Thursday, February 02, 2006

العمده

ساعات الواحد يصفن ويتذكر مواقف و يضحك عليها لا شعوريا والناس عبالهم انه خبل والله لاتلومونه الله يسلمكم بقولكم موقف من المواقف الي صارت ايام الدراسه. كان معانا واحد مادري شلون اطلعتله بعثه دراسيه ؟؟؟ معنه اهو بعيد عن شي اسمه دراسه .
معنه انسان طيب و كريم بس هالشئ مايمنع انه كان غلطه لمن عطوه البعثه بس الواسطه و ما تسوي.
اول وصولنا امريكا كان بيوم 15/10/1985 و طبعا من شطارتنا حطونا بمعهد اللغه لا و بمستوى الثالث من 6 مستويات . زين العوض ولا القطيعه . يزاك الله الف خير يا استاذ طلعت علمتنا كلمتين انفعونا .امراد اهني تعرفنا على العمده مستر حواس . عمدة الخليجيين بالولايه الي رحت لها
يحليله دزوه امريكا اول سنة 1980 بدى من المستوى الاول و بعد 5 سنوات لحقنا عليه بالمستوى الثالث بس تحفه. طبعا الانجليزي عنده بدعه ولا بدال ما يتعلم انجليزي علم معهد اللغه كلهم اللغه العربيه . اكيد عشره خمس سنوات المهم مره كنا بالمعهد انا والشباب و الكلاس كان" سبيج " و كل العاده مستر حواس ياينا متأخر و اول ما دش سلم علينا
يالله حيهم
و ما همته المدرسه الي بالكلاس فقالت له
Mr Hawwas please you are late sit down if you dont mind
والرد كان وش تبغى عجوز ابليس
since your late its you who is going to start to give the speech in class
وش تقول
و حنا يا حواس انت لازم الي تبدي السبيج والأخ مايدري شنو السبيج
مدري وشقول ؟؟
يا حواس تكلم عن اي شئ
ايي تكلم عن الصقر
وشو الصقر بالإنجيليزي
يبا الصقرفــــــــــــالكون
جزاكم الله الف خير
ارتز الأخ و تسنع والمسكينه ناطره السبيج .
طبعا اول القاعدين والمرتزين اليابانيين
. و نطق فطحلينو وليته ما نطق
.ون تـــــــــــــــــــــــــــــــــــــايم بــــــــــــــــــــــــــــــــــــــك هـــــــــــــــوم ماي فالكون ورررررررررررررر
بحياتي ما حاشني الم بضلوعي مثل ما حاشني ذاك اليوم والله بجينا من كثر ما ظحكنا
حسبي الله على ابليسك يا حواس
اول مره اسمع مدرستنا تسب قالت وات ذا ..... از وررررر
بصراحه ما الومها من حر ما فيها.
وماتدري المسيجينه ورررررر يعني انحاش
وتلوموني ليييش اقول انه كان غلطه بس الواسطه و ما تسوي

9 comments:

  1. هههههههههههههه ظحكتني يا بسيط والله وصج بين فيكم تدريس طلعت

    ذكرتني بنفسي مره قالتلي الوالده -لأن مافيني علاج باللغه_ شرايج تاخذين فاطمه -هنديتنا-وتروحين انجلترا اتعلمين لج لغه

    الوالده شكلها اتغشمر

    قلت لها يما يا حلوه اللبن لو نروح انا وفاطمه- انجلترا جان فاطمه اتعلم انجليزي وانا اتعلم هندي ونرد

    وعندي رفيجه مره رايحه نيوزلاندا تدرس طب اسنان قعدت عند اسره على بو ان لغه
    اتصلنا فيها
    شال ولدهم السماعه جان يقول

    السلالالالالالالالالام عليكم
    ههههههههه انفخ يا شريم ما من برطم يا خوي
    تحياتي

    ReplyDelete
  2. هههههههههههههه

    وااي غشيت ضحك

    وات...از وررررر

    :""")

    ReplyDelete
  3. لووووووووووووول
    حراااام عليييك

    يعني هو قعد خمس سنين بس يدرس مستويين !!!
    الله يصبر الاساتذه الاجانب عليهم
    والله نسمع قصص تذبح الواحد

    ReplyDelete
  4. 3ateeja

    وين محد يصك علو العمده حواس

    نون النساء
    والله لوتشوفينا كننا نبجي من الضحك والله

    صباحك سكر
    ra-1

    نور البلوق


    se3loah

    ماشفتي شي ماسمعتيه وهو يتكلم عن كلاس الميوزك الي خذاه

    ReplyDelete
  5. ههههههههههههههههههههههههههههههه
    حواس المرجوج
    بس والله عفيه علاه جريئ

    ReplyDelete
  6. والرد كان وش تبغى عجوز ابليس

    هههههههههههههههههه

    ReplyDelete
  7. جوزة

    وايد جريء هالآديمي


    كويتيه

    وش تبغى عجوز ابليس؟؟؟ هذي عاديه كلمته المعتاده لمن يشوف المدرسه دايماً يعفس ويهه و يقول يا دافع البلا

    ReplyDelete