Thursday, July 16, 2009

تطور لستت الارقام

بدون زعل من الاخوات الفاضلات الي بتزعل لا تكمل قراءة البوست
والسبب اني لاحظت و ملاحظتي يمكن تكون غريبه شوي
اول ما داومت كنت الاحظ على بعض زميلات العمل ان لما اقول ابي الشغله الفلانيه
يقولون عندنا رقم المدير الفلاني الوكيل الفلاني الوزير الفلاني
وبعدها مدير الشركه الفلانيه
و معارفهم يعني حلوه
ويتدرجون بالسلم الوظيفي و تتطورمعارفهم
و مع الزواج
تبتدي لستة الارقام تتغير و تتطور
وبس يطل اول ياهل
سبحانك يارب
اللسته تتغير الى الدكتور الفلاني و العياده الفلانيه
والصيدليه الفلانيه
ومع المدارس
الناظر الفلاني والمدرس الفلاني
و يبدي التاخير بالدوام و الحش و هم اللسته تتغير الى
المطاعم الفلانيه و المخابز الفلانيه
و حزة التقاعد تبدي اللسته و قائمه الاصدقاء تتغير الى
الخباز و راعي الخضره و اللحام و السماج
و سامحوني بس مجرد ملاحظه
ويمكن اكون غلطان
والبوست الياي ان شاء الله عن الشباب

12 comments:

  1. ** اذا كل شي عليها مسكينه شتبي تصير اللسته اصلاً مع اول ياهل خلاص تقول حق الفراغ و الوقت باي

    غير طلبات البيت يعني حتى اكل اهي اللي تطلبا من المطعم

    اه يا البي عفية خلني ساكته

    ReplyDelete
  2. كل شخص تتغير مطالبه بتغير الوضع اللي يعيش فيه..

    شنو الغلط بالموضوع؟

    ReplyDelete
  3. انا مو شايفه هالشي غلط
    كل لسته على قولتك وحسب الوقت اللي يت فيها
    يعني مثلا .. انا لما بجدد داري مابقا صباغ وراعي ادوات صحيه وارضيه ماعنده رقمي لوول
    والحين لان نبي خدامه .. مابقا مكتب خدم ماعرف رقمي
    ولما امي بالمستشفى عندي رقم دكتورها اللي سوالها العمليه
    يعني السالفه ومافيها .. عادي هالارقام موجوده حسب طبيعة حاجتنا لها
    شفيها :) شنو اعتراضك :)

    ReplyDelete
  4. دوام الحال من المحال

    ReplyDelete
  5. ميمة السبيت
    اي والله مالومهم بس لازم يحمرون العين و يعترضون
    شنو كل شي عليهم الفروض عمل مشترك

    ReplyDelete
  6. مستعدة

    صدقتي

    ReplyDelete
  7. Fishah
    بسم الله الرحمن الرحيم
    اول شي سلامت الوالده والله يقومها بالسلامه ان شاء الله
    جنج كليتيني ههههه ماقلت شي

    ReplyDelete
  8. *Being One
    اي والله

    ReplyDelete
  9. لوووووووووووووووووووووووووووووول

    من جد 9ـــــادق ههههههه

    اهم شي حزة التقاعد خخخخ

    متابعين :)

    ReplyDelete
  10. هلا اخوي..

    بوستك مايزعل..

    بس الظروف اهي اللي تلزمنا بشغلات معينه واتوقشي مشترك بين وبينكم ..

    ومشكور.

    ReplyDelete
  11. غرغر
    حياك الله بالبلوق

    ReplyDelete
  12. رورو الشخبوطه

    اول شي حياج الله بالبلوق
    كلامج عدل

    ReplyDelete