Monday, August 22, 2011

احسن طريقه للمكاسر

من جم يوم قاعدين انا و اخوي
ونسولف ومن السوالف ياب طاري نسيبي شلون يكاسر و قعد يظحك من قلب 
وانا ظايع  فلان شالسالفه
جان يقولي انا و النسيب رايحين  السوق و شاف عزكم الله نعال وعجبته
المهم قال حق البياع بجم
قاله ١٨٠ ريال
جان يخزه النسيب
شوي  جان يقول الهندي  ١٥٠؟؟
هم ساكت ويطالعه
الهندي ١٢٠؟؟؟
ولاكلمه و ليلحين يخزه
١٠٠؟؟
بابا والله انا فايده ١٠ ريال 
٨٠ خلاص بس والله بابا انا خسارااا
واخذ عزكم الله النعال و دفع الفلوس  مشى
اخوي بيموت من الموقف جان يقول حق النسيب
بوفلان شسويت فيه مات من الخرعه
النسيب  ليش بالله شمسويله؟
ردعليه اخوي على خزتك له لو قايله انت اذابح ادمي بيعترف 
و صج ما شاءالله عليه صج عليه خزه تييب عوار البطن

6 comments:

  1. مجرد أنسان9:19 PM

    ذكرتني بمسلسل الكرتون "فريج" يوم أم سعيد تكاسر الهندي
    "كم أخر , أخر كم "

    ReplyDelete
  2. ههههههههههه
    انصحك تستغله وأي سوق بتروحوله تاخذونه معاكم
    خاصةً العيد ع الابواب

    ReplyDelete
  3. والله اسهل حركه بخزه نزل سعر من اليوم بجرب فيهم ههههههه

    ReplyDelete
  4. مجرد أنسان
    هههه حياك الله


    AbEeR
    من قلب استغلال عجيب


    صــمـــــــت الــــــروحــــζލ
    يبيلج خزه تخرع
    مو خزه عاديه يعني صبت حوله معاها
    ههههه لايمعوده بعدين يبلغ عليج

    ReplyDelete
  5. انا اتوقع انو خزه معناها نظره ان ما خاب ظني هع
    مدري ليش انا استحي لمن اجي اكاسر ماعرف نفسي اصير راعية سوق وسوي زي ام سعيد ههههههههه
    كم اخر اخر كم الين انشف ريق البياع هع

    ReplyDelete
  6. plz visit us on our site

    http://www.goonflash.com/

    ReplyDelete