Tuesday, November 04, 2008

يالله صباح الخير

ودكم تعرفون اسباب الازدحام بشوارع بالكويت؟
اسباب تحر وتبط الجبد
ومنها الاسباب التاليه
١ عيوز متعلقه بالسكان و ماتطول البانزين و تمشي ٧٠  باقصى اليسار
٢ وحده تسولف بالتلفون و ناسيه عبالها الشارع شارع ابوها الي يابها
٣ شايب مخفف سرعة السياره عشان بسلامته بحط الاخبار بالرادو
٤ ام طايحتله زف بهالمقاريد عيالها قبل المدرسه ولاهيا معاهم و ناسيه خلق الله الي بالشارع
٥ حادث بالخط الثاني و بلاغة اشف الي بالاوادم واقفه تتطمش عليهم
٦ حادث بنص الخط السريع بين هندي و مصري و يتناجرون من بعيد
٧ واحد كاشخ بسياره يديده و يمشي ٣٠ ويتلفت شوفو سيارتي اليديده
٨ احد الاخوات مفتر قوطي الكنتاكي الي تحت حجابها و قاعده تعدله وهي تسوق
٩ وحده كاشخه حجاب و بدله رياضه ضيجه واقفه على الخط السريع و نص الكويت يصيرون ابطال
١٠ شايب قاعد يحاول يقرأ الي مكتوب على جامة السياره الي قباله
١١ واحد معقد قاعد يعد الخطوط البيضه الي بالشارع من بيتهم لين دوامه
١٢ وحده لاهيه تحط مكياجها وهي تسوق لو تشوفون تعابير ويها وهي تحط المكياج  و ناسيه المثل الي يقول الشيفه شيفه
لو فركت ويها بليفه
١٣  وطبعاً من الاسباب شرطي موقف هالبنت المسكينه بدون اي سبب بس عشان يغازل البنت انزين يااخي ملوع جبد البنت من ريحة باكيت الزقاير الي ماكله عالريج و يبيها تعطيه ويه. لا ومعصب الاخ ليش البنت تضحك عليه ؟  اي مو بطل عينك وصك سحابك ويقول ليش يضحكون علينا 
المهم ماني مطول طبعا في اسباب وايد وماراح نخلص بس وماقول الا يالله صباح الخير

3 comments:

  1. LOOL !
    أهم شي رقم 8 هاهها :)

    ReplyDelete
  2. احد الاخوات مفتر قوطي الكنتاكي الي تحت حجابها و قاعده تعدله وهي تسوق

    ههههههههههههههههههههههههههههه

    عجيييييييب هالسبب

    انتوا بالكويت قوطي كنتاكي واحنا بقطر قوطي نيدو خخخخخخخ

    ReplyDelete
  3. Ra-1
    هههههههه
    والله ركزي البنات صارو
    E.T

    miss qatar
    نيدو؟؟؟؟

    ReplyDelete