Monday, June 08, 2009

بس بالكويت

صبحكم الله بالخير
فكرة البوست اليوم بسيطه
ارجو من كل زائر ان يكتب الاشياء الي يشوفها بس بالكويت
وانا الي ببتدي

بس بالكويت مبيعات الباجلا والنخي زادت عشان القواطي لزوم كشخة البنات
بس بالكويت غطيان البواليع بالشارع مبيوقه
بس بالكويت اقدعها موتر والجيب فاظي لا ومتسلف فلوس البانزين
بس بالكويت مجلس الامه يتعومس على شبره كيربي
بس بالكويت يلبسون ستريتجات مع الحجاب
بس بالكويت يعفون الحوامل من البصمه خوفا على الجنين مادري باصمه بشنو
بس بالكويت راح يطلعون مخالفه يديده ازعاج للنظر حق الجياكر وانا اولهم
بس بالكويت كل البنات حليمه بولند
بس بالكويت لون الشادو والحمره طقم مع الجوتي نفس اللون
بس كافي بالنسبه لي والباجي عليكم

15 comments:

  1. صباح الخير ..

    والله وايد اشياء بس اهم شي اللقافة

    يعني بس بالكويت اطلع مع ريلي و اشكره جدامي ايطيحون له خز

    ادز بنتي بالعربانه اللي يمرون خاطر اطيح عيونهم داخل اشتبووووووووووووووووون

    اوقف بالاشارة العموم لازم يلتفت
    اسولف مع اختي بالاصانصيير تدش وحده ويانا بالسالفه من طلب رايج

    بعد تبي ولا كافي

    ReplyDelete
  2. اي والله يا خوي

    هالسوالف بس بالكويت

    و ازيد عليها .. بس بالكويت واحد توه متجنس يصير نائب في البرلمان

    بس بالكويت مجموعه من الهيلق يسكرون الشارع علشان يستانسون

    بس بالكويت الحرامي و المغتصب ممكن يطلع من السجن اذا توسط له نائب

    الشكوى لله

    ReplyDelete
  3. وبس بالكويت تلقى بالبنت الوحدة كوكتيل بنات
    متحجبة وبنفس الوقت مو متحجبة
    مستورة ومو مستورة
    يعني مو مزعلة احد

    وبس بالكويت تلقى الزميل بالدوام محترم ومن قده بالزقرت
    بس تطل ريله بره باب الدوام تبدا الشطانة والتحرش

    وبس سلامتك ^_^

    ReplyDelete
  4. و بس بالكويت واحد يدش المجلس و هو ما يعرف يتكلم كويتي

    و بس بالكويت الواحد يمتن برمضان ما يضعف

    و بس بالكويت الجسور المؤقتة تصير دائمة ( الدائري الرابع )ـ

    و بس بالكويت تتخذ الحكومة القرارات ثم تتم دراستها

    و بس بالكويت الخير من الله وايد و التخطيط للسنوات الماضية لا القادمة

    ReplyDelete
  5. بس بالكويت الناس ما تقدر تعيش بدون لا تتحلطم
    بس بالكويت الهيلقي الي ما عنده بلاك بيري !!
    بس بالكويت عشان تصير كول لازم آي فون !
    بس بالكويت كبة المتحجبه أطول منها !!
    بس بالكويت الوافدين أكثر من المواطنين
    بس بالكويت لازم تتكلم بالسياسه إن فهمتها او ما فهمتها !!
    بس بالكويت لازم السايق عنده موبايل !!
    بس بالكويت لازم الوالده تسوي استقبال
    بس بالكويت الي تبي تتزوج تترزز بالعروس والعزا !!
    بس بالكويت معاش الي متخرج من المعهد أقوى من الي متخرج من الجامعه !!
    بس بالكويت في ستاربكس بكل مستشفى
    بس بالكويت ماكو مصافط والمجمع زحمه بس المحلات تصفر



    ما راح أخلص لي باجر ;p

    يعطيك العافيه خووش بوست

    ReplyDelete
  6. بس بالكويت عندنا ثروة خيالية و حالتنا خالية من صحة و اسكان و تعليم و رياضة

    ReplyDelete
  7. صباحوو ..
    بس بالكويت عندنا حفلات فبراير وغيرها بس ماعندنا مسرح بس شطار نذوب ثلج صالة التزلج كل سنة .. ايييي شالعباله سوو مسرح سنع حق كل المناسبات .
    - بس بالكويت الخز زاااااااااااااااااايد
    - بس بالكويت لما الواحد يساعد احد يفهمونه غلط.
    - بس بالكويت طريقة التفكير رجعيه وماكو نيه صافيه .

    ReplyDelete
  8. ميمة السبيت
    عادي اذا مايخوزرون ويتحرشون تطلع فيهم نخله

    ReplyDelete
  9. عثماني

    حياك الله يالغالي
    مثل ماقلت بس باجر بنغالي بيعطونه الجنسيه و بيصير عضو بالمجلس و يشغل معزبه عنده سكرتير

    ReplyDelete
  10. خديجة البهاويد
    على سالفت الحجابات انا مو حارني الا حجاب الضييج و حجاب بو ترجيه والنوع اليديد حجاب بو زعفران الي يطلعون الزعفران منه. قصدي الي مطلعين العشب على كتر اوه الزلوف المحترقه من الصبغ
    و حياج الله بالبلوق

    ReplyDelete
  11. بو سعد
    صدقت يا خوك كل شي مؤقت بهالديره
    يالله حسن الخاتمه

    ReplyDelete
  12. U-Turn
    بسم الله الرحمن الرحيم
    اول شي حياج الله
    و ثاني شي الله يعينج ههههههه
    صج منبطه جبدج و حارينج
    بس والله مالومج

    ReplyDelete
  13. Enter-Q8
    اااه لا تشيشني عليهم
    والله شي يحر

    ReplyDelete
  14. Fishah
    لا مو مني والطريج يحجزون الصاله و يدفعن التذاكر بعد ههههه
    الواحد شيقول
    غير الله يصلحهم والله الديره مو قاصرها شي غير نسف الالنفوس الحقوده الي ماتبي اي فكره تطوير تيي من غيرهمواذا شي فيه فايده لازم اهم الي يطلعون الفلوس
    داشين على طمع

    ReplyDelete
  15. هههههههههههههههههههه بـ صرآحه أنآ سعوديّه
    من قبل كم يوم كنت اشوف مسلسل كويتي
    وأسأل نفسي ليه كل الممثلين معهم بلآك بيري وممثل وآحد اللي هو الغني معه آيفون خخخخخخ
    طلع الهيلقي اللي مآمعه بلآك بيري هههههههههه

    ReplyDelete