Wednesday, July 20, 2005

جزا الوالدين على الله

والله مادري شقول بس يوم الثلاثه الي طاف ما شاءالله الجو كان عجييب غريب اللهم ياكافي واهي .المهم من اللويه بالدوام قلت بوقف بره شوي ارتاح وانا واقف سمعت صوت عصى تصرصر على الارضية المهم والا شايب حافي يمشي وياه السايق لين مواقف المبنى . والله لا شعورياً زفيت السايق قلتله قم روح ييب السياره . شقول؟ الاخ هد الشايب وراح ركض عشان السياره والشايب لحقه حافي لين وصل السياره .اللي يحز بخاطر الواحد ان الشايب حافي و مبهذل يتعكز على عصاتة والهندي اللي مجابله . انزين عياله وينهم ؟ ماكو احد مجابلة؟مهيتين الشايب بروحه حق البهذله. بس ماقول الا صج يزى الوالدين على الله.

8 comments:

  1. اي والله جزا الوالدين على الله

    مرات اشوف نفس جذي ويكونون مع الخدم

    الحين هالريال الكبير

    ربى وتعب وصار بهالعمر عشان السايق

    ولا الخادم يقوم فيه؟؟

    لا تستغرب اخوي والله اعرف ناس عنده من العيال ما شاء الله

    ما يطلون عليه الا بالشهر مرة

    الخادم اللي عنده أحن عليه من اعياله



    الله المستعان والله يجعلنا جميعا من البارين بوالدينهم

    ReplyDelete
  2. امين يارب و عسى مانقصر عليهم بأي شي يحتاجونه.

    ReplyDelete
  3. يا بعد قلبي قلبه
    عسى ربي يبرد عليه دنيا واخره ويهدي عياله ويحننهم عليه...جنه برضاهم وبرهم،الناس رخصوا بالجنه ولا اشصاير؟
    :(
    الله يهدي الجميع ويرزقنا رضا والدينا
    اللهم امين

    ReplyDelete
  4. يالله يارب يبلغنا رضا اهلنا دنيا و اخره
    انا مرا شفت شفت سايق يطق الشااااااايب و من صدمتي وقفت في نص الشارع ابجي السياره حركت بسرعه و لا قدرت اسوي شي
    مت من البجي يومها على المنظر شايب عمره فوق الثمانين في سيااره كشخه و سايق لابس بدله و يكفخه لو بتكلم عياله بيقولون احنا مو مقصرين ويا ابونا سايق و خدم و حشم
    بس الشياب و الكبار في السن يبون رعايه موووو فلوس
    بس الواحد شيسوي
    يالله يا رب من حيلي لي قبيري

    ReplyDelete
  5. امين يا استكانه

    يا لوير
    خاليها على الله مادري شصاير بهالدنيه هذيل عيال اليوم

    ReplyDelete
  6. و الله ضاق خلقي على هالسالفه
    الشرهه مو على السايق .. الشرهه على العيال اللي قاطين ابوهم
    ما يدرون ان بييهم يوم ربي يوريهم اللي سووه

    و لوير معاها حق .. الكبار بالسن اشبعوا من الدنيا مو هامهم فلوس و لا كشخه
    يبون رعايه و اهتمام

    سبحان الله كل ما كبر الإنسان رجع طفل صغير

    ReplyDelete
  7. حياج الله ياليو للاسف وايد ناس ماتدري عن امهم ولا عن ابوهم

    ReplyDelete
  8. (سَــوْ ، يسَوّوون لك)
    يعني مثل ماعياله جازوه باهمال..
    ربي بيعيد الكرة عليهم من عيالهم
    لا حول ولا قوة الا بالله


    جزاك الله خير اخوي

    ReplyDelete