Tuesday, March 06, 2007

المقرود مقرود

تخيلو بعد يوم شاق و متعب و حافل بالدوام . ارجع البيت و حوسه و حنه بسبب سفر الوالد والواده لمراجعات الوالده مع دكتورها . وموعدهم بعد 3 ايام انشاءالله فالسالفه لويه بلويه.
يعني لا نوم مثل الاوادم وعلى حظي لا ريوق ولا غدا ووراي اوصلهم المطار و بعدها عندي تصوير مع النادي العلمي.
على ما وصلت طبعا متاخر و السبب انا ناطر بمكان والجماعه بمكان .
فإضطريت اني اطق درب وروح لهم ولا بيت عربي قديم . حلو المكان بسيط و صج حلو الكل متيمع بالحوش و تصوير خارجي . دخلت و سلمت و بس المقرود مقرود وعلى حظك يا المقرود ما تنحصر الحمامه الا فوقك يا انسان بسيط و اشوه انها على ذراعي اليمين و رفيجي يظحك خير خير و بعد ما غسلت ايدي بط بط بط على ايدي الثانيه ؟؟؟؟؟
شنو ماكو الا انا؟؟؟
و روح غسل ايدك الثانيه يا مقرود
و يا دور المقرود عشان يصور
اول صوره ؟
ثاني صوره؟
الثالثه ؟
يا بنت الناس؟
يا ست هانم
يا انسه
بطلت العدسه تشتغل
و شيل اغراظك و عدتك و طس و روح النادي . و رحنا النادي و ماطلعت الا متاخر
وصلت البيت هلكان و يوعان و دايخ و مالي الا شور و خمده بفراشي لأن المزاج بس خلاص حده موصل يبه انخمد احسن لك وانهي يومك الحافل بالقراده
ابد من قال تنام براحه اكلت لي تفاحه و بخمد و توني بغفي
موبايلي يرن الرنه الجايده رنت الاستنفار " رنه خاصه حق اختي " لأنها ماتدق الاو مصيبه صايره
لا صج مو وقته ؟
نعم شتبين شفيج
انسان و صوتها اتراعد من الخوف " شفت واحد خطف فوق بالصاله"
شنو ؟؟؟؟ وأطمر طمره وتل مشعاب يدتي الله يرحمها و احوس بالبيت دار دار عزكم الله حمام حمام ماخليت مكان ما حست فيه و ماكو شي .
وشوفها ها وينه الي خطف ؟؟؟ منو ؟؟؟؟
والا الاخت قاعده بالصاله و بتصعد تنام بدارها و قامت تتخيل اشياء واكتشفنا ان عباتها الي معلقه ورى الباب و عبالها واحد داش بيتنا
بس ماقول الا تستاهل و ماتيوز يا انسان المفروض ماتنسى انها تخاف من ضلها شكو تصدقها
صج ماقول الا المقرود مقرود

10 comments:

  1. hahha :p
    ودي أجذب وأقولك كسرت خاطري وما ضحكت
    but I cant!

    ReplyDelete
  2. اهم شي انها اخر شي راحت نامت
    ميخالف خيرها بغيرها
    ههههههه
    :D

    ReplyDelete
  3. الشررهه مو عليها
    الشرهه على امها اللي ما لبستها شيسمونه
    حفاظه























    مو اختك الحمامه

    ReplyDelete
  4. يروحون ويرجعون بالسلامه ان شاءالله الاهل...^___^

    =====


    بعد ما غسلت ايدي بط بط بط على ايدي الثانيه ؟؟؟؟؟


    هههههههههههههههههههههههه مت من الظحك

    امسيكين ما تهنيت من هالللي حاسدك؟؟ @@

    ReplyDelete
  5. هاهاهااا صج شر البليه ما يضحك :)
    و الله جدتك ما تغشمر :)

    آنا مره مريت بيوم مقرود مع الكاميرا كنت قاعده اصور بروحي تصويرخارجي و لما خلص الفلم و يت اطلعه علشان احط الثاني ولا تطيح منى الكاميرا و ينكسر الفلاش :(( بطلت الجنطه علشان اطلع الفلاش الثاني ولا بواتريه مخنسه و ما يشتغل :((
    عاد اختصرت الطريج و قفضت اغراضي اكرم لي و رحت البيت

    و الله يشافي أهلكم

    ReplyDelete
  6. Anonymous2:40 PM

    يا اخوي ترى بعض الاحيان اذا الامور

    تصكرت واتنحست في وجه الواحد ماعليه

    الا انه يدخل غرفته وينام لثاني يوم.

    ترى تصير لكثيرين من الناس انه يكون

    فيه يوم غير طبيعي يمر عليهم وربك

    يعين.

    ReplyDelete
  7. واي شاليوم النكدي
    يالله ماعليه ماصار الا الخير
    والحياة تجاااارب

    ^_^

    ReplyDelete
  8. Anonymous3:16 AM

    ياللــــه ,, من جد منحوس ,, الله يكون بعونك ,, قد مريت بهالحالة ,,, عارفة شعورك واحساسك ,, كان الله في عونك

    ReplyDelete
  9. الصراحة ضحكت

    الله يكون في عونك

    والله يرد الاهل بالسلامة

    ReplyDelete
  10. كسرت خاطري .. وضحكت عليك الصراحه

    صج احداث تضحك وتغث بنفس الوقت

    هي سبحان الله تتسلط بيوم واحد ورى بعض

    الله يبعدها عنك مره ثانيه

    ReplyDelete