Tuesday, February 20, 2007

روتين الصباح الممتع

من عمر وانا دايما اداوم مبجر ساعه قبل الدوام
يعني طلعتي من البيت امبجر
اول شي اسويه من اطلع من البيت ابدي
بسم الله الرحمن الرحيم 100 مره
سبحان الله وبحمده سبحان الله العظيم 100 مره
أشهد أن لا إله إلا الله ، وأشهد أن محمداً عبده ورسوله 100 مره
الله اكبر 100 مره
على ما اخلص اكون عند الاشاره الي يم الدوام وبعدها
قناتي المفضله البرنامج الثاني تباشير الصباح من الساعه 6:45الصبح لين 7:45
واردد الادعيه اليوميه مع الراديو

اللهم إني أُشهدُك، وأُشهدُ ملائكتكَ، وأشهد من في السماوات ومن في الأرض أنك أنت الله، لا إله إلا أنت وحدك لا شريك لك، وأشهدُ أن محمداً عبدك ورسولك

لا إله إلا الله وحده لا شريك له، له الملك وله الحمد، وهو على كل شيء قدير

اللهم أنت ربي، لا إله إلا أنت، خلقتني، وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك عليَّ، وأبوء بذنبي، فاغفر لي ذنوبي، فإنه لا يغفر الذنوب إلا أنت

كل يوم شيخ و كل يوم موضوع بصراحه متعه . و سبحان الله ماحس بالوقت وتم قاعد بالسياره. والله متعه جربوها ومنتو خسرانين


اخوكم انسان بسيط

10 comments:

  1. wala 3afarim 3alik
    you hardly find people like you

    allah yiwafqik 3ala miqdar il do3a


    --- www.deera-chat.com ---
    the first Kuwaiti Podcast, listen to us

    ReplyDelete
  2. يازين البساطة .. الله يعطيك العافية أولا .. ماشاء الله عليك قايم من الصبح و هذي عادتك من زمان !! الله يتمم عليك ..

    والله تباشير الصباح متعة .. و خصوصا مع الدكتور صبري الدمرداش و مواضيعه العلمية ..
    و هم مواضيع الدكتور أسامة الكندري بو ربيعة .. عن السيرة و الوفود شي ممتع

    الله يجزيك خير على تذكيرنا

    ReplyDelete
  3. ياااااااااااا تباشير الصباح

    بعدين مادري شنو ويكملون في فلاح وفلاح حنه هههههههه تونسني

    صج البرنامج ممتع كنت اتابعه بس قطعت فترة بس برجع اسمعهم مرة ثانية ان شاء الله

    يعطيك العافيه...:)

    ReplyDelete
  4. انشاءالله باجر الصبح
    د. صبري الدمرداش

    ReplyDelete
  5. الصراحه جدولك حلوو وياليت الكل يتقيد فيه

    انا اقوم مبجر دايما واوصل اول وحده للدوام مع العلم اني من خارج المنطقه وهذي النقطه اشوفها ايجابيه اما الدعاء استغفر الله اللهم اني بس اسمي كل يوم

    بوست جدا جميل ويعطيك العافيه
    حلووة مواضيعك خاصه بوست الحريم

    دمت بصحه

    :)

    ReplyDelete
  6. حلوه بدايتك كل يوم الصبح بهذه النشاط و الجو الإيمان ما شاء الله ..
    الله يتمم عليك
    آنا بعد من المتابعين لإذاعة القرآن الكريم بس ما الحق إلا على القرآن يطوفني برامج الشيوخ للأسف ، بس لما اطلع من الشغل احرص اني اسمع بو عبدالله و على حسن في واحة المستمعين ..

    بالتوفيق

    ReplyDelete
  7. الله يتمم عليك النشاط و الحيويه ....انا لما يطلع تباشير الصباح اكون توني ما حلمت بعد بس اذا عندي معامله الصبح اسمعه ...بس لما اطلع على عساره ما احب اسمع شي حتى صوتي

    ReplyDelete
  8. بس اتصدق ان الانسان اكثر شي يتحكم فيه نفسيته واذكر الفرق بين عنوان بوستك هذا الروتين الممتع وعنوان بوست قديم لك الروتين القاتل
    سبحان مغير الاحوال ...

    ReplyDelete
  9. الله يجزاك كل خير
    لو كل الناس تسوي هالشي جان ما شفتهم معصبين و مادين البوز كيلو جدام وعلى اي شي يبون يتهاوشون

    ReplyDelete
  10. سؤال لو تجاوبني عليه اكون لك ممنون

    تقريبا كل يوم لما يبثون البرنامج تباشير الصباح

    اكو نشيده يشغلونها حق مشاري العفاسي عن النصيحه وايد حلوه

    ما تعرف اسمها؟ قاعد احوس ادورها

    ReplyDelete