Monday, August 24, 2009

يالله صباح الخير

صبحكم الله بالخير
طبعا ومع بدايه الشهر الفضيل النوم شبه معدم وماله وجود بالمعجم الخاص فيني
ومن امس بعد الدوام وانا احاول اني انخمد بس بلا جدوى
ياني تلفون من ولد اختي خالي ابي كذا و كذا و كذا
ان شاءالله حبيبي بس اريح شوي
٥ دقايق و تلفون ثاني و سكرنا التلفون
الباب ينطق لا مو وقته
انسان شرايك نروح نمشي عالبحر
عالبحر؟؟؟؟ خلوني بتمشى على فراشي ابرك
هين
اذن المغرب فطرنا و كثرنا من اللبن
بحياتي ماشفت امامين بنفس الوقت يامون فينا
و بالاساس ليش مسيدين يم بعض
واكتشف اني محول من كثر مافيني النوم
وردينا البيت
"اقول "ام انسان
هلا يمه
تعال ياوليدي جابلني خواتك طلعو ومالي خلق اقعد بروحي
امراد جابلت الواده وهي تسولف وانا اتحلم بالفراش ابي انام
واخيرا عتقوني و رحت فراشي
ومن الساعه ٩:٣٠ لين الساعه ٦:١٥ يالله غفت عيني
٦:٢٥ واحد متفرغ و داق ازيك يااحمد
والله بقيت ابجي وسكرت الموبايل
اعن ابوك زرزور احد يتصل الساعه ٦:٣٠ الصبح و برمضان ؟؟
و ثلاث منبهات اشتغلو على راسي فابرك لي اني اروح الدوام مواصل
وانا طالع اول ما نزلت الشارع واسمع سحكت بريك الي صرعتني قمت اتلفت
ههههه والا الاخ طاير و شكله غفى و بطل عينه ولا المطبه قباله
بس المسكين شكله حاشه عوار بطن و صحصح مثلي
وسلامتكم
ولا احد اييب طاري النوم
و رمضان كريم

6 comments:

  1. Anonymous11:38 PM

    nooooooom noooooom noooooooooom
    yala ana baro7 anam :pPp

    ReplyDelete
  2. * واي اسكت انا اقوم حق الدوام عالساعه 8:30 و ارد 1:30 بنتي قاعده العب شوي معاها بعدين احاول انام ما اقدر تخيل من الساعه 2-5 انا قاعده و فاتحه عيوني بالفراش و ماكو فايده و اللي يزيد الطين بله ان بنتي تسنن و من يصير الليل اي انام تقعد تحن الله يعافي اللي سوى التايلنول زطها خلتنثول و تنام و احنه انام ... ويه تعبت

    ReplyDelete
  3. مادري ليش فينا فقر نوووم

    مو بس انت اللي تشكي

    كل اللي معاي وانا منهم .. يحوشنا شعور دعاية النسكافيه .. اللي فيها الموظفين يايين والماترس لاصق في ظهرهم ههههههههه

    ربنا اكرم :)

    ReplyDelete
  4. Anonymous
    نوم العوافي

    ReplyDelete
  5. ميمة السبيت
    ههههههه رمضان كريم

    ReplyDelete
  6. Fishah
    النوم سلطان

    ReplyDelete