Saturday, January 16, 2010

من صجهم؟؟

بصراحه ماتوقعت و لا تلوموني
امس وانا بالبر قاعدين والا واحد من الشباب الي صك على امي بتغيير قنوات الستلايت ٥ قنوات بالثانيه على بو يدور
المهم واستقر اخيرا علي قناة
بس والله متنا من الضحك وقزرت السالفه عليهم
هههه من صجهم ولا فلم هندي باللهجه الخليجيه
   و اهم شي مترجم
"البطل يقولها "انا يوعان وين المشاوي
والترجمه مكتوب اين الحلويات
و اسمها بالخليجي سعاد و بالترجمه جيت
هههههه
الا و يركضون بيلحقون عالقطار وهي  صعدت القطار ويقولها البطل
 "سعاد احبج وايد اموت فيج" 
والترجمه مكتوب
" انني معجب بك يا جيت"
مابقى الا يقول
" سعادوه و يهد وين الابريج ياللاا"
والترجمه
"الماء ساخن ياجيت "
 و لا تستغريون 
 باجر بروس ويليس و توم كروز حكام بشاعر المليون
باميلا اندرسون تصب لهم القهوه و اوبرا  مع داوود حسين بحلقات رمضانيه
ماقول الا يا شين السرج عالبقر ودورو شي يفيد الاوادم الناس بتوصل المريخ و حمود يصارخ على سعادوه وين الابريج

9 comments:

  1. Anonymous11:09 AM

    loool sara7a kan felem 3ajeeb :p qesetaaaaaaaa 3abeeeeeee6aaaaaa tawni astaw3eb el aflam el hendeya yom khalohom eta7achon kuwaiti :ppppp

    ReplyDelete
  2. ** 600 قنا تطالعون هذا ليش

    ReplyDelete
  3. ايييييييي شفت جم لقطه منه لووول دبلجه كويتيه بدعه

    اهم شي كانت البطله تركض لما جابلها تنح وقال " ها شفيج" ؟ ههههههه

    مو عاجبتني الفكره :<

    ReplyDelete
  4. Anonymous

    من صجج عجيب؟؟؟ اهم شي وين الجاي و بالترجمه اعطني بعض النبيذ
    جاي زعتر ؟؟ ولا زعفران ؟؟؟
    زين ما قال ابي ما لقاح

    ReplyDelete
  5. ميمة السبيت
    اختي احوليت وانا احاول استوعب الي كتبتيه
    لاتلوميني ١٢ ساعه دوام متواصل

    ReplyDelete
  6. سمكه
    والله انا اشوفه مشروع فاشل
    باجر سبايدر مان كويتي يقول حق عمته وين الرهش و الزلابيه

    ReplyDelete
  7. قالولي عنه بس ما شفته
    انزين مو فاهمة ليش في ترجمة!؟

    ReplyDelete
  8. Ra-1
    لا عيل طافج نص عمرج مادري دراما ولا كومدي

    ReplyDelete
  9. لوووووووول حده

    خاصه فلم ديفداس بدعو


    هالفلم اول مره شفته مترجم بجيت بجي ولما شفته مدبلج لا و الله مت ضحك حتى الواحد ما يندمج بالقصه

    ReplyDelete