Monday, September 19, 2005

سبحان الله هالمناظر بالكويت؟؟

احنا عايشين بخير و نعمه بس الواحد ما يتوقع انه يشوف هالمناظر بالكويت والله يعوره قلبه يعني شلي خلى هالمسكين ينام جذي؟؟
" سألناه رده كان بابا انا بيت مهبوله شوغول في جاهرا"
دوامه بالجهرا و ساكن بالمهبوله؟ والباص ما اييله الى على الساعه 6 المغرب والله حرام

4 comments:

  1. اخوي هذا ولا شي
    أنا عندي صور صورتها بدوامي
    للعمالة الموجوده
    وطالبت بتقريري اللي ارفقته للصور حق المسؤلين بأنهم ياخذون الاجراء بسرعة طبعا لطش ولا احد رد
    لكن لما اخذت الصور مره ثانية
    وحطيت عنوان تقرير الموضوع
    الفرق بين القطاوة والبشر
    وتضمن التقرير اني راح ارسل للأدارة العليا نسخه من التقرير
    والجرايد بعد
    عالطول اركضوا وسنعوا شغلهم
    صج قهر
    الكويت اللي قاعده تساعد وتبني للدول الثانية اللي قاعدين فيها مو محصلين ربع هالمساعدات والا الانشاءات
    قهر

    ReplyDelete
  2. !!وعليه
    واي يكسر الخاطر ،الحمدلله على النعمه
    ياليت يسون شي ويتصرفون حرام هذيله بذمه الي يابوهم:(

    ReplyDelete
  3. واخر شي يطلع الخرافي يقول : حقوق الإنسان بالكويت يا لا يعلى عليها

    واحد اعرفه عندهم بقاله

    ذاك اليوم يايلي يقولي هذا الهندي إلي بالبقاله ,, ويقولي السالفه واخر شي يختمها ويقول
    جان اطقه طق

    علباله انا بستانس واقول زين اتسوي

    قلت له شكو اتسوي جذي
    يقول يبوق فلوس من البقاله
    قلت له : يبوق وموعاجبك سفره او روح المخفر
    ولا يعصب ويقول ومو انت إلي ياي تعلمني
    هذيلي ما ينفع معاهم إلى الطق (:


    يعني نبذه بسيطه عن الشغل بالكويت
    صج ان العماله بالكويت يحصلون فلوووس من كل صوب ,, الاغلبيه تعطي باجي الفلوس للعماله , الي يدز العربانه إلي يغسل سيايير المطاعم تقريباً كل مكان
    قليل إلي ياخذ باجي الفلوس
    بس المشكله في فئه تطقهم وتهينهم
    وإذا سألته ليش اتسوي جذي
    يقولك السالفه وإذا وقفت ضده يقولك انت شكو
    وبعضهم
    ولما تسئله ليش يقولك انا الي يايبه وكيفي
    جنه شاريه بفلوسه
    وفي واحد غصب طيب خله الشغاله تلبس حجاب
    واخر شي يخليها تقعد الساعه خمس الصبح تغسل السياره
    حر رطوبه بررد قاس غبار
    ماعنده فرق لازم تغسل السياره

    نقطه إنتهى (:

    ReplyDelete
  4. مره كنت واقفه عند الاشاره واشوف واحد مثل هذا نايم على الرصيف فوق صندوق

    قعدت افكر ليش ما فيه احد يحفظ حقوقهم؟؟ظ
    ليش يتعاملون على انهم مو بشر مثلنا مثلهم


    بكرا لا صرنا دوله فقيره ورحنا نشتغل عند غيرنا بنشوف المعامله السنعه والله

    الله لا يقوله

    ReplyDelete