مليت و كرهت دنياي
كل بين يومين و ترك و بعد اذان العشا
ترن ترن ترن ترن
يرن تلفون داري و اشيله
الو نعم
يباااااااااااااااا
بسم الله الرحمن الرحيم من وين طالع لي منين لي عيال ؟؟
ها خير
" ا ي يبه " متى بتيي امي تقولك تعال
يا حبيبي النمره غلط انا ماني ابوك
و على هالحال صارلي اشهر و بالاسبوع على الاقل ثلاث مرات
ينني هالولد من صوته ياهل عمره ما عدى ٤ سنين
واخيراً قررت افتك من هالسالفه
اسبوع كامل وانا انطر و ملعون الخيّر مو راضي يدق
ترن ترن ترن و اخيراً
الو نعم
يبااااااااااا متى بترد؟؟
ليش ياولدي ؟؟
امي تقولك وينك تعال
حبيبي قولها انا مع مرتي الثانيه ماني ياي
يمااااااااااااااا ابو يقولج مايبي ايي اهوااا عند مرته الثانيه
واي يمه شنوووووو
وتييني ركضه وهي تصارخ و تناهت الووو
الو يبه اختي ولدج شاقني شاقني شق كل يومين يدق يبه و يبه تراكم اذيتوني
وهي تناهت ويييييي اشوه
اقولج اذيتوني تقولين اشوه؟؟؟
الله يسامحك خبصت قلبي
وصكت التلفون
والله كسرت خاطري
اول مره احس اني نحيس
بس انفعت الخطه ما دقو علي بعدها واعتقد انها غسلت شراع ولدها
Hahha :p maskeena!
ReplyDeleteخخخخ..
ReplyDeleteالضحكه واصله حدها ..
حراام رحمت الولد ..
سررت بزيارة مدونتك
اختك زاحفه
:)
ReplyDeleteهالولد اذيه زين خلصت منه
ههههههههههههههههههههه
ReplyDeleteقريت السالفه على اختي
متنا ظحك
ههههههههههههه
ReplyDeleteيبا يبا امي تسلم عليك وتقولك متى نشوفك هههههههههه
والله انك مو هين
هههههههههههههههه
ReplyDeleteوالله انك مو هين هههههههههه
الو يبا يبا امي تسلم عليك وتقول متى نشوفك
ههههههههههههههههههه
ReplyDeleteلالا شالخطه تعور القلب
بغيت تسبب بكارثه
اشوا انها عدت على خير
LOOOOL
ReplyDelete7aram 3laik 5aba9t galb el marrah ;p
ra-1
ReplyDeleteهههه اي والله مسكينه و اول مره احس اني نحيس
m!ss lolo
حياج الله بالمدونه
The Beautiful Heart
والله كان مأذيني اذيه مو طبيعيه
3ateeja
هذا ولا شي اليهال اذيتهم تونس
Sulaiman_Q8
هلا حجي
motamrredah
شسوي من له حيله فليحتال وحياج الله و مشكوره عالمرور
jouja™
لوما خبصت قلبها جان ما ارتحت
حياكم الله بالمدونه
ههههههههههههههههههههه بدعت
ReplyDeleteallah y7ayek :D
ReplyDeleteهههههههههه والله انت مشكله
ReplyDeleteكنت بتخرب بيت عائله كامله لكن ما تنلام ^_^
لو انا مكانك لما اشوف الرقم ماارد وافك عمري
q8tya
ReplyDeletehehehe almagrood magrood
miss roze
shasawee wallah meftak mena 9arle dahar