-01-11T08:31:00.004+03:00

صبحكم الله بالخير

ادري انقطعت فتره و رجعنا والحمدلله

مادري سوالف مالها اول ولا اخر بس نقول الحمدلله و مع سنه يديده الله يجعلها كلها خير و فرح للكل

سواء كان عدو او صديق

طبعا الموسم موسم برو مخيمات و رحلات و كشتات ووناسه

بس للاسف من كثر الوناسه تنقلب الا مصيبه

هالحوادث الي تصير

اشوف ياهل ١٣ سنه او ١٤ يسوق سياره بالبر

ولا الثاني بيده شوزن والمصيبه الشوزن اطول منه

لا حسيب ولا رقيب

يعني الجماعه مو خايفين على عيالهم ولا على عيال خلق الله

و كل محترجه حلال

كل شي يتحرك يرمونه

طير ما يناكل ليش تذبحه؟

حتى الشجر ماسلمت منهم

و غير الوصخ الي وراهم يخلونه

مادري شقول بس الله يفكنا من عوير وزوير والمنكسر مافيه خير

لو كل واحد فينا راعا ضميره و نظف وراه جان الكويت جنه

البر عزكم الله صار زباله

هذي بعض الصور

بس الجماعه مايخلون و هذا اول دليل للجريمه

هذول الاخوه الاعداء الي ياكلون اليابس والخضر

والشاوي البنغالي الي وين مايطب دمار للناس والطبيعه

وهذا اول دليل اثاره على الطبيعه

وهذي جريمه كويتيه بعينها وعلمها على الطبيعه

وهالضيف المسكين ماخلوله مكان يليق بمقامه

مساكن حكوميه يديده لاعضاء الباديه قامت ببنائها شركة النفط

و جريمه اخرى للاخوه البنغال ترك اي خروف ميت لانتشار الروائح الطيبه و الامراض

شقول ؟؟ شفتو البر و شلون نظافته

وسلامتكم

عيدكم مبارك

2009-12-03T12:15:00.001+03:00

عيدكم مبارك ولو انها متأخره

انقطعت فتره والحمدلله على كل حال

السبب تعب خالتي و طلبها بان تشوف بنتها

الحمد لله شافتها قبل لا الله ياخذ امانتها

هنيالها الله اخذ امانتها بفجر يوم الجمعه

واندفنت بيوم ابرك وهو يوم الوقوف بعرفة

الحمد لله على كل حال

عيدنا كان عزاء

الحمد لله

2009-10-22T12:40:00.000+03:00

الحمد لله على كل حال

التربيه والصحه vs H1N1

2009-10-11T10:30:00.003+03:00

قبل بدايه الموسم الحالي للدراسه قامت وزارة التربيه والتعليم مشكوره بالتعاون مع وزاوة الصحه لوضع الخطه الهجوميه الدفاعيه ضد

H1N1

الملقبه بانفلونزا الخنازير

بااستعانه بالخبرات المحليه و افضل الاستشاريين العالميين بقيادة المدرب الوطني

ف . ابراهيم

بدت الساحة خاليه من الجماهيرومع صفاره بداية الشوط الاول بثواني معدوده سجل الفايروس انفلونزا الخنازير

اول اصابه و وتلتوها الاخرى لا الفايرس لعب فيهم لعب ولا رونالدينو و جاسم يعقوب و مطيرشرقاط

انسحبت الوزارتين و القت اللوم على الحكم بانه كان يشاخي الفريق الخصم مع انهم قضو فتره كافيه بمعسكر خارجي استعدادا للمواجهه

وقررو بالاستعانه الدكتور الوطني م ابراهيم

حشه طلع بتاع كله مسكين نجح بمياراتين حتى الصحه طلبته

ماقول الا لعبو بعيالنا لعب و يقولون الكوادر تكرف و واحد يبي يستفيد يعومسهم كلهم

واهديكم هالاغنيه تعبيرا للجهود الوطنيه
وسلامتكم

بوست عاجل

2009-10-07T12:58:00.000+03:00

ويدتي مالها رب هم تبي بلاك بيري

اسبوع ملعون

2009-10-07T02:15:00.000+03:00

كالعاده المقرود مايووز من سوالفه

شهر كامل يجهز شغله حق دوره و اجتماعات و عرض سلايدات

و بعد ما جهز شغله نزل يتغدا

و رد المسكين والا الكمبوتر طافي

؟؟؟؟ شلون ويحاول يشغله بدون اي فايده

و سيده الورشه ياجماعه شالسالفه

سير ذي ال سي دي اند ذي جرافيك كارد نوت ووركن

وي نيد تو سند ات تو ذي ووورك شوب

ياعيني

اجتماع و عرض و دوره

وخذيت لابتوب يديد وسالت عن اليديد

ماعندهم اي شوفو الفروع الثانيه

مافي و سبحان الله شريته شسوي و قالولي وصلة البروجكتر بالفرع الثاني

امراد رحت اخذها و مادري شللي خلاني اسأل عن الجهاز المو موجود

والا اي في اخر حبه

اهني طنقرت

و ليش قالي مافي

والله مسألنيش عن الاب توب بس سأل عن الوصله دي

و مسكين انزف و ماله اي ذمب

المهم دفعت الفرق و خذت اليديد بعد ما تناجرت معاهم

انزين الباك اب

هههههه مقرود ماكو شغل

كل شغله ضاع

شغل الدوام

التصوير كل شي

و يومين بس احاول والحمد لله قدرت اخيرا اصيد الفايلات

ااااه ٣ ايام من الحوسه واللويه

اهم شي الفايلات الي كنت شغال عليها والحمد لله هم ردت

وبطلعتي من حولي والا الاخت موقفه بنص الشارع تقول شارع ابوها

ومو مخليه احد يطوف

اهم شي حكيت جيبها اي دني حركي شوي

لا عشان تدعمني انطر ريلي

نرفزتني والله مسكينه نزرتها نزره الي بطلت الشارع

والله جنها تقولي لا تنحاش

و وقفت و نزلت لها وسيده اكو وحده صاحيه توقف جذي

ولا ردت

وين ريلج

كاهو ياي

و نطرت ريلها علي ماوصل و شاف مرته شلون واقفه

قالي اخوي مانبي شي توكل على الله ماصار الا الخير

بصراحه ضاق خلقي لاني عليت حسي عليها لان مو من طبعي بس نرفزتني

المهم اهم شي الابتوب عجيب و الفايلات ردت كلها و سلامتكم

عيدكم مبارك

2009-09-20T15:25:00.002+03:00

عيدكم مبارك

بكاء امي

2009-09-16T11:36:00.001+03:00

بعد يوم طويل بالدوام رديت البيت

احاول اني انخمد بس للاسف جزت عيني عن النوم

امراد نزلت اجابل الاهل شوي والا الولده دموع و تبجي

وتتحلطم حسبيى الله عليه جذي يسوي

هذي سوات يسويها ولد باهله

انا صبت عظامي بس اخوي مسوي مصيبه

يمه عسى ما شر شفييج

مافيني شي

يمه شفيج قوليلي

ماشفته ؟؟

اي منو شصاير

ااااااااااه يا قلبي
لا حول ولا قوة الا بالله

طلعت قاعده تشوف حلقه بالتلفزيون

وانا بعد هل سلالفه صج صج كرهت التلفزيون

ما تسوى الخرعه حسبي الله عليهم

خلوني احقد على امي من هالسالفه

و سلامتكم

عسى مايزعلون

2009-09-06T11:51:00.003+03:00

ادري وايد بيزعلون

لان الله يهديهم بعض الاخوات الفاضلات

والله يصلحهم

صارو كلهم كائنات فضائيات

E.T بنات عم

بلشو بقوطي روب

وبعدها تطور الوضع الى قوطي الباجله والنخي

وبعدها علبه برينجلز

و بعدها قوطي حليب نيدو"الحجم العائلي " و بعدها

قالو لا خل نخف بدو يتطنزون علينا

فقامو يحطون شباصه عوده

و بعدها ٢ و ٣ و٤ وانت رايح

انا اقول ليش ماتحطون وحده من مخادكم ابرك

الله يستر بس

لان ربعنا هبه و بيوصلون لنفس مواصيل صاحبنا الي بالصوره

وعسى مايكون الاخ الموديل لحجابات ٢٠١٠

ترى يقوم سوقه

والله يهدي الكل

مادري شقول

2009-08-29T16:27:00.003+03:00

نرد مع سالفه يديده

الله انعم على الانسان و هي نعمة العقل

ميزه عن باجي خلقه فيها بس

بذمتكم ودي اعرف يعني رمضان والناس صايمه

شعب مجابل التلفزيون طول اليوم والله يهديها

شعب مجابل المسايد والله يثبتها

و شعب ليلحين ناسين انه رمضان والله يصلحهم

و شعب تذكرت انه رمضان و اجازه شهر

مو للعباده بس لانه ماكو مكياج و خوف من اكتشاف الحقيقه المره

والعيوب الي ساترها المكياج

وشعب طاير يبي يلحق على الفطور و مطشر خلق الله

واخر نمونه من الشعب وهم الي باطين جبدي

ميمعين اليهال

و ميريرينهم معاهم قصر نايف عشان يصفون مع المينن

يشوفون المدفع حزة الفطور و بيدهم الموبايل و اشرون مع السلامه

حق كامرة التلفزيون

بذمتكم اكو ناس صاحيه تسوي سواتهم ؟؟؟

صج الجنون فنون و قل العقل مصيبه

وسلامتكم

يالله صباح الخير

2009-08-24T09:54:00.004+03:00

صبحكم الله بالخير

طبعا ومع بدايه الشهر الفضيل النوم شبه معدم وماله وجود بالمعجم الخاص فيني

ومن امس بعد الدوام وانا احاول اني انخمد بس بلا جدوى

ياني تلفون من ولد اختي خالي ابي كذا و كذا و كذا

ان شاءالله حبيبي بس اريح شوي

٥ دقايق و تلفون ثاني و سكرنا التلفون

الباب ينطق لا مو وقته

انسان شرايك نروح نمشي عالبحر

عالبحر؟؟؟؟ خلوني بتمشى على فراشي ابرك

هين

اذن المغرب فطرنا و كثرنا من اللبن

بحياتي ماشفت امامين بنفس الوقت يامون فينا

و بالاساس ليش مسيدين يم بعض

واكتشف اني محول من كثر مافيني النوم

وردينا البيت

"اقول "ام انسان

هلا يمه

تعال ياوليدي جابلني خواتك طلعو ومالي خلق اقعد بروحي

امراد جابلت الواده وهي تسولف وانا اتحلم بالفراش ابي انام

واخيرا عتقوني و رحت فراشي

ومن الساعه ٩:٣٠ لين الساعه ٦:١٥ يالله غفت عيني

٦:٢٥ واحد متفرغ و داق ازيك يااحمد

والله بقيت ابجي وسكرت الموبايل

اعن ابوك زرزور احد يتصل الساعه ٦:٣٠ الصبح و برمضان ؟؟

و ثلاث منبهات اشتغلو على راسي فابرك لي اني اروح الدوام مواصل

وانا طالع اول ما نزلت الشارع واسمع سحكت بريك الي صرعتني قمت اتلفت

ههههه والا الاخ طاير و شكله غفى و بطل عينه ولا المطبه قباله

بس المسكين شكله حاشه عوار بطن و صحصح مثلي

وسلامتكم

ولا احد اييب طاري النوم

و رمضان كريم

مبارك عليكم الشهر

2009-08-20T21:00:00.000+03:00

وتقبل الله منا و منكم صالح الاعمال

اخوكم انسان بسيط

يوميات انسان بسيط

الناس عميه؟؟

هذا جو الكويت

المشكله

‏​‏​​‏​​‏​‏​‏​‏​‏​فلسفة تستحق أن نعيشها

for men only

دواء لا يوجد في الصيدليات العالمية‏

عيدكم مبارك

why is he cold ?

ناسف لهذا الخلل الفني

نصائح تكتب بماء الذهب

ان شاء الله

عيدكم مبارك

احسن طريقه للمكاسر

.

تحلطم هذا الشهر

ياحلوهم

كلام في قمه الروعه

تبي تعرف ليش الكويتي مو متوفق ‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​

الصيف الصيف

اقتراح

موتني من الضحك

ايميل وصلتي

هكذا هي الحياة

الحل الوحيد

للزوج الكويتي

اللهم لا شماته

don't count the days

ثقافه كويتيه

حسافه عليج يا كويت

يخرب بيتك

يسويها البخت

ياشين اللقافه

شبلين رمل وحفره

عيد الام

funny BBM message

ناسا و استنتاجها التاريخي

اجازه سريعه

العمر ياشامان

احتفالات ٢٥ فبراير

هذي ديرتنا وفيها الي نبي

انتحر انتحر

happy new year

والبيبسي؟؟؟

ما ألوم هل الأوادم

سبحان الله

من أهم اسباب تسميتنا بالعالم الثالث

لمحبين التصوير

Multi ministry camera ban frustrates artists

عيدكم مبارك

اهل الاشاعات

ابتسامه

bbm msg

مساعده لو سمحتم

عايله بلاليط

:(

موضه يديده؟

عيدكم مبارك

متاخر ولكن

يالله استر علينا

مطار الكويت

ذكرى ماقبل النفط

يوم حافل

آباء و امهات

ويك اند ماينسي

فيديو عجيب

من صجهم؟؟

صبحكم الله بالخير

عيدكم مبارك

الحمد لله

التربيه والصحه vs H1N1

بوست عاجل

اسبوع ملعون

عيدكم مبارك

بكاء امي

عسى مايزعلون

مادري شقول

يالله صباح الخير

مبارك عليكم الشهر

‏‏‏‏‏‏‏‏فلسفة تستحق أن نعيشها

تبي تعرف ليش الكويتي مو متوفق ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏