Tuesday, July 05, 2005

سبحان الله

سبحان الله
الله عطانا نعمه وهي الأم , اكتشفت ان كل الأمهات نفس الشي . سبحانك يا رب
بسنة 85 يوم يات حزت السفر نادتني الوالده الله يطول بعمرها جان تقولي اقعد ياوليدي ابيك بسالفه. طبعا قعدت و جابلتها جان تقولي ياوليدي انت ريال كبرت وبتسافر بروحك لاني يمك ولا احد بكون حواليك. انت ريال والريال شايل عيبه بتشوف الخايس والخنين والطيب والردي . وصيتي لك انك تذكرني و تذكر ابوك ولا تخلينا انتحسف على رباتنا لك إحنا ناس مالنا إلا سمعتنا و لاتنسا كما تدين تدان ونت واحد عندك خوات.
بصراحه عورني قلبي
راحت الأيام و تلاقيت مع شباب وانفتح هالموضوع واكتشفت ان الحجي نفسه صار مع الكل جنه وزارة التعليم العالي موزعين عليهم شريط مع كل طالب بعثه .
بس بصراحه كلامها مثل اليمره حرقها ما ينسي . صدني عن عيال بليس و حفظني والحمد لله على كل حال و صج المثل الي يقول
" ياغريب إذكر أهلك "

14 comments:

  1. الله يخلي لك الوالده يا رب
    اي والله ما تدري اشكثر قلب الام يحترق على عيالها ... و تخيل انت قطعه مو يووفها و بتساافر
    الله يعينها على هذيج الايام
    بس الحمدلله انت الحين عندها في الديره ربي يخليك لها ...
    و تشوف عيالك يا رب و حزتها راح تتذكر كل هالايام

    ReplyDelete
  2. صج الأم نعمه :))

    و الدعوه من قلب صادق مستجابه عشان جذي الله احفظك:))

    الله يحفظ شبابنا و يحفظلك امك:))

    ReplyDelete
  3. May Allah bless you mother inshallah

    ReplyDelete
  4. الله يحفظ لك الوالدة و يطول بعمرها

    انسان بسيط , حبيت اسلوبك الكويتي البسيط , اللي أحس أني أسمعه قبل لا أقراه

    WElcome to the blog world : )

    ReplyDelete
  5. حياج الله و من ذوقج يا ايفا

    ReplyDelete
  6. يا قلبي قلبها هالميمة
    شايله الهم وعيالها كبار وصغار
    Hehehehe
    الظاهر السيناريو نفسه من متطلبات القبول بالبعثه:))
    بس تدري عاد هالحجوتين حكمه وشي مو شويه,,بتدور الدنيا وبتقولها حق عيالك
    :)

    ReplyDelete
  7. اي والله ياستكانه الواحد مايحس بقيمة الوالدين لين ما اهو يصير ابو و ظوق المر الظوقناه اهالينا من قبل بمرظنا بشطانتنا بكل شيئ انسويه عبالج بس السالفه جذي ؟؟ ههه لا هم يحاتونج انتي ويا عيالج عسالله لا يخلينا منهم يارب هم توج روسنا و ملحنا

    ReplyDelete
  8. عدل كلامك
    أمين...عسى ربي ما يحرمنا منهم
    تدري عاد؟
    مرات الوالده تتصرف بطريقه وانتقدها
    واكتشف لا شعوري اني اتصرف مثلها
    !!!
    او من نظرة واحدة..فلانه مو مرتاحه لها
    وسبحان الله تصيب نظرتها
    :))

    ReplyDelete
  9. يا الله !
    سبحان الله , والله الأم جوهره لا تنكسر , مهما كانت قساوة الدنيا وعذابها , برودة قلبها الحنون تصير حاره لما يجي شوقها لفلذة كبدها ...

    اشكرك من قلبي على الموضوع الجميل :)
    تقبل تحياتو

    ReplyDelete
  10. فديت كل ام على الكرة الارضيه .....:)

    صج حتى امي تقول هالحجي لاخوي لوووووووووووووووول

    سبحـــــان الله غريزة الامومه وحده ...!

    ReplyDelete
  11. نسيت اقولك الله يخليلك امك ان شاء الله وحطها بعيونك ...:)

    ويخلي امي لي وكل امهات العالم ...:)

    ReplyDelete
  12. امين الله لا يخلينا منهم

    ReplyDelete
  13. Anonymous11:48 PM

    اللة يطول بعمر الوالدة ويخليها ذخر لك... بس اكيد انت كنت خوش ولد علشان جذى سمعت كلامها وكان يرن بأذنك بكل وقت. الام مدرسة اذا اعدتتها اعدت شعب طيب الاعراق.

    ReplyDelete