Sunday, March 08, 2009

هذي اخرتها

؟قعدت من نومي على صوت الوالد مادري شلون  بس كان تعبان وديته لمجزرة مبارك 
اسف قصدي  مستشفى مبارك لقسم الحوادث
طبعاً الغريب انه الحوادث كلها متروسه من الاخوه البنغال " البورترات " المكان يذري 
استغفر الله جنهم نمل بكل مكان تلقاهم 
شفت مستشفيات بس مثل الي عندنا ماشفت
عامل التنضيف اهو الي يشيل ويحط المرضى؟؟؟؟
ازعاج و صيحه و ركضه مره شايله ياهل  
دكتور  
انا اسف ماقدر افيدج شوفي الدكتور الي هناك وياشر
وين القسم الي اقسمته يا ح... ؟؟ لا اله الا الله
اااه احتريت
والدكاتره المتدربين  كاشخين الجماعه تقولون رايحين عرس
الي تسولف بالتلفون والي تتمشى و تدز مسجات بالموبايل
هذول دكاترة الكويت ؟؟؟؟؟
دكاترة المستقبل؟؟؟
اااه يالقهر
خلصنا و ردينا اليوم الثاني مادري الدوا غلط ولا مادري
امراد  عطونا الابر والادويه 
و ناطرين نخلص 
سبحانك يا رب 
زحمه مرضى عالكراسي و يقلقصون المرضى
 عشان يحطون سرير يمه يعني سوو المرضى سردين
والي يحر اكثر  اليوم المغرب مره وحده اختفو عمال التنضيف 
شوي ولا لا المكان يذري بالقوات الخاصه
شوي اوخ امهات القرقه بالموبايل و مسجات انضبطو صارو اوادم
لا قمت اشوف اجهزه و استشاريين
اها عرفنا انه ياي في اي بي لا قامو يطلعون ناس
حتي المرض فيه في اي بي؟؟؟
 مريض خمسة نجوم
معامله خاصه
وصلتي ياكويتنا لهذا المستوى؟؟؟؟
عمار يالكويت انترستي بعوير وزوير والمنكسر مافيه خير
يومين وانا ماعندي غير مجابل الحوادث بمستشفى مبارك
وصلنا لي هالمرحله؟؟؟؟
الفوضى والاهمال؟؟
العاين الله على بلوانا
والله يعيننا على الياي

8 comments:

  1. ما ودي اضيق خلقك أكثر لكن بصدمك حتى مستشفيات بفلوس
    صارت مثلهم و اردى و زين ما يطقونك الدكتور بيمشيك بسرعه
    من 25 فبراير حتى اليوم93 دينار و حالة الصغار عندي متدهورة
    صارت تجارة و الدكتور اللي تبيه و اهو بفلوس تروح له بواسطه
    قسما بالله مال تفجر فيهم
    حبيت اذكر لك شغله ثانية علشان تهون عليك سالفتك و يشافي لك والدك ان شاء الله

    انا عندي الديسك
    و طبعا انت عارف سالفة ان يقولك عمليتك صعبة اغسل ايديك يقولها لك
    تدري ان كلمت عضو علشان يكلم الدكتور يقولهبس شوف يقوله انه يكتب الكلام اللي الدكتور يقولي اياه شفوي على تقريري الطبي
    تبي اكثر من جذي مصايب
    لا و ابشرك الدكتور خاف يقوله ما اقدر تضر سمعتي و صورتي

    ReplyDelete
  2. صج انا ما يبطون جبدي الا هالدكاتره اليدد... يتفلسفون علينا

    قبل رمضان دخلت مستشفى الصباح ... يابوللي وجبه الغدى ولا وجبة حق مرضى السكري.. انا خفت قلت الظاهر فيني سكر

    يي الدكتور .. كويتي كاشخ بالبالطو الابيض وجينز والشعر مدهن مادري جل

    سالته: دكتور ليش وجبتي جذي مالت مرضى السكر

    الدكتور: شتبين عيل .. تبين نطلب لج بيتزا هت؟؟

    يالله اخذو هاذي دكاترتنا..

    ReplyDelete
  3. عسى الله يشافي ابوك و يعافيه

    والله شي محزن اذا يكون فيه تمييز بين المرضى

    كلنا عيال هذي الديرة و المفروض كلنا سواسية و المفروض نتلقى نفس الاهتمام من الدكاترة

    أخوي أنصحك تروح مستشفيات خاصة لأن المستشفيات الحكومية و خصوصا مستشفى مبارك زحمة وايد و جنه سوق الحراي و مستشفى غير حضاري كلش للأسف

    وتحياتي لك

    ReplyDelete
  4. enter-Q8
    سلامات و ماتشوف شر ان شاءالله اجر و عافيه صدقني صار الدكتور تاجر يتاجر بارواح الناس و بعضهم يتعالون ويتكبرون على انهم يعترفون بالخطأ

    ReplyDelete
  5. Dont worry,, Be happy
    خليها على الله

    ReplyDelete
  6. truth
    امين و مشكوره و ماتقصرين الله يشفي كل مرضانا والله حتى الخاص عبالهم الاوادم بقره حلوب والشاطر يحلبها اكثر

    ReplyDelete
  7. حسبي الله ونعم الوكيل على كل دكتور بالدنيا مايخاف ربه


    آنا ماني فاهمه ليش لما نروح عيادة بأي دولة أجنبية يفهمك الطبيب شنو وضعك بالضبط وشنو اللي تحتاجه .. لدرجة إني مرات اتمنى ان يسكت ;p
    لا والله اتمنى ان اللي عندنا يفهمونا ويبينون لنا كل شي


    محد لاحقك اكو دكاتره غيرك بالمكان الناس بتراجع عندهم واللي يبونك راح ينطرونك تخلص

    هالعيلة والدبجة الحمدلله والشكر جنه لاحقكم يني ليش ؟
    تسكتون المرضى والا ماتبون تسمعون شفيهم ليش؟ منو المريض فيكم بفهم ؟

    قلنا دكتور عااااد يعني خلاص بيعرف كل الامراض اللي بالدنيا ؟ يمكن يصير شي نادر ؟


    والمستشفيات الله خير

    دار الشفا طيح الله حظهم اكثر مما اهو طايح افشل مستشفى شفته بحياتي ومالاداعي اقول شصار لي وياهم ومن قرادة حظي مايصادف اروح الا لهم بالاشيا يعني اللي ماابي انطر فيها الحكومه عشتاااو !


    خلها على الله والله الصحة يبيلها نفااااااااااااااض كلها من موظفينها ومسؤولينها ودكاترتها وكل قطو بالصحة بعد


    حسبي الله ونعم الوكيل .. بس الحين شيسكتني

    ReplyDelete
  8. relaaax

    مو كلهم مولين فيهم الزين و فيهم الشين
    الله يهديهم ان شاءالله ويحللون معاشاتهم

    ReplyDelete