Friday, February 24, 2006

موضوع مررته لي صباحك سكر

موقف ما انساه طول عمري
بسنة 1982 كان عمري حزتها 14 سنه و كنت زاير نسايبي بقطر
المهم واحد من الشباب قالي يا فلان امش وياي بروح مكان ودي انك تروحله وياي
وآنا على نياتي و متليقف و رحت معاه
الأخ دش بدواعيس و لف و راح سيده وبعد ما حاس مخي و سواني مثل التيله بطاسه وقف عند بيت قديم جان اقولي انسان حياك انزل معاي و نزلت وليتني مانزلت
دخلنا البيت كل الي اذكره عزكم الله الممر كله نعل . المهم دشيت وياه والا ششوف احنا في بيت عربي قديم والحوش يذري بالاوادم و انا يالأجلح قطنه بييضه بينهم
ما وعيت الا الكل يخوزر فيني .اهني صبت اعظامي وآنا في بالي اقول قلعه اللقافه و ماتسوي بس لحظه !!!! اكو اكلة لحوم البشر بالدوحه؟؟؟ جان اسمع اخو نسيبي يقول افصخ الجوتي لا تفظحنا . وفصخناه و قعدنا بينهم . وآنا في بالي شالسالفه لا لا لازم اسأل الريال سلطان الي انا متليقف ورحت معاه
سلطان
يا سلطان
شوي والا اسمع صوت طبل جان يقول الريال الي مو على طهاره يطلع
تلفت الملقوف و ما شاف احد تحرك
جان يطق الريال على الطبل و يقول يطلع وإلا أطلعه
اهني قامت وحده بعباتها و مشت
مره وحده طق الريال على الطبل نفسه و يطلع صوت الي هز البيت هز . صوت ثاتي شوي قامو يغنون مادري شقولون كل الي في بالي متى غير الطبل؟؟ لفت انظري شايب اتعكز على عصاته و الهندي معاه و يالله يالله يتحرك وصل بينهم بوسط الحوش قبالي و قام يهز يهز لا الشايب قط العصى شوي لا قام يناقز مثل الشاذي
سلطان
ياسلطان
الله ياخذك يا سلطان
الريال لاهي قفل مو صوبي
وهنيه تذكرت مسرحيه العيال كبرت لمن قال احمد زكي حق سعيد صالح
ابوك حيسيب البييت يا سلطان
البيت حيتطربأ فوء دماغ اهالينا يابوسلاطين
طاخ التفت ولا ششوف الأخ تكود الشايب الي تكود وقام اتنافظ وعيونه مبققه ويخزني
لا صارت السالفه صج
اهني لايبه ياروح ما بعدج روح و قبه اشلون طلعت من البيت مادري
وين وصلت مادري
و هل موقف ليلحين ما انساه لان لو انا حزتها داش سباق مع حصن والله مايشوفون الا غبرتي

بس نصيحه لحد يتليقف ويرز ويهه ويروح مكان مايدري عنه

17 comments:

  1. لوووووووووووووول

    داش مو جب الأخ

    :)

    طيب اشكثر الي يسوون موجب بالكويت يعني ما حلالك الا الي بالدوحة

    تعيش وتاكل غيرها

    :)

    ReplyDelete
  2. ههههههههههههههههههههههههههههههههههههههههه موتني من الظحك الشايب تخيلت شكله لووووووووووووووول

    يعطيك العافيه...:)

    ReplyDelete
  3. فعلا والله نصيحة في محلها لكن ألحين الناس


    تروح كل مكان إلي تعرف وإلي ماتعرف


    بس خليها على ربك



    وربك ييستر علينا

    ReplyDelete
  4. شفتي شلون يا سكر ما حلاله الا الدوحه

    هههههههههههههههه عيل قام يخزك


    انا لو مكانك اقول بيب بيب شفففففففف واشفط


    بس سلطان اش صار عليه

    ReplyDelete
  5. ما فهمت! شنو طلع المكان؟
    :\

    ReplyDelete
  6. This comment has been removed by a blog administrator.

    ReplyDelete
  7. في الدوحة ؟!..

    وين ؟

    الله سترها معاك بس مو كل مرة تسلم الجرة

    ReplyDelete
  8. صباحك سكر

    اي والله شفتي اشلون لالالالالال توبه لا بالكويت ولا بالمريخ

    كويتييه

    ايييه ضحكي على كيفيج خل الخال اتمقط جدامج ومبحلق لعوينات و قوليلي اتخيل الشكل انسي الموضوع


    ذا دوكتور

    انا كنت رايح مع اخو نسيبيي


    عتيجه
    سلطان صار رود رنر


    آر ايه ون
    مكان يستنزلون فيه الأوادم



    نون يا نون


    اي والله الله ياخذ عدوك يابو سليييييييط
    انه صروعني بس يالله تجربه ما انصح احد يجربها


    الغلا

    اول شي حياج الله بالبلوق ثانيا سلطان اخو نسيبي ما كنت رايح ابروحي

    ReplyDelete
  9. Hehehehehhehehhehehehehehhehe:))

    واي كسرت خاطري من قلب وضحكتني
    يعني الحين اسم الله عليك ما تسال تقول احنا وين رايحين؟

    بس الله حفظك من الشر واانا اخيتك
    :)

    ReplyDelete
  10. انا سراحه 82 كان عمري 0 لسا ما انولدت ولوني مكانك سراحه كان اول واحد يطلع من المكان انا وشكرا اخوي

    ReplyDelete
  11. الحمدلله على السلامة وزين انها جت على كذا ،،،،،وانت صغير كان ممكن يكون اخطر من هالموقف الحمدلله على السلامة وايه والله ياشين اللقافة هههههههه

    Sarah

    ReplyDelete
  12. يعني متى ناوي تنزل شي يديد
    اذا مولاقي موضوع قولي اغششك
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ReplyDelete
  13. اقوووووووووووووووول
    شف الرجال خويك لا يصير عليه خاتم حق تحضير الجن

    بس من جد قلللللللللللق موقفك

    اعانك الله

    ReplyDelete
  14. @@عسى المانع خير

    ReplyDelete
  15. Anonymous2:49 PM

    عسى ما شر انسان بسيط


    مالك حسسسس

    ReplyDelete
  16. Funnnny story
    Allah yig6a3 ebleesik

    ReplyDelete