Monday, April 16, 2012

الرجيم و نتائجه

 صباحكم عسل
ادري انقطاعي دام اشهر و لاسباب خارجه عن ارادتي
الحمدلله على كل حال
من جم يوم شفت واحد من الشباب و لا اله الا الله ضعفان و نص وزنه طاير 
و قعدنا نسولف عن ضعفه المفاجئ و قالي اي ضعف تدري ياخوك انا بطيني
 اموت عالاكل بس تعبت و اسرع شي كان لي العمليه. والحمدلله الله عداني من الموت
بس ياخوك يلد زايد يسويلك ٣ جناط 
لوع جبدي الله يخس ابليسه
وقعد يقولي من المواقف الي مر فيها
مره من المرات شايل ولده الصغير رضيع 
ويقول ولا الاخ يوعان يبي يرضع  و حاط حلجه على سدري وبيرضع.
يقول السالفه و انا اضحك وهو معصب ويقول الكلب عباله انا امه لابوه لابو الرجيم الي بخليني ارضع ولدي.
لان الاخ سوى العمليه و بدون اي رياضه و ترهدل الجسم .
فما نلوم الياهل 
فيقول لكل طريقه تضعف فيها مشاكل بس اني ارضع ولدي بعد هالعمر لاااااااا
فنصيحه رجيم بدون رياضه ؟؟ تحملو النتيجه



4 comments:

  1. Anonymous12:15 PM

    الله يقطع أبليسك فطستني من الضحك :-)

    لو أنا مكان صاحبك و الله لأسير أفريقيا , هناك عندهم المتين ولد عز , بيحطونه زعيم عندهم

    ReplyDelete
  2. زعيم؟؟ مره وحده ؟؟ لا كدينا خير عيل نص الكويت زعماء وبجداره

    ReplyDelete
  3. مجهود رائع وممتاز، ولكن يمكنك كسب المال والأرباح من هذه المدونة من خلال مشاهدة افضل كورس في الربح من المدونات والإنترنت على موقع كايرو هوم بيزنس كورس العمل من المنزل والربح من الانترنت

    ReplyDelete