Sunday, April 10, 2011

حسافه عليج يا كويت

كانت الكويت المثل الاعلى لمعظم دول الخليج من ناحيه التطور والاعمار والتنظيم
والتعليم و التخطيط  بس وين كنا و وين وصلنا ؟
يحز بخاطري لما اشوف الي شفته
سفره سريعه بريه عند مركز النوصيب وللاسف شي يعور القلب .جياس الزباله و عدم التنظيم والمركز احس انه لم تتم اي عمليه صيانه من سنين
و دخلنا مركز السعودي  والفرق كان باين منظم و كبير و لكن هم يفتقر النظافه بعض الشي
و نفس الشي  مركز سلوى الي مع الحدود القطريه.
 السرعه بتخليص المسافرين و المعامله الي ترفع الراس بصراحه
بس الي لفت انتباهي ؟؟؟  من اول دخلتنا الحدود القطريه
 الشارع اختلف لونه و نظافته والمركز ما شاء الله منظم و تعيزون تقولون انه نظيف والملاحظه مو بس الحدرد حتى داخل قطر كلها نظيفه
نرد الكويت و اول شي يلفت انتباهنا وهو
 هاللي مسدحين عالارض 
و ريحة المطار عرق على خموره  على زقاير مع انه ممنوع التدخين الا بالاماكن المخصصه للمدخنين
وللاسف اول شي شفته شرطي  يتمشى و بيده زقارته
وايد الي كانو يدخنون لا ويطفون الزقاير على الارض
ونيي حق الجوازات القادمون داش لعبه الحيه
لاين بالعرض و لاين بالطول
وبالنهايه 
كمقياس بالنسبه لي ؟؟؟
بالنسبه للتطور و النظافه 

قطر
الامارات
عمان
البحرين
السعوديه 
الكويت
وبالنسبه للباقه و حسن التعامل
عمان
الامارات و قطر السعوديه و البحرين
الكويت
وللاسف مادري ليش مومهتمين بواجهة الديرة
كنتو رمز التطور والحين رمز التدهور
وماقول الا حسافه عليج يا كويت


10 comments:

  1. هذه هي مدونتي ارجو التواصل
    www.ectemarketing.blogspot.com

    ReplyDelete
  2. مدونةزينة زينة
    ربنا يوفقك
    http://diariesoffrustratedguy.blogspot.com/

    ReplyDelete
  3. لا جد حلوة كتير.....ههههههههههههههه

    ReplyDelete
  4. من أمن العقاب اساء الادب ..اذا كان الناس مو شايفيين عقوبات رادعة لأي شخص يهمل النظافة او يدخن بأمكان تمنع التدخين طبعا راح يتجاهلوا الانظمة و حنشوف الفوضى و الزبايل بكل مكان ..لازم اول شي انظمة صارمة و عقوبات لأن للأسف احنا شعوب ماتمشي الا بالتهديد لأنو اذا اكبر شي ديننا الاسلامي حثنا عالنظافة و احنا اهملنا دا الشي فبديهي لا توعية و لا منشورات تحث عالنظافة حتفيد معانا ..قبل شهر عندنا بجده صار في مخالفة اعتقد تقريبا 150 ريال سعودي اذا رميت شي بالشارع من السيارة ..اخيرا شفنا شويا تحركـ عشان الوضع مايتدهور اكتر , غير انو عمال النظافة رواتبهم جدا قليلة و تتأخر فطبيعي يتكاسلون بعملهم , وقبل فترة اضرب عمال النظافة بجدة عن العمل و بجد كان شي مقرف .. اكثر شي يستفز لمن اشوف عبارة ممنوع التدخين و لكـن تجاهل تام حتى من المسؤولين لأن هم اصلا مدخنين ..فأفضل حل هو العقوبات الصارمة

    ReplyDelete
  5. This comment has been removed by the author.

    ReplyDelete
  6. معك في هذه النقطة ..عندما كنت أصغر .. لطالما عجبت من ال تطور الحاصل في الكويت بالرغم من بقيه دول الخليج بما فيهم عمان لم تشعل لهم الشمعه ..

    ولكن أرى ما حدث و أاسف لهذا ..

    هداانا الله و جميع المسلميين ..

    ReplyDelete
  7. MTCO
    اشكركم على المرور

    Rames Nashat
    شكرا من ذوقك

    ReplyDelete
  8. رنا
    حلت دنياك يارنا

    arwa alghamdi
    صدقتي واتمنا ان الناس تستوعب
    ومشكوره على المرور والتعليق

    ReplyDelete
  9. Sound of Emotion
    الحمد لله و ارد و اقول هم احنا احسن من غيرنا و نحمد الله على كل حال

    fialka012
    ❤❤❤
    شكرا شكرا

    و نورت المدونه البسيطه بمروركم كلكم و مشكورين على التعليق

    ReplyDelete