Tuesday, May 31, 2011

اقتراح

ليش لما البنات يكونون بحال سبيلهم و بمكان ياخذون راحتهم و قبال شاليهاتهم يبون يتسبحون ويستانسون مع اهلهم  بس مايرتاحون من عوير وزوير والمنكسر مافيه خير.
انا اسميهم عيال ابليس لانهم لم يتربو التربيه الصالحه و لا فكرو ان هالبنات يمكن ان يكونون من اهلهم.
للاسف مضايقات و ازعاج و تحرش و فرد عضلات و قدرات .
و ساعات للاسف بعض البنات و اخوات يشجعون على هالخمه الفاسده انهم يتحرشون فيهم 
لبس ملفت للانتباه حجاب بو قذله ولا حجاب و رقبتها بره او الي مطلعه التراجي ولا المكياج الي يصرع
انا ما اقول كل الشباب تلفان ولا كل البنات.
الحين يدرسون موضوع القانون لحد المعاكسات.
تدرون شكثر شباب بينظلم ؟؟ من تبلي بنات ابليس ؟؟؟
تدرون شكثر شباب بيتم يمارس هالهوايه ؟؟؟
لانه عارف بالواسطه بتمتمون على الموضوع لان الفساد موجود  من اصحاب القانون.
البنت تغازل و الولد يغازل و الطامه الكبرى اغلب الشرطه الجدد هم الي يغازلون
يعني جم ادمي بينظلم ؟؟
اثنين نيي حق الي يصيدونه و يحبسونه !!!
 سجون الكويت تلفانه
يدش معاكس و يطلع مدمن؟؟؟  احيه يابو سوسو 
الحلول موجوده واعتقد في قانون للبس الفاضح
طبقوه
تبون حريه التزمو حشمو انفسكم واحترمو الناس و راعو مشاعر الآخرين.
البنت تحشم عمرها  وتحترم حجابها او نقابها و لبسها و تصرفاتها
والشباب مارسلك هوايه مفيده غير اذيه خلق الله
هالبنت ممكن تكون اختك او امك او زوجتك او بنتك.

والحل الثاني؟؟؟
طبقو قانون لحد المعاكسات بس الي يصيدونه و يبون يعاقبونه ؟؟؟
 كسبو فيه اجر و خلوه يحفظ جزء كامل من اجزاء القرآن 
و الزامي و مده عقابه تعتمد على سرعة حفظه للقرآن.
وهذا ما يسمى العقاب الايجابي.
و هذا مجرد اقتراح بدال ما نستاثم بشبابنا ؟؟ نكسب فيهم اجر
وسلامتكم

5 comments:

  1. اممممممم
    العقاب يكون : انه يقرعونه ويحطون صورته بالباصات ههههههه نفس باصات لندن اللي مايدفع يجطون صورته خخخخ

    :)

    ReplyDelete
  2. يجطون شنو لول النقطه انطبعت سهوا كل من المراسل اللي جدامي عفسني

    *يحطون

    ReplyDelete
  3. لباس الفتاة يعكس فكرها و شخصيتها ..
    احنا في البحرين .. تكون هناك دورات تكليف و تثقيف للفتيات .. فضلاً عن أعمال الجمعيات في القرى ..لذا عشان جذي ما نشوف هالاشكال واايد .. لو يعملون الشي للأطفال و بالتدريج ينتقل للكبار .. لكان أفضل من السعي مباشرة لتحقيق الهدف ! حسب وجهة نظري

    ReplyDelete
  4. يالبيت يطبقون دا الاقتراح ويرحمونا من معاكسات الشباب ومن مصخرة البنات
    عشان بقية الشعب يقدر يطلع براحتو
    بدون مضايقات

    ولو يحطوون غراماااات عاليه عليهم تخليهم يفكرون مية مره قبل لا يتهوروون هع

    على مااظن أنو بالبحرين او قطر مسوين غرامات على الي ترفع طرحتها مدري انتو ايش تسموها









    ^.^

    ReplyDelete
  5. هذه هى الحياة دائما بها الكثير من التغيرات احييك على مونتك الرائعة واتمنى ان تشرفنى بالزيارة الكريمة فى موقعى
    النهدى للعناية الصحية

    ReplyDelete