صبحكم الله بالخير
اليوم وانا عند الدوام ولا واحد بجيب
جدامي لفت انتباهي شي
لا و شي غريب بعد
يعني وانا ودي اعرف هالاوادم يعرفون شاللي لازقينه على سياييرهم ؟
وشمعنات الستيكرات الي محطوطين ؟؟؟
يعني علامة بلاي بوي و فيرجن
والصوب الثاني شعار كلية الحقوق و ستكر ما شاء الله؟؟
يعني يقصد ان ما شاء الله على حقوق الفيرجن بلاي بوي؟؟
ويوم حبيت اشوف صاحب الجيب بغيت اضحك
البريهة معلقه على طرف اذنه و زقاره بيده و بيبسي عالريج ؟؟؟ يخرب بيت المزاج عالصبح
بصراحه مالومه جان هذا ريوقة من الصبح
وسلامتكم
هذولا ناس يحبون شيء اسمه "بهرجة" ..
ReplyDeleteصايرين مثل حريم شاي الضحى .. بس بدون "قرقر" !!