هبّه

شغله لاحظتها من فتره طويله
وين ماتدش اي مدونه من المدونات تلاقي فيهم عامل مشترك
وهو الحجي فلكر

ودي أعرف ليش كل البلوقرز مصورين و كل المصورين بلوقرز؟؟؟
سؤال محيرني وين ماتروح تلقاهم
٩٠٪ من البلوقرز تلقى صاحب او صاحبة البلوق يصور.
يعني الي يكتب لازم يصور؟؟؟ والي يصور لازم يكتب ؟؟؟
يعني التصوير والكتابه صارو هبه؟؟؟
والله تذكرت اول الثمانينات هبة الدلاقات البيض
البنطلون ازرق والقميص اصفر تلاقي الدلاق ابيض
الشورت احمر والفنيله خضره تلاقي الدلاق ابيض
الدشداشه غامجه وعزكم الله الجوتي اسود هم تلاقي الدلاق ابيض
حتي الصندل النايلون الي هبو فيه اول الثمانينات هم البسو وياه دلاق ابيض
هبة الدلاقات البيض والحين هبة التصوير والكتابه والله يستر من الياي