Friday, July 08, 2011

تحلطم هذا الشهر

مساكم الله بالخير
اجازه سريعه و رحله الى فريج الايطالي
وبعد رحله مليئه بالتكدش و التسوق
وصولنا للمطار للرده الي ديرتنا الحبيبه
و موشي يديد على الكويتيه تاخير ساعتين
وبعد ما قعدنا بالتيرمنال ٣ساعات قررو يدخلونا شقول و شحجي
ماني قايل بس شوفو

الكراسي مزلقه ومشققه
وليلحين تلفزيونات قديمه


مواعين الاكل وصينيتهم مزلقين



والتلفزيونات الي بالكراسي نصها خربانه
والسماعات نفس الشي
و يوم وصانا الحمدلله نص الكاونترات القادمون مسكرينهم
 و اخر شي الجمارك بس نبي نطلع من مطارنا الي يرفع الراس
ولا الاخ من صاحب هالجنطه
فرديت انا امر 
يعني صايد الحركه شنو فيها؟؟
قلت له هدومي و وايرات
بعد
وانا من صجي افكر
ايي عدستين
بعد 
فر راسي جان اقوله شالسالفه
وبصوت عالي بعد فيها بطول
حرني الزفت جان اقوله استخدام شخصي
ابطلها
جان يقوله الوالد  كلونيات كلونيات
هني عرف الوالد اني وصلت حدي من اسلوبه
وستحى على ويهه يو شاف اهلي معاي
قال لي تفضل
مادري  ليش تصرفاتهم الي ترفع الراس
ويقولون ليش دول العالم قاعده تطوفنا بالتطور
لا وممنوع التدخين والضباط زقارتهم بيدهم ويتمشون
ايه كافي علي تحلطم اليوم

3 comments:

  1. Anonymous3:09 PM

    كافي اليوم؟ممكن
    بس التحلطم عندنا منهاج حياة
    الحمدلله عالسلامه
    SMILE U R IN kUWAIT

    ReplyDelete
  2. حمد لله ع السلامه اهم شي :)

    طول بالك وخلك الكبير دايما

    ReplyDelete
  3. I like your picture.Hi, this blog is really instructive. I would like to know more about this.

    الكراسي

    ReplyDelete