من فترة كنا مع العمال و مجابلينهم انا مع الوالد الله يحفظه ويطول بعمره
ولاحظته يكح طول اليوم ف قلت له يبا يلا خلصنا بمر المستوصف
و فعلا يانا شايب و يتعكز ويتحلطم انا فوق الستين سنه لازم ادش سيده؟
الوالد قاله انا فوق السبعين و ناطر دوري في ناس تعبانه مافيك شي انطر حالك حال غيرك
ورد بس هذا قانون
رد عليه الوالد انا ناطر دوري حالي حال الموجودين
قام ودش ولا ولد بو١٥ سنه قال له عمي انا انطر دش دش
يحليله ليت شبابنا يراعون كبار السن
وللاسف يعض كبار السن مايراعون الشباب
واهم شي وصل دورنا و يوم فحص الوالد قاله
ماتخفشي ياعمي والله انا حديك احسن دواواللهِ
و متوصي فينا الاخ يعني واسطه
ياحليل دكاترة مستوصفاتنا
والله مو مودينا بداهيه الا اهل الواسطه يعطونك الدوا الي ما تحتاجه
الوالده الله يرحمها ما عانت مع السرطان كثر ما عانت من
دكاترة الكويت و الاستشاريين الي حسافه فيهم هالمسمى
صج لو خليت خربت ولكن الي يعطون من قلب فعلا قليلين ويزاهم الله خير لانهم اكيد كحاربين
No comments:
Post a Comment