طبعاً الي رايحين احنا اربعه الوالد والوالده واختي الصغيره
كالعاده مقرودنا سهران و لايعه جبده
والي يمه قاعده اخته وهو على امل انه ينام بالطياره
طل بعيني ،شتغلت اختي تسولف والله ماذكر شنو قاعده تقول
٣ ساعات متواصله وانا وصلت لين مرحلة الحول
عيوني صابه حوله من التعب
لا طارت النومه وصحصحت
فجأه هدوء نعم التفت ولا الاخت نايمه
نعم نعم لا قومي انا الي بقرق على راسج
بس كسرة خاطري و خليتها تنام
مادري شلون غفيت اخ شللي يحن
ابطل عيني ولا الاخت ردت تسولف
لااااااااااااااااااااااا حرام عليج
المهم وصلنا المطار و بعلمكم على شي
الويل جير ينفع يمشونكم اول ناس وتخلصون قبل الكل
وصلنا عشان ناخذ الجناط
ويمنا عوائل كويتيه
وفجأه شي كفخ بالارض
والله شي يعور القلب ولد ما شاءالله متعافي ياته نوبة الصرع وتشنج
الله يعين اهله طول بعرض و بسرعه المسعفين يو مادري من وين
عفسهم و كان منظر يعور القلب
سبحانك يارب بني ادم شلون ضعيف
مرت الامور بسلام ووصلنا الفندق
صعدنا و قالتلي الوالده ياوليدي مر الامانات ييب الي عندهم
اهلي شبه مقيمين بهالفندق
المهم الوالد ابتسم ابتسامه خبيثه
الله يستر
المهم نزلت استلم الامانات وكاشخ والي معاي بطلت الباب و قالت هاذي لكم
ابطل الجيس العود ششوف
لا مو انا تسوين فيني هالدقه
صعدت وانا ساكت واول ما دخلت الوالد يضحك ها وين الامانه
رديت والله يايبه اماناتكم تفشل
ابريجين و نعال حمام
طبعا شماتت والوالد فيني مو طبيعيه
عادي تعودت على دقاتهم البايخه
و البقيه تأتي لاحقاً
كااااااااااااااااااك
ReplyDeleteبطني مو قادر
ذكرتني بسنة
1993
توهق اخوك بنفس السالفه
كلمت اخوي وقلت له
قال لا مالك امل ادزهم اروح حق واحد اقوله ودي حق اخوي برق حمام عزك الله
بعد ما فريت راسه
قلت له انت حطه بكرتون و حط معاه خيشة عيش
المهم اللي وصلني اياهم طالعته و قلت له بميزان حسناتك ان شاء الله
استغرب
قلت له انت تدري شنو يايب لي
هههههههه
و اخذ الباقي عاد
لالالا اكو جزء ثاني ياي بالطريج
ReplyDeleteالله وكيلك شهر كامل كله مقالب
هين ميزان حسنات
مولس الميزان الله يسامحهم
LOL zain esawoon feek LOOL
ReplyDeleteThis comment has been removed by the author.
ReplyDeleteاي اهم شي الابريج
ReplyDeleteهههههه
واللي تنظف الغرفه عبالها نسقي الزرع فيه
هالصيفيه ناوين نروح ماليزيا اول مره بروح لها
اختي تقول لا تحاتين ما تحتاجين الابريج
:)
اي اهم شي الابريج
ReplyDeleteهههههه
واللي تنظف الغرفه عبالها نسقي الزرع فيه
هالصيفيه ناوين نروح ماليزيا اول مره بروح لها
اختي تقول لا تحاتين ما تحتاجين الابريج
:)
looooooool
ReplyDeleteيحليلهم أثاري سر الابتسامه هالابريج والنعال ;p
هههههههههه
ReplyDeleteالمره اليايه ان شاء الله طشت
!!!!!
rosaholic
ReplyDeleteحق الشماته جاهزه
Comment deleted
حياكم الله بالبلوق هههههه
Dont worry,, Be happy said...
ReplyDeleteاي والله اهم شي الابريج
لا وعزج الله النعال طبجه وحده بس هههههه والثانيه بايقينها
relaaax
عرفتي سبب خبث الي بالابتسامه مو متعود على دقاتهم الجايده
Smile
ReplyDeleteالمره اليايه الطشت الاحمر مال نانسي عجرم
عاد مخلين جنطتين بالامانات مادري شنو داخلهم الله يستر