ادري بتقولون ان اسم البوست غريب
والسبب احد الاخوات علقت على البوست السابق وهي
Anonymous
ويابت طاري اللابجين
وذكرتني بسالفه قديمه
الله يسلمكم الوالده والوالد عانو من يباست راسي و عنادي و شطانتي
مره من المرات يايبينلي صوغه عباره عن جوتي رياضه اديداس لونه و شكله عجيب بس للاسف
كان ٣ مقاسات اكبر مني
بس بوراس يابس الا يلبسه ويروح المدرسه
الوالد ياولدي مو زين شكله موحلو
ابد مابذني ماي
الوالده يا حبيبي تتعور ريولك
لا يمكن كاشخ فيه كاشخ فيه
اليوم الثاني كشخ بوراس يابس المقرود و راح المدرسه
والوالد يضحك
داش المدرسه وامشي جني بطريق من كبر عزكم الله الجوتي
وناطر حصة الرياضه
واول ما لعب قوم وشوت الكره بعد اديداس لازم يشوت ويقوول
واول ما شات الكره قام يناقز جنه كنغر من العوار
و قعد ساكت و بعدها رد البيت
و يعري المسكين
واكتشفو ليش قام يعري
الاخ لان نص الجوتي فاضي قوم و ترسه كلينكس و حصم
بس صج اول ما شت الكره حسيت كل اصابع ريلي بصوب
حسيت ان ريلي صارت جنها اخطبوط كل اصبع بروحه
بس بوراس يابس مامنه فايده
يالله كل تعلومه بطراق
masa2 al5er,
ReplyDeleteey ana ely kanw ysamoni labchen :)
3ala 6are al labchen men kether ma kent ma3rofa fe ayam alderasa alsena re7t al7j lget wa7da men mudaresaty ma3rfatni ela lma glt laha ana labchen :)
3ala 6are alras elyabes bada3na we7na 93'ar o allah ya36y ahalna al3afya
ta7yaty
اما سالفة العناد .. عندنا و عندك خير
ReplyDeleteبس عجبتني ريلك لما صارت اخطبوط .. ضحكتني
:)
حصم عااااد !
ReplyDeleteاييييييييييييييييييييييه ترسه رمل .. دلاغ زايد جنك ماتدري :)
هههههههه انزين عسى ماتشوهوا؟ فيه آثار للذكرى والا خلاص؟ :)
سوالفنا والراس اليابس بدعه
يبيلي اتذكر جم سالفه :)
بوسـت خفيف لطيف
ReplyDeleteوهذي آخرة العنـاد وين تودي ..مستشفى العظام :d
شكرا عالبوست
Anonymous
ReplyDeleteعادي عادي لازم نكون شياطين و عيايره و روس يابسه لان كل ظالم له يوم و عيالنا بطلعون عيونا من قمة راسنا و العاين الله
بو سعد
ReplyDeleteالشطانه وماتسوي
انا لو بكتب عن شطانتي وانا صغير بروحي بس كافي يالفون مجلد لعلاج االشطانه والبلاسه
Fishah
ReplyDeleteاهي يات عالحصم
الله ستو مو صلبوج جان علوم
اي لازم في اثار
على قولت الوالده اليوم الي ما تنشق يدك ولا ريولك نادر
لازم زلق
The.One
ReplyDeleteيزاج الله الف خير
looooooool
ReplyDeleteعناد الطفولي غير وله جو خاص خوش سالفه وذكريات حلوه