Monday, February 09, 2009

اه يا بطني

امس قعدنا باللوبي و بلشت رفيجة امي ويانا تسولف لنا عن سفرتها للهند
الا بتركب الفيل
االحجيه ركبت و بلش يمشي فجآه
 تقول ظلمت الدنيا وصداع قوي
وتقول نفس الكارتون تقول مادري اهي نجوم الي تدور فوق راسي والا هنود يدورون؟؟؟
بطلت عينها والا ههههه لويه
اثاري الفيل كفخها على راسها بخرطومه
مادري شلون وصل لها
متنا متنا من الضحك
طبعا اليوم الوالده تضحك وتقول حق ابوي تذكر سالفة البعير
وابوي يضحك
طبعا ابوي وهو صغير كان شيطان و عبثي
ههه وانا عرفت الحين انا من عليه طالع
من شطانته وهوصغير
 شاف بعير يم بيتهم
ويقول وانا متعلبش بذيله
الاخ يبي يقوم وانا متعلق 
قام البعير وحس بثقلي ومره وحده يقول جني شفت سطح بيتنا
طاخ والا انا متكود ههههه
اثاري البعير رافس ابوي
هههههههه يقول شلون ماتعورت مادري
صج ابوي كان عبثي وهو صغير وشيطان
بس من كثر ما ضحكنا بطني قام يعورني
طبعا وايد مواقف و سوالف قالوها يبيلها بوستات 
عموما خل انزل لهم الحين اليمعه بلشت 

5 comments:

  1. ههههههههه

    يا حلو سوالفك والله

    والله عليكم مغامرات

    ReplyDelete
  2. في انتظار بقية المغامرات :)))

    ReplyDelete
  3. يمعتكم جنها طولت .. وين باجي السوالف ترا طولت :)

    ReplyDelete
  4. Dont worry,, Be happy

    تسلمين اختي المعامرات وايد ان شاء الله اكتبهم شوي شوي

    ReplyDelete
  5. ReLaaaX

    مغامرات عيايز الكويت و شيابها بالطريج

    fishah

    والله ردينا بس لاهين شوي

    ReplyDelete