Wednesday, October 11, 2006

و لله في خلقه شوؤن

سبحان الله صج الأيام تركض
جنه امس انا مقدم اوراقي بالدوام حق مباشرة العمل و يديد
بسم الله الرحمن الرحيم غمض فتح صارلي 14 سنه ؟
الله يعينا والله ايام و مواقف ماتنسي بس شي غريب لاحظته
وعلى مر السنين لاحظت شغلات وايد بس الي محيرني الحريم الي معاي بالدوام
اول ما يتوظفون تلقاهم راقين بالمعرفتهم للناس يعني تسمعهم يسولفون المدير الفلاني م مدير الشركه الفلانيه و تلقي التلفون فيه لستت الارقام
اول السنين تلقاهم وهاذي سوالفهم و رقم المراقب و المدير العام
وبعد جم سنه سوالفهم عن الوكيل ويمكن الوزير وتلقى ارقامهم
تتزوج و تتغيرالسوالف حماتي و خالتي و ريلي و المحل الفلاني
,تيييب عيال تتغير السوالف لي الدكتور الفلاني والعياده الفلانيه و المحلات مذر كير و ربهعم و اللسته دكتوره الاطفال و الحضانه و الناظرة
و يكبرون العيال و تتغير اللسته بعد ها مع سوالفهم التنزيلات الفلانيه و الخصم الفلاني
وبعدها جم سنه سوالفهم عن الرياضه و الرجيم الفلاني و شوف اللسته كلها عياداة الرجيم وشفط الدهون و نوادي صحيه و صيدليات
قربت حزة التقاعد سبحان الله سوالفهم عن راعي الخضره و اللحام و راعي محل الجدور والخياط و السماج
سبحان مغير الاحوال و سبحانك يارب و لله في خلقه شؤون

12 comments:

  1. ايييييييييييييييه والله صدقت!! انا لايعه جبدي من هالسوالف بالدوام.. وكل يوم ادعي الله ان ما اصير من هالنوعيه!!

    الحيين عرفنا ان الحريم هذا خط سيرهم بالدوامات.. بس الحين بعد في حالات من هالنوع بالدوام عندنا!

    الاّ ريال يسال وحده شينو فطوركم اليوم!! قلت السوالف!!
    وعجبي!

    ReplyDelete
  2. انا بعدي ادرس وسوالفي كلها عن الدكتور الفلاني والعياده الفلانيه ومذركير و الحضانه وهم عن التنزيلات والخصومات واذا تبي بعد عن اسعار الخضره

    :P كبروني وانا بعدي شباب

    حلو البوست :)

    ReplyDelete
  3. اشمعنا بس الحريم؟؟

    انا ما صارلي سنه ان شاء الله اوصل 20 سنه واقولك اشصار معاي هههههه

    ReplyDelete
  4. hahha
    سبحان الله كل عمر له اهتماماته :)

    ReplyDelete
  5. عيدك مبارك
    ومن عواده
    :)

    ReplyDelete
  6. عيدك مبارك...

    ;PppP

    ReplyDelete
  7. ما شاء الله 14 سنه .. بابا عود
    انا صارلي 3 سنين ونص ولاعت جبدب انطر اليوم اللي استقيل والا شي ثاني
    سرررررر

    ReplyDelete
  8. والله طلعت شايب هقيتك عنونو
    ;p

    ReplyDelete
  9. نبي شي يديد يالطيب

    ;PpPp

    ReplyDelete
  10. يا ليت السوالف تكون فيها منفعة : )

    والله يحسن خواتيمنا
    ويختم ايامنا بالاعمال الصالحة معاكم..
    امين

    ReplyDelete
  11. well its life and each age has its needs,,,

    what about men ballah?

    hatha daleel ena riyayelna 3ala mar el sneeen hatha ohum nafs siwalif 40 sina gabil coz ma eshellon hmoom el awlad wil 3ayla o 3'aira bs kila 3ala el mara el magrooda..

    wala el 7areem misakeen 3indina :/

    ReplyDelete
  12. بسيطه
    هههه رياييل ماكو فايده حدهم البلعه

    كله انسى
    لالالا لا كبرناج ولا شي و حياج الله بالبلوق البسيط

    Q8ya
    انشاءالله ننطر بعد 20 سنه اذا الله احيانا


    Ra-1
    اي والله كل عمر له اهتماماته :)


    kitty
    َQ8ya

    ايامكم سعيده باذن الله

    Smile

    اششششششششششششش عن الفظايح لا و من جم يوم بعد زدت سنه :(


    3ateeja
    اي والله طلعت شايب مو بيدي


    Q8ya

    انشاءالله انزل بوست يديد

    alather

    امين


    me

    اختي العزيزه مي شوفي ريال او مره البيت والتربيه والمسوءليه وحده والكل مطلوب منه يكون مسوءل عن بيته وعياله

    ReplyDelete