Wednesday, December 17, 2008

عيال ابليس

شنو العن شي يسويه الادمي اذا كان ادمي
وصلت المواصيل بالمواعد لي هالدرجه؟؟؟؟
قلت ادب والله
امس مار بيت واحد من ربعي واحنا طالعين
لفت انتباهنا سيارتين واقفين يم بعض و الوضع ماكان طبيعي
و بعد ثواني ولا بنت للاسف محجبه نزلت من الهمر الاحمر ولابسه لبس رياضه لونه احمر يعني طقم
وصعدت السياره الي يمها و فيها واحد لابس غتره جبس من كثر النشى الي عليها
ما ستحو من احد ولا من ربهم الي خلقهم متواعدين عند المسيد حسبي الله عليهم
ياويلهم من الله
وصلت المواصيل بالمواعد انهم يتواعدون عند المسيد؟؟؟
ويقولون البلاوي الي تهل على هالديره من وين يايه؟؟
من فعايل عيال ابليس ورفجه السو
صج المثل الي يقول اذا لم تستحي فافعل ماشئت

9 comments:

  1. تصدق
    مرات اقول ابليس ما مات فعلا لأنه احفاده من بني ادم اكثروا و العياذ بالله
    و لاتجهروا بالمعصية
    وربعنا مو يجهرون

    يا رب سترك

    ReplyDelete
  2. Enter-Q8
    الله يستر علينا و على اهالينا والله الواحد قام يخاف من كل شي
    هذي الحريه الي يبونها و ماتسوي

    ReplyDelete
  3. يا خوي

    لا حيى ولا مستحى

    عيل ازيدك من الشعر بيت

    شرايك اني راجع البيت ذاك اليوم

    والا بواحد طايح له مسخرة مع وحدة بالسيارة جدام بيتنا

    عن ابوكم قطاوة ؟؟

    ولما رحت اكلمهم .. الولد مستحي و ساكت

    اما البنت من قواة عينها تقول لي و انت شكو ؟؟ احنا قاعدين بالشارع مو داخل بيتكم !!!؟

    يخرب بيت هيك بشر

    على فكرة .. مدونتك جميلة

    :)

    ReplyDelete
  4. هههه قطاوه؟؟؟؟ والله يبتها
    والله يا عثماني فصخو الحيه وقعدو اخ اخ اخ من يقصبهم قصاب هالاشكال و يفضحهم ويكونون عبره لغيرهم

    و حياك الله بمدونتي البسيطه

    ReplyDelete
  5. انت اشوه اركبت سياره

    انا اللى شفته يم بيتنا يرنج روفر ووراه سيكل ...... انزلت من الجيب........ ولبسها الهيلميت وركبت واره بالسيكل....وطااااار فيها
    وريفجتها اللى تسوق الحقتهم

    الله يستر

    ReplyDelete
  6. بنت الشاميه
    الله يستر على ولايانا على قولت الاخوان المصريين
    لا تسيئين الظن يااختي يمكن اخوها؟؟
    بالرضاع "حليب نيدو ما قصر" كلهم اخوان و خوات خوى يمبهم

    ReplyDelete
  7. صف النيه يمكن يكون اخوها وسيارتها خربانه ويي ياخذها

    او يمكن مو اخوها بس هم بقدم لها مساعده

    :Ppp

    والله قبل تنصح وتلاقي من يسمع الحين لو تكلمهم ياكلونك بلسانهم جنه انته الغلطان

    ReplyDelete
  8. kuwaitya_7saweya
    والله النيه صافيه
    وحياج الله بمدونتي المتواضعه

    ReplyDelete
  9. صصصدق قلة أدب وحيآ !
    حرآم عليهم يفكرون بأمهم اللي ربتهم
    يفكرون بأهلهم اللي رآح ينزلون رآسهم بالأرض !
    الله يخلي لنآ هيئتنآ ويحفظهآ
    بجد لو مو موجوده عندنآ كآن صآرت بلآوي

    ReplyDelete