تطور لستت الارقام

بدون زعل من الاخوات الفاضلات الي بتزعل لا تكمل قراءة البوست

والسبب اني لاحظت و ملاحظتي يمكن تكون غريبه شوي

اول ما داومت كنت الاحظ على بعض زميلات العمل ان لما اقول ابي الشغله الفلانيه

يقولون عندنا رقم المدير الفلاني الوكيل الفلاني الوزير الفلاني

وبعدها مدير الشركه الفلانيه

و معارفهم يعني حلوه

ويتدرجون بالسلم الوظيفي و تتطورمعارفهم

و مع الزواج

تبتدي لستة الارقام تتغير و تتطور

وبس يطل اول ياهل

سبحانك يارب

اللسته تتغير الى الدكتور الفلاني و العياده الفلانيه

والصيدليه الفلانيه

ومع المدارس

الناظر الفلاني والمدرس الفلاني

و يبدي التاخير بالدوام و الحش و هم اللسته تتغير الى

المطاعم الفلانيه و المخابز الفلانيه

و حزة التقاعد تبدي اللسته و قائمه الاصدقاء تتغير الى

الخباز و راعي الخضره و اللحام و السماج

و سامحوني بس مجرد ملاحظه

ويمكن اكون غلطان

والبوست الياي ان شاء الله عن الشباب

ليش

بخاطري اسأل سؤال

يعني انا و رفيجي واقفين بممر بمكان حكومي

و ايكم واحد يمشي و مشيته فيها شي غلط

والممر يذري بهالاوادم

الاخ يمشي مشيه الخوال جنه خابط ب*** يعني كول

و جدام خلق الله يتل المكسر ويفره يمين يسار

والله عبالي ان يبي يرفعه لي فوق راسه

لأ مأساة

يعني سير المكسر مظايقك ؟ ولا خاق ؟

اي حطه فوق الكرش و تحته

او تنعز بمكان محد يشوفك و تعدل

والله الواحد عباله فار داش بالمكسر والاخ يبي يطلعه

بس الواحد شيقول الله لا يبلينا ولا يحطنا بهالموقف

Anonymous

ادري بتقولون ان اسم البوست غريب

والسبب احد الاخوات علقت على البوست السابق وهي

Anonymous

ويابت طاري اللابجين

وذكرتني بسالفه قديمه

الله يسلمكم الوالده والوالد عانو من يباست راسي و عنادي و شطانتي

مره من المرات يايبينلي صوغه عباره عن جوتي رياضه اديداس لونه و شكله عجيب بس للاسف

كان ٣ مقاسات اكبر مني

بس بوراس يابس الا يلبسه ويروح المدرسه

الوالد ياولدي مو زين شكله موحلو

ابد مابذني ماي

الوالده يا حبيبي تتعور ريولك

لا يمكن كاشخ فيه كاشخ فيه

اليوم الثاني كشخ بوراس يابس المقرود و راح المدرسه

والوالد يضحك

داش المدرسه وامشي جني بطريق من كبر عزكم الله الجوتي

وناطر حصة الرياضه

واول ما لعب قوم وشوت الكره بعد اديداس لازم يشوت ويقوول

واول ما شات الكره قام يناقز جنه كنغر من العوار

و قعد ساكت و بعدها رد البيت

و يعري المسكين

واكتشفو ليش قام يعري

الاخ لان نص الجوتي فاضي قوم و ترسه كلينكس و حصم

بس صج اول ما شت الكره حسيت كل اصابع ريلي بصوب

حسيت ان ريلي صارت جنها اخطبوط كل اصبع بروحه

بس بوراس يابس مامنه فايده

يالله كل تعلومه بطراق

هبه يديده ؟

ودي اعرف بالهبه اليديده الي طالعين فيها هاليومين

حد السكبه دشداشه و غتره و عقال و جوتي رياضه؟؟؟؟

باجر شورت و شماغ احمر والي بعده دشداشه و كرفته

والي بعده سترجات وحجابات

همممم لالالا هذول بلشو فيهم من جم سنه

يعني لي وين بيوصلون؟؟

الله يستر مابقى الا مايوهات وحجابات

وغتر و عقل و شورتات

يالله حسن الخاتمه

الفرق

وصلني ايميل عن اسامي المدن والفرق بالتسميات

أسماء المناطق في احدى الدول العربيه

عين التينة

جبل الزيتون

عين الرمانة

برمانا

إقليم التفاح

تل الزعتر

نبع الصفاء

بنت جبيل

مارون الراس

عيتا الشعب

أسماء مناطق في دوله اخرى

أم الجماجم

أم العقارب

أبا الدود

لبخة

داحس

جفن ضب

عرقوب البقر

مزعله

أذن الحمار

نفي

أم الهوشات

حصاة بن حويل

أم العراد

أم الشفلّح

الخَترشية

الأثلة

صُمَخ

جَرَب

نجخ

كِتنَه

سراة عبيدة

النّغبقّه

بَقعا

عريفجان

خريمان

ساحوق

الشبحة

والله ما ادري اذا الاسامي صحيحه او تاليف من صاحب الايميل

هو؟ يو؟ هو؟ هاااا

ادري ضعتو

السالفه و مافيها

واحد من الربع الشياب اول امس

يسولف عن موقف صار حق رفيجه العبقري الي صك على العمده حواس

صاحبنا بلندن و يتمشى و لاحظ ان في احد يمشي وراه

و طول و هم الاخ لاحقه قال خلاص مايبيله

هيي انتا

come come come come come

وياشرله

what what what what what

و يشوح بايده و رد

go go go go go go

والمسكين الانجليزي طاقته البوهه

مايدري شللي صاير

وهني سالناه شالسالفه

تجم لنا الموضوع

come come come

what what what

go go go

مايبيله يعني تعال تعال تعال

شتبي شتبي شتبي

اذلف اذلف

ويقولون هي هم شي شم

هذول ربعنا بالانجليزي

19/6/2000

يوم وفاة اعز اخ لي

يوم وفاة اعز صديق لي

يوم وفاة اعز خال لي

الله يرحمك يامحمد