Friday, February 17, 2006

كويتيات مصر

يازين ايام قبل
اذكر الوالده يايه وتسولف عن ريفيجتها و ميته عليها من الضحك. الله يسلمكم كنا بمصر
ورفيجة الوالده رايحه ويانا طبعا ايام السبعينات ذبحونا كلا مصر مصر و يا طلابة مصر المهم رفيجة الوالده كانت بالسوق وبترد الشقه اركبت التكسي ورتزت ورا المهم طبعا الإخت ماتبي راعي التكسي يعرف انها خليجيه يعني عشان ما ينقص عليها
المهم اصعدت التكسي و بنص الدرب حر موت والأخ امسكر الجامات . هههه سيده جان تقوله
ارفع الآمه لم سمحت
الريال رز عنقه و تعدل
بؤولك ارفع الآمه
المسكين رد عدل نفسه
علامك انت مابتفهمش بؤلك نزل الآمه
رد عليها "طب يفندم حوصلها لفيين"
واختمتها الإخت
ويييه أوطني على راس العاير لو سمحت
بذمتكم تلومون العمده حواس ؟؟؟

9 comments:

  1. شي عجيييييييييبب كلا انا اول وحده اعلق يا بختي ...
    انا ودي تعدل على بوستك اذا ما عليك امر وتكتب هالمواقف الثلاثه
    كويتيين مصر
    الاول
    الوالد ويا رفيجه بمركب بالنيل ..رفيج الوالد صافن وطاقها سرحه ...يلتفت ناحيه دريول الرحله وهو يطالع النيل ويأشر عالماي يقول باللهجه المصريه طبعا:
    هنا في قييش
    لدريول: بتؤوول إيه ..قيش!!!فين
    الرفيج: هنا هنا تحت الميه؟!!
    المصري: قيش تحت الميه طب ازاي؟؟؟
    ههههههههههههههههههه هذا يقول قيش يقصد عمق والثاني يحسبها جيش اخترع الريال
    الموقف الثاني
    رفيج ثاني افتر السوق كلا ما لقى اللي يبيه يوم راح معاه الوالد ولا طلع يقول للمصرين الجمله التاليه بالمصري
    عندك طخم ألاصات
    يعني عندك طخم قلاصات
    هههههههههههههههههههههه
    الموقف الثالث والاخير
    كان في الشقه ..وكانت الشغاله مره كبيره مصريه ...تقول لواحد من الشباب حزتها وهي تنجب ...فين وليد لسه ما قاش حيتعشى ازاي
    جان يرد صاحبنا بالمصري طبعا
    انكبيلو على كتر
    ههههههههههههههههههههههه

    ReplyDelete
  2. حياج الله يا عتيجه البلوق بلوقج
    بس ربعج!!! لا صكو على راس العاير

    ReplyDelete
  3. ههههههههههههههههههههه مت مت مت من الضحك
    ذكرتني في الذي مضى

    ReplyDelete
  4. ههههههههههههه
    انت عليك سوالف مدري من وين تجيبها والله

    وش رايك تكمل لنا عن العمده حواس شكله فلته هالانسان

    ReplyDelete
  5. هههههههههههههههههههههه
    ام الدنيا مايعرف الا اهلها

    ReplyDelete
  6. جوزه


    حياج الله انشاءالله دوم هالضحكه


    لوير

    اي والله سوالف قبل اتضحك


    سعلوه

    تامرين امر شوفي البوست الياي


    كويت لوفر


    حياك الله بالبلوق زارتنا البركه

    ReplyDelete
  7. انا ألقاها من أوطني على راس العاير

    ولا من طخم ألاصات



    ياربي مت من الضحك

    حلوة والله

    ReplyDelete
  8. ههههههههههههههههههههه

    موتوني من الظحك

    الا أوطني خطيرة ههههههههه

    والا طخم ألاصات ههههههههههههه

    الله يقطع ابليسكم لووووووووول


    عاد مصر كلها مواقف تموت من الظحك ...:)

    ReplyDelete
  9. نون النساء

    هههههه لا نسيتي ارفع الآمه
    حلت دنياج


    كويتييه

    وتلومين ربعنا 24 ساعه بمر لا و ماعندهم غير كازينو ابو الفدى

    ReplyDelete