Wednesday, January 30, 2008

خدمه تحت الطلب

بوست كاتبه من سنه و ناسيه والبوست يتكلم عن موقف صارلي بالدوام

وانا داش مكتبي فتحت الستارة و تفاجئت ان خلية نحل بانيه علي الدريشه .وشكل النحل غريب!
صغير الحجم ومافيه شوكه الي يدافع او يهاجم فيها ولا بطيخ.
وكل يوم لمدة اسبوع ماعندي سالفه غير اني ابطل هالستارة واطل عليهم.
وطبعا كالعاده بوطبيع ما يوز عن طبعه . وقرر المقرود الي هو آنا اني ابطل الدريشه وسكرها بسرعه عبثي و مقرود شلك بالنحل ؟؟؟
الأولى سليمه
الثانيه صنعه
الثالثه عوده المهنى لا والله الا حسنيه خاتون <----- مغنيه شعبيه عراقيه
مامداني اسكر الدريشه جان احس بحراره موطبيعيه بيدي ؟؟؟ شالسالفه؟؟ اوخ شللي خطف جدام ويهي؟؟
والله عبالي ذبانه بس ذبانه تون ؟؟
ويبقق عيونه المقرود ها ؟ شوكه براحت ايدي ؟
شلتها بس بنت الذينه والله تحر .
اطالع لالالالا الصوت زاد ههههه مسكين 3 نحلات داشين داخل المكتب يطيرون
يامعود صج مو وقته
الاخ ماكو صار شمس البارودي .
الغتره والعقال والقحفيه والدشداشه طارو بالمكتب لان صوت النحل بمخي وماشوف الا وحده . اشوه ماكو احد غيري والمكتب مقفول والا علوم والفضيحه ابيزه 90% من الادارة حريم
يالهوي لا والله الا احيه يابو سوسو الا احيه يابو عمشه.
صير ادمي والعقل زين
ويومين وايدي تحرني شسوي ؟؟
ماكو الى مجموعه النحل الي بالنادي العلمي وسألتهم واشوه لسعت النحله مفيده بس لاتكون معاك حساسيه من لسعت
النحل. يعني ماكو الى العافيه.
امراد الي صار ماكو الا الفزعه
777
الو 34 معاك تفضل
الو اختي معاج المركز الفلاني
عسى ماشر؟؟
والله اكو خليتين نحل بالادارة
نحلتين ؟؟؟
لايبه نحلتين اقولج خليتين نحل كبار
والله مامداني اسكر التلفون وانزل الدور الارضي
الله يستر حريجه؟؟؟ اوخ اوخ اوخ شالسالفه؟؟ شصاير؟؟غزو ثاني ؟؟ سيارة مطافي و اسعاف وتنكر و بليزرات اثنين وجنه الجيش والحرس الوطني وياهم والا ششوف
واحد 17 نخله و نجمه على جتفه و وراه جيش ؟؟
فلان الفلاني ؟
نعم
انت مبلغ عن النحل
والله ضحكت وفي بالي الظاهر ماكو شغل و ودهم يتمشون الجماعه
أي أي حياكم الله وشافو الخلايا شوي لا حرام مساكين ميمعين عسل لا نذبحهم
خير ؟؟؟
وبدت الفتاوي والافكار العبقريه
واحد قال لا خل نشب خيشه والنحل يخاف من الدخان (الاخ شكله من زمان مومطفيله حريجه)
الثاني : لالا نييب اربع ملكات ونهدهم ويهيج النحل و يلحقهم ( الاخ عباله النحل مغازلجي مثله )
والقائد مالهم فلان تعال صور النحل
سيدي الكامره مو وياي خليتها بالدوام
بالدوام ؟؟ وليش راز ويهك وياي بالله ؟؟؟ الاخ شغلته التوثيق و ماوثق الا حظي الدايخ
وآخر شي تيتي تيتي زي ما رحتي جيتي
بدقون على هيئة الزراعه ايون ويشيلونهم .
تصدقون لو حريجه والنار حارقه الدنيا
مايوصلون بهالسرعه
يالله بس الواحد شقول ؟؟

7 comments:

  1. ما شاء الله ما شاء الله .. علشان نحل ياو المطافي والاسعاف والشرطه بعد
    ماشاء الله
    اهم شي شخبار النحل الحين ؟

    ReplyDelete
  2. انا لو منك اقول مش انا يا بيه بريء بريء

    اشوف كل هالامه يايه يمكن اطيح قشيانه من الخرعه

    و تعال شصار على النحل؟

    ReplyDelete
  3. خليه نحل
    تدري لو فيه نحله شيطانة وغزتك على جفن عيونك
    اشصار ":/

    النحل مو هينين
    بصراحة انا أخاف منهم
    :>

    ReplyDelete
  4. اول شي مشكورين على تعليقكم
    النحل ؟؟ مسكين بعد فتره صار غزو مو طبيعي
    اكتشفت ان اكو بريعصي من كثر ما اكل منهم صار ضب والله عمري ماشفت بريعصي عنده خدود
    والباجي نوع ثاني من النحل هجم عليه والله يكسرون الخاطر تمو اربع نحلات و ذبحهم الحر

    ReplyDelete
  5. خخخخخخخ..

    نحل او ماي قاد كيف اتحملت اللسعه بس >>ما اتريق

    شخبار المكتب الحين ؟
    بسر سار خليه صح

    ReplyDelete
  6. مو قلت لك انت مشكله لوووول


    شكو تتحرش فيهم وتجيب لهم المطافي

    والاسعاف والشرطة

    يالله تعيش وتاخذ لسعات غيرها ^_^

    ReplyDelete