Thursday, January 08, 2009

آه يازمن



قصه صارلها أكثر من ٤٠ سنه
امي المفضله من بين خوانها و خواتها عند يدي
وابوي الاقرب والمفضل عند يدتي
و كوني اول ولد لهم بعد بنتين و بيني و بينهم ست سنين


الله يسلمكم مشكله لما الام تشتغل والابو يشتغل
ومحد يجابل هالولد
فقررو ان اييبونلي خادمه
ايامنا ماكو غير الهنود
امراد
كل ما ترد الوالده من الدوام تلاقيني مصخن و ويهي محومر 
ويوم من الايام الوالده بالدوام دقت وحده من رفيجاتها
تقولها فلانه شلونج؟
وشلون ولدج؟
زينين و الحمدلله
جان تقولها ولدج وينه؟؟
ردت المسكينه و قالت بالبيت ليش؟؟؟
اكيييد؟؟؟
جان تقولها اي ليش
الوالده قرصها قلبها
وقالتلها اكو وحده شايله ياهل هدومه مشققه وتطر
 بس ويهه مو ويه طراره
وهالولد شايفته 
شنو شنو
ولحقتها لين تاكدت
وسوولها كمين و صادوها بنت ال ........ ماني قايل
 تطر فيني
:( 
ايييييييه مسكينه امي صارت بروس لي و ابوي صار الترمينيتور
والا بنت الذينه مطلعه ذهب من وراي
امي تبجي وتقول ولدي مابغينا نشوف عويناته هالولد و يطرون فيه؟؟؟
بس اهم شي ليلحين اعاير امي اذا بقيت اطفرها اقولها 
ايييييييه  انا ولد الطراره مالي نصيب بشي
هههههههه
آه يا زمن بدايه حياتي طراره ؟؟
افا والله


12 comments:

  1. انا الى الله و انا اليه راجعون

    مو خوش سالفة وانا اخوك

    الحين شبتقول حق عيالك في المستقبل !!؟

    يعني بداية حياتك المهنية مو شي كلش

    :)

    انا على ايامي كانت المربيه مصرية .. خوش مرة الله يرحمها

    بس الطفخة عندها ابيزة
    :(


    حافظك الله يا خوي

    ReplyDelete
  2. الحمد لله على كل حال اشوه انها بس طراره
    عاد الظاهر اهي السبب جكري و جلحتي ما حافظت على البشره الله يسامحها لو ملطختني بشويه فازلين ولا دبر امله جان ما جولحت يا عثماني بس الشكوى لغير الله مذله

    ReplyDelete
  3. وليه يالخدم
    دوخة و احنا نسمع كل هالسوالف
    قاعد اراوي مرتي اللي تحن تبي تشتغل
    اقولها اشرايك

    ReplyDelete
  4. Enter-Q8
    والله الله يعينك على الخدم بس والله بحاجتهم

    ReplyDelete
  5. rosaholic1:28 AM

    LOL masaddig!!! yaweelik min le6naza :PPp

    sij sij mujrima hal khadma!!!

    ReplyDelete
  6. rosaholic
    و آنا ناقص؟؟؟؟؟ كافي انها طرت فيني :(
    اذا ماني غلطان وحده من اهلكم الي صادتها وعلمت امي

    ReplyDelete
  7. roxsa5:03 PM

    hahahaha mino?chinni 3araftha!

    ReplyDelete
  8. rosaholic5:04 PM

    oops that was me

    ReplyDelete
  9. roxsa
    rosaholic

    لا مو الي في بالج

    ReplyDelete
  10. حسبي الله عليهم هالخدم
    سوالفهم ماتخلص
    احنا شكثر باقو اغراضنا وليلحين مانيوووز لما يسافرون نفتشل نفتشهم
    المهم لاتتعقد هههههههه

    ReplyDelete
  11. fiahah
    الخدم مو دايما سنعين فيهم ازين و منهم الشين بس حظي يالمقرود دايما عوي

    ReplyDelete
  12. مسيجين تكسر الخاطر

    عاد تطر فيك؟؟؟!!!

    لحوول

    ReplyDelete