بابا حرام واجد انت باجا سوي اكل

أحلى شيء لمن الواحد يقعد ويتذكر سوالف قبل و يموت عليها من الضحك ومن هالسوالف لمن كان اخوي باولى متوسط مادري رابعه إبتدائي الأخ من حبه للبلعه يتفنن فيها فكان الأخ يطلب من الطباخ . وبعد فتره لا شي موطبيعي والا الطباخ يشكي بابا مايسير هذا سلاسين جباتي ماكو جباتي سالسين سمون جبن تمات حرام واجد انت باجا سوي اكل .
يا اثول من الصاحي اي بياكل ثلاثين صمونه كل يوم؟؟ يافلان تعال
نعم يبه ؟
انت شتسوي بثلاثين صمونه كل يوم؟؟
حقي و حق ربعي
وانت يايبهم وناسيهم؟
لا يبه
هاهاهاها واكتشفنا انه ولد ذكي
الولد يبيع على ربعه الصمون كل يوم
والطباخ طايح حظه يكرف ويعين من فير الله يخبز الخبز او يسويله الجباتي