Tuesday, July 06, 2010

يالله استر علينا

كالعاده بوراشد صديقي الصدوق المزعج الي ٢٤ ساعه لازم اكون معاه 
الا يبي يلعب هاند مع بقية شلة الشياب بالديوانيه
مع اني اصغر واحد فيهم
ماعلينامن الشياب
صار شي بصراحه اول مره يصير جدامي
دش علينا واحد و حب راس واحد من الشباب و بيدور على الشياب
قالوله استريح
قعد شوي و مادري شقال انا كنت لاهي و واحد من الشياب مد ايده و عطاه فلوس
وثاني يوم وانا طالع من دفان يدة واحد من الشباب بالمقبره وهم عيايز ثنتين متربعين عند طلعة المقبره
و بعد صلاة المغرب بالمسيد الي يم بيتنا عيوز هم ماده ايدها عند باب المسيد
لاحول ولا قوة الا بالله
الله يلعن الظروف الي تخلي البني ادم يذل نفسه حق الغير
مع ان الديره ديرة خير و ما اعتقد في انسان نفسه عزيزه يسوي هالشي
عندي اشتغل حمالي ولا امد ايدي 
وعلى فكره الي دش علينا بالديوانيه يعرفونه يفتر على الدواوين 
ويطر 
يالله لاتبلينا
ويالله حسن الخاتمه

7 comments:

  1. ** الحمدلله على النعمة

    ReplyDelete
  2. والله يا انسان انا قبل كانوا وايد يكسرون خاطري ... لكن اكتشفت تالي ومن واقع تجربة ان الاغلب نصابين او مرضى نفسيين ... لان احنا الحمد لله ديرة خير ومحد فيها ينام يوعان ولا بردان ... والبعض ماخذينها كار وهم بالواقع لا محتاجين ولاهم يحزنون .... ما اقول غير الحمد لله اللي عافانه

    ReplyDelete
  3. الحمدالله على النعمه

    انا مادري في ناس يكسرون خاطري وناس استغفرالله مبين انهم بس جذي يسترزقون ومومحتاجين

    ابوي يم المسيد اللي كله يروحله عيوز .. تعودت كل يمعه لازم حبيبي يودي اغراض معاه حقها ..الحين قامت تقول له وصلني على طريجك لوووووول رفض واعتذر عاد الحين كش منها

    كل شي على النيه .. نصابين والا لا المهم نيتك انت :)

    ReplyDelete
  4. اخي انسان بسيط الاخ اللي معلق باللغة الصينية كاتب اشياء جدا مسيئة وإباحية وليس لها اي علاقة بالموضوع اللي انت طارحه

    ReplyDelete
  5. smily
    تسلمين اختي على التنبيه
    ومبارك عليج الشهر ولو متاخره

    ReplyDelete
  6. علينا وعليك
    والله يتقبل منا ومنك صالح الاعمال

    ReplyDelete
  7. بصراحه هالفئة غريبة ، في فترة انتشرت ظاهره
    انهم يدقون جرس البيت ويكونون ماخذين فكرة عن أهل الفريج ويعرفون أسماء الحريم أم فلان وام فلان ، ويجيبون ورقة ان بيتهم محترق او فلان في بلادهم مريض ويحتاج يسوي عملية وحق كل بيت يطلعون ورقة غير !! ولا يزيدون الطين بله يقولون حق راعية البيت ان جارتج فلانه قالت لنا روحوا حق ام فلان تراها طيبة وبنت حلال وبتقوم بالواجب معاكم
    طيب انا استغرب من اللي جابوا ورقة شخص مريض ويحتاج يسوي عملية يقولون اذا ماتبون المكيف عطونا اياه شدخل ؟

    في ناس فعلا محتاجين بس صارت بطريقة غير مقبولة ابدا
    الله لايبلينا ولايحوجنا ان شاءالله

    ReplyDelete