Wednesday, November 19, 2008

قل العقل مصيبه

تخيلو انتو واقفين و مالكم شغل بشي
 ايي واحد معاه مره كبيره بالسن و زوجته و حايسهم الاخ حوسه
طقت جبدها المره جان تقوله
علامك حستنا حوسه
المسكينه تحاتي العيوز الي معاهم
رد الاخ اللطيف رد الي طير بوهتنا كل الي واقفين 
اسكتي انتي 
انتي صرصور طلع على وجه الارض
اوخ والله باعهاالاثول 
لا ويبي يرقعها جان يلتفت على الي يمه ويتحلطم حيريييم اخر زمن
وبذمتي عجبني الريال الي كان يمه رد عليه
يبه انت و مرتك تنيازون و مشى عنه
بذمتكم اكو كائن حي  صاحي يسوي جذي؟؟؟؟
صرصور؟؟؟   ماشاف نفسه
الله يزيد النعمه
ماقول الا الله يعين هالمره على بلواها 
 

5 comments:

  1. اكره شي ان احد يكلم الشخص اللى جدامه بهالطريقه يعني هذي شريكة حياته ليش اسلوبه جذي وياها

    لازم يكون ارقى من جذي

    الحمدلله والشكر

    الله يعينهاا

    ReplyDelete
  2. صج ماعنده ذوق

    لا ومو مكفيه اللي قاله راح يتحلم عند اللي حذاه

    بس زين سوى فيه الريال سفه له

    اما زوجته فالله يعينها على ما بلاها

    ReplyDelete
  3. Shaima'a Alkandari
    حياج الله بالبلوق والله شقول اذا واحد يكلم اهله جذي؟؟؟ هذا فيه نقص رجوله
    يبي يبين للناس انه "راجل حمش" على قولت اخوانا المصريين ومالومه اكيد تربى في بيئه المره مالها احترام والا لوعنده شوية عقل جان عرف ان المره اهي امه و بنته و اخته واهي زوجته
    بس البلوه من الله عباده والله يحب هالمره الي بلاها بهالريال
    جنه هالموضوع ينفع حق بوست كامل؟

    Miss QAtar
    حياج الله بالبلوق
    صدقيني يا اختي قل العقل مصيبه و هالادمي ناقص عقل

    ReplyDelete
  4. واللي يعور القلب الأم اللي تصك ولدها بوثلاث سنين طراااااق قوي بالجمعية لأنه موراضي يرد حلاو ملون
    تقول له هذا موزين يعور البطن
    !!!!!!!!!!!!!!!!!!

    ReplyDelete
  5. rtist@
    والله خليني ساكت وايد من هالامهات عبالهم انهم بروس لي

    ReplyDelete