Sunday, April 19, 2009

هل انت راضي عن نفسك؟

للاسف ناس كثيره تسوي شغلات يوميا و ماتدري او تدري و تتجاهلها
بدايه يومك بعملك هل انت قاعد تادي عملك باكمل وجه؟والا مقصر
ناس قاعده بالبيت و كاشته بالدوام
ناس تداوم ولكن يقرون جرايد و بعدها ريوق و بعدها مجابل النت و مسجات طول اليوم
والي يخلي ناس توقع عنه او يطق الكرت ويرد يطلع
والي ملتزم بالدوام الرسمي و ما يطلع او يستأذن بس يطنش المراجعين و يسولف و يعطل اشغال غيره
والي يقط الشغل على غيره والي يطفش المراجعين
والي ماخذ مرضيه وهو مافيه شي
والي مظبط ناس يغطون عن غيابه عن الدوام ما اقول الكل و لكن الي يسوون هالسوالف
تهقون معاشهم حلال؟؟؟
راضين عن نفسهم؟
او عادي صارت هالسالفه عاديه
شلون الواحد يحترم ذاته و نفسه؟؟؟
سبحانك يارب

8 comments:

  1. الي يسوي كل هذا ما توقع ان ضميره حي
    فماراح اهمه مراجع ولا مسؤول
    ودام الضمير مات اكييد بكون راضي عن نفسه

    الله يدوم علينا نعمة الضمير الحي ولا بدونه بنضييييييييع

    ReplyDelete
  2. والله ، بالرغم من كل الشغل اللي أسويه وأنجزه كل يوم ... إلا أني مو راضية عن نفسي
    لأني عندي قناعة أقدر أسوي أكثر
    دايم احاسب نفسي... وأتحسف إذا مر علي وقت ما أنجزت فيه شي..
    بس مو معناة هذا اني من الفئة اللي تكلمت عنها في مقالتك .. لا لا ..الحمد لله ماني منهم..هذول أكيد قلة في المجتمع..

    ReplyDelete
  3. هل أنا راضية عن نفسي..
    الأهم .. هل رضي الله تبارك وتعالى عني

    الله يرضى عليك وعلينا ويرضينا في الدنيا والآخرة

    ReplyDelete
  4. للأسف..

    الموضوع موضوع ضمير...

    فقد استحل كثير من البشر مالهم وما ليس لهم.. ومات هذا الحس في أن يحاسبوا أنفسهم..
    المشكلة تكمن في أنفسهم عندما يبررون لك الموضوع باسلوب وفن عجيب..

    مدونة مميزة ..
    بارك الله فيك..

    ReplyDelete
  5. كبرياء انثى
    وايد ناس ما عندها ضمير الي يستغلون المواقف

    ReplyDelete
  6. ضوء المطر
    اختي
    عالاقل قاعده تشتغلين وتحاولين غيرج مايداوم وذا داوم متأخر و يقعد ليش فلان و ليش فلان

    ReplyDelete
  7. مي
    ان شاء الله الله راضي عنا

    ReplyDelete
  8. مستعدة

    اول شي مشكوره و ثاني شي على طاري التبرير يبيلها بوست كامل
    و اشرح لكم كل الاعذار الي مرت علي بحياتي و في ناس عندها فن اختلاق الاعذار

    ReplyDelete