Tuesday, April 11, 2006

الروتين القاتل

بصراحه قريت بوست احدى الأخوات الفاضلات عن الروتين اليومي والملل الي احنا فيه
يبدي يومي منبه الموبايل" بصباح الخير يامشمش طري مبلول وين يالله صباحك خير الويه مجولح وين يامشمش طري الحمد لله على كل حال .
اقعد الفير حق الصلاة و طلعه حق الدوام وانطر تباشير الصباح و بطريجي اشوف الشايب ويا سيارته العنابيه تحت الجسر وافكر بسالفة هالشايب الي صارله دهر يصفط بنفس المكان ويقعد علي كرسيه ويتشمس وبعدها يلف علي جم هندي و مصري واتعوذ من ابليس و اتختمها وحده نايمه على الموبايل وعبالها الشارع شارع ابوها و اخيرااوصل الدوام بعد معاناة وابلش اطل بحلوج خلق الله و هات شغل ليما اعيوني تحول و بعدها قبه البيت وطبعاً انطر الويك اند عشان اهج الى عالم البر و معاي رقيه و سبيجه "الكاميرا والاب توب" و سيده المخيم او ساعات الشاليه . ويخلص الويك اند نرد حق الروتين القاتل والحمدلله على كل حال

19 comments:

  1. حتى بالصيف البر ... واااي حررر
    حلوه هذي قريه وسبيجه
    الديره فيها اشياء واييددد انسويها بس يبيلها اللي يدور

    HAVE FUN

    ReplyDelete
  2. وين صيف ترى بليل الجو بارد و بعدين ماكو عقارب بالديره و حيايه :) والله انا انطر شغله هاليومين اتعبر عشان اصورها اوخ نسيت نور البلوق اختي سمايل بزيارتج

    ReplyDelete
  3. اقول سمايل قولوا حق روحكم هالحجي
    لامنج ولا من بسيط
    بس بسيط معاناة
    معاناة
    وروتين قاتل
    الله اييرنا ان شا الله
    هذا لو كل واحد فيكم اهوه المعيل الوحيد لأسره مكونه من سبع انفار وام ارمله ...
    كويتيين ماكو فايده
    عادي كلنا الصبح نلف على بعض
    وبالعكس دوامك جدا ممتع
    كل محلات العطور يبعون الريحه
    الا دوامك
    اهمه اللي اييبونلك الريحه لي مكانك وانت قاعد مثل الملك
    وكلها روايح طبيعيه اميه بلميه
    ماكو غش تجاري
    لكن ما قلتلي شتدور بحلوج الأوادم ؟؟

    ReplyDelete
  4. :)

    اشسالفت الشايب ليش تحت الجسر؟
    hehe :p

    ReplyDelete
  5. انسان

    بالعكس أحس ان عملك ممتع خاصة ان احتسبت الاجر فيه


    وعود أحمد يا انسان من زمان ما كتبت




    عتوج يا ملقوفه يعني شيسوي بحلوج الناس عنده هوايه مثلا ؟؟؟

    انسان
    دكتور اسنان


    يا فهيمه

    ReplyDelete
  6. الله يعينك يا خوي على حلوج الاوادم

    سكر يا مال اللقافه شكو تردين عن الريال ..قالولج ما عنده لسان
    خو قال اطلطل بحلوج الاوادم ما قال ماسك جلابتين واشلع ولا احفر

    مو يمكن صايغ ويسوي ضروس ذهب
    ويمكن طبيب لوز يا فهميه
    يمكن امضيع شي ويدوره

    واذا كنت يا بسيط ومثل ما قالت سكر انك طبيب اسنان وتقول سكر ان عملك ممتع
    عيل سكر عمل انسان ممتع
    انا معاج انه ممتع وخاصه اذا ياه واحد يشوف الفرشه بالجمعيه ومايدري حق شنو يستخدمونها
    والظرس تقولين فاركه بقشر برتقاله
    وماكل كباب
    وامحلي اببصل
    يصير الشغل ....عجييييييييييب لا يطوفج بس
    ويالله حسن الخاتمه

    ReplyDelete
  7. بسم الله الرحمن الرحيم عتيجه شفيج كليتي المره وبعدين الأجر الي اييني من ورى المراجعين
    الله يخليج لاتذكريني


    Ra-1

    والله مادري بس يوميا تلقينه يوم يتشمس و يوم يمشي و يوم اتحلطم بس انا اشك انه شرطي متقاعد

    صباحك سُكّر

    والله متعه واحب شغلي بس لا اييج مراجع جليل حيا او مراجعه ماتحترم و عبالها ان الموظفين خدم عندها وايد وايد بس هم انتي غلطانه ماني دكتور اسنان :)

    ReplyDelete
  8. الروتين قاتل وخاصة زحمة الصبح

    الحل بأشياء بسيطة جدا
    قوم مبجر وامشي لك ساعة
    مثلا غيّر الطريج إلى شغلك
    جرب أنشطة يديدة واترك سبيجة شوي

    empress 2

    ReplyDelete
  9. عتوج



    خلاص


    شوفي شغلج مع انسان


    يقولي انتي غلط :(


    لا يكون صج يدور شي مضيعه؟؟


    يا اخي وظيفتك صج ممله كل يومتدور هاللي مضيعه الله يعينك



    تبي مساعده ترى احنا سدادين



    من الدوحة بصاروخ جذي ثواني الا انا عندكم وادور معاكم

    بس شرط معانا عتوج

    :)

    ReplyDelete
  10. لا يبا انا مالي شغل قعدوا دوروا بروحكم ...شنو نلعب حار بارد

    ماني فاضيه ولا لقيتوا هالشي قولوا لي شنهو

    ولا اقولك يا انسان اذا لقيت هالشي شغل رقيه واخذله لقطه ونزله ببوست خاص

    وعسى الله يبارجلك بمعمل العطورات اللي عندك يا بسيط

    ReplyDelete
  11. هاااي ... اذا اتضن ان يومك ممل عيل شتقول عن يومي ايه لنا الله بيخالف الله كريم شنسوي مافي شي يديد ... اصبر لوول =)

    ReplyDelete
  12. طلعت دختور :D

    ReplyDelete
  13. 3ateeja
    انا الحمد الله ما شفتت الملل ليلحين .. لان على طوول مشغوله والبلوق اللي حاطته عن الملل ترى مو عني بس جذي من مخيي !!! انا حاطته علشان الناس اللي من هالنوع يصحون على روحهم
    اقول.. كل ما اقرا ردج والا بلوقرج اتخيل شكلج وانتي تقولينه ما ادري ليش اتذكر عبدالعزيز النمش في مسلسل درب الزلق
    هههههههههههههههههه

    ويييه بسيط حرتك دكتور
    والله يعينك على المراجعين .. ترى الحاله وحده .. اليوم يايلي مراجع يغني وهو يعبي الاستماره

    ReplyDelete
  14. نتشرف بزيارتكم لمدونتنا(يالله من فضلك)

    http://wakee7.blogspot.com/

    ReplyDelete
  15. انت وينك؟؟؟؟

    ReplyDelete
  16. Poor you =P
    well, this is life and we can't live without having a routine...

    ReplyDelete
  17. اي والله
    اي والله!

    ReplyDelete
  18. ايي الروتين.. صج انا طالبة معطلة.. بس روتيني مو حلو كلش

    ودي اتيي الدراسة عالاقل كل يوم شي يديد ومغامرة يديدة ..

    وانت الله يعينك على الروتين
    .. حاول تكسره .. :)

    ReplyDelete