Thursday, January 04, 2007

هاي تك عمشة

موقف صارلي من اذكره اضحك و لا تلوموني
بطبيعة عملي اتعامل مع ناس وايد خصوصًا الحريم و للاسف بسبب قلة الاباء الي يراجعون ويتابعون عيالهم. . مره من المرات كانت عندي ام مراجعه حق ولدها و لصغر سن الطفل و بساطة المشكله جهزت لهم برنامج ارشاد و بما معناه الام اتابع الولد باشراف مني .مسكينه طاقه درب من الجهراء لين السالميه الله يعينها . دشت الاخت و شكلها كبيره بالسن و برقعها و عباتها وتناهت من الحر قعدت و قالت ها بشّر يا داكتووور وشصار عالولد و شرحت لها المطلوب
عموما انا مندمج ابي اطبع الإرشادات و الطابعه متنحه يا بنت الحلال اشتغلي فشلتيني مو وقته .
والتفتت الحجيه جان تسألني :
(wib Saaaaaaat)عندكم وب ساااااات ؟؟
خيييييييييير؟؟؟
تعدلت و جابلتها و طاقتني البوها ؟
؟؟؟ (web site)
ايييييه وب ساااااااااات
لاوالله حجيه ما عندنا وب ساااات
أجل طرشه لي بالأميل
خييييير؟؟؟
شلوووووون ؟؟
بال أمييييييييل؟؟
لاوالله حجيه ما عندنا لا وب ساااات ول
اعندي أميل
و منها سميتها هاي تك عمشة
chat يحليلها الحجيه اكيد من ربع النترنت و ال
بس والله عفيه عليها مو حلايا ناس وايد اعرفهم مايعرفون الانتر من الاسكيب لا و جامعيين بعد

6 comments:

  1. Anonymous3:53 AM

    هههههه

    الناس تطورت بسرعه البرق

    صحيح اللي قال

    عند العييايز كل شي يايز

    ReplyDelete
  2. وليش ما عطيتها الامييييييييل ...ترى اسهل
    ;p

    ReplyDelete
  3. ههههههههههههههههههههه ام شيء الويب سااات هههههههههههههههه

    يحليلها ....على قولة عتووج جان عطيتها الايميل اسهل

    ;PpPp

    ReplyDelete
  4. اهم *

    عادي بدليات طاف اشوه ان مو بالصوت البلوق هههههه جان رحنا فيها وصرنا من ربع الويب سات ههههههههه

    ;PpP

    ReplyDelete
  5. السلام عليكم
    صج عند العيايز كل شي يايز :)
    على فكره بلوقك خفيف ممتع و حلو توني اشوفه

    بالتوفيق

    ReplyDelete
  6. لوووووووول أبيه لايكون الكاميرا الخفيه ;p
    والله خوش موقف :)

    ReplyDelete