Sunday, May 15, 2011

للزوج الكويتي


 
وصلتني رساله و كنت اقراها و اضحك اوف اوف اوف كل هذا حقد  بس اتوقع ان اغلب المكتوب صج 
والرساله كالتالي
 
معلومه للزوج الكويتي
ترا بس الكويتيه اللي ترضى اتروح حضرتك يوميا الديوانيه من المغرب للفير 
حبيت اذكرك 

معلومه للزوج الكويتي
ترا بس الكويتيه اللي تخليك تاكل وتشرب وتمسح ايدك باالطوفه
حبيت اذكرك 

معلومه للزوج الكويتي
ترا بس الكويتيه ترضى تاخذلك قرض. وتدمج الراتب مع حضرتك
حبيت اذكرك

معلومه للزوج الكويتي
ترا بس الكويتيه راضيه فيك وانت مجابلها بمكسرك وفانيلتك العلاق.... وكرشك
حبيت اذكرك

معلومه للزوج الكويتي
ترا بس الكويتيه اللي تستر على بلاويك وفضايحك ، لما تطيح عليك
حبيت اذكرك

معلومه للزوج الكويتي
ترا بس الكويتيه اتحمل معاير امك ومغثة خواتك..
حبيت اذكرك

معلومه للزوج الكويتي
ترا بس الكويتيه ترضى انك ما تفتحلها باب السياره واهي معاك.. وما تفتحلها باب المحل .. لا وادش قبلها بعد
حبيت اذكرك

معلومه للزوج الكويتي
ترا بس الكويتيه اتشوفك غزال مع كرشتك وصلعتك
حبيت اذكرك

معلومه للزوج الكويتي
ترا بس الكويتيه اتحمل ويهك المكشر والعابس دايما.. وصراخك اللي يسمعه كل الفريج
حبيت اذكرك

معلومه للزوج الكويتي
ترا بس الكويتيه تضحك على نكتك وقطاتك البايخه... ودلعك الماصخ
حبيت اذكرك

معلومه للزوج الكويتي
ترا بس الكويتيه اللي تقدر تأمن بيتك واعيالك عندها.. وانت اتقز مع ربعك بالافنيو
حبيت اذكرك

معلومه للزوج الكويتي
ترا بس الكويتيه اتخليك اتحبها بدون سحوووره.. ومن غير ما تسويك خروف
حبيت اذكرك

معلومه للزوج الكويتي
ترا بس الكويتيه اللي اتودي عيالها الطبيب نص الليل .. لان حضرتك مشغول بمباراه البرشا
حبيت اذكرك

معلومه للزوج الكويتي
ادري ضغطتك اليوم وايد... وهم بعد ادري ان الضرب بالميت حرام... ماكو فايده فيك
تحياتي حق بو مكسر وفنيله

ورسالتي للزوجين ترى انتو اثنينكم ستر و غطا لبعض واثنينكم تكملون بعض 
ووصيتي للزوج لاتهمل بيتك و نفسك و للزوجه بسج معاير ولا تنحشين الريل 

4 comments:

  1. هههههههههه
    ترا برضو السعوديه تتحمل الي تتحمله الكويتيه الله يعين نساء الأمه العربيه << متأثره من قروشة الاخبار 24 ساعه ^.^

    ReplyDelete
  2. حآفية القدمين
    من قلب خخخخخ

    ReplyDelete
  3. Rayanh
    انا اضحك مجرد رساله وصلتني و ضحكت
    انا واحد من هالرجال و الكلام ٩٩٪ غلط
    بس حبيت انقل الكلام مثل ماوصلني حتى لو مو عاجبني
    لان نفس الشي نحن نعاني ههههه بكتب اللسته الجايه بنفسي

    ReplyDelete