فن الإستهبال والعبط

بذمتكم ما تنقهرون لما

تتصل بمريض وتقوله موعدك يوم الأثنين الياي بعد 9 ايام الساعه 8.30 صباحا

تلقاه باجر الصبح الساعه 11 ناطرك ويقول عندي موعد اليوم ؟؟؟؟

او

تقوله موعدك كل يوم احد الساعه 9 الصبح

تلقاه يايك يوم الاثنين الساعه 12؟؟؟؟؟

او

توصي مريض وتقوله شوف تعالي اي يوم دوام ماعدى يوم الثلاثاء لاني مشغول

يوم الثلاثاء الصبح تلقاه مرتز و ناطرك و كل دقيقه يطل من الباب ويقولك انت فاضي؟؟

او

اييك مراجع و يقولك الولد مافيه شي و ذكي ماشاء الله عليه يلبس و ياكل بروحه

و مع التحايل اكتشف ان المراجع معاه تاخر عقلي شديد و شهادة اعاقه و يراجع بجمعيه المعاقين و عمره 30 سنه

طبعا اكيد يلبس عزكم الله نعاله بروحه الريال عمره 30 سنه

او

اييك واحد ويقولك بناتي عندهم مشكله بسيطه

افكر الويه مو غريب علي انا شايفه من قبل و بالغلط يطلع تحويل بتوقيعي على ورقه انا معطيه اياها من سنه 94؟؟؟؟؟

ويرد و يقول اي انا ناسي انا يايك بالمكان القديم

او

اييك مراجع على موعد من 3 سنين و يقول انا ياي عالموعد؟؟؟؟

او

واحد اييك و معاه ورقه تحويل دار عليها الزمن كان ناسيها بدبه السياره سنتين و لقاها و ضيعها بالمطبخ هم جم سنه

لان لون الورقه كاشف و عليه بقعه زيت و قشور طماط و شغلات غريبه

او

اييك واحد يصطنع الاعاقه و ردت فعله كلها تبين انا عنده اعاقه جايده

و مع استخدام الاجهزه المتطوره الي تعمل على ردت فعل المخ والاعصاب تكتشف انه زي الحصان على قولة اخوانه المصريين

او

اييك واحد يتحلطم ليش المواعيد متاخره؟؟ ليش انتو مهملين ليش و ما ليش

و اخرشي يقول انا يايكم من سنتسن و ليلحين محد دق علي ؟؟؟

يا اخي نفترض ان احنى مهملين ولا نعرف شغلنا او اسمك سقط سهوا انت وينك سنتين قاعد يم التلفون ؟؟؟؟؟

والله ليلحين في ناس للاسف تكذب و تستهبل و تتصنع الغباء وللاسف بشي يضرهم و مهما تسوي انت الغلطان لان انت الملام بالاخير على اهمال الاهل لاطفالهم وانت الملام لان الاهل خاشين عنك التقارير الطبيه