Thursday, August 04, 2005

البلوه من الله عبادة

اسبوعين من كثر الكراف المتواصل و ناطر يوم الأربعاء على نار والله مليت تدريب، فحص ، تقارير ،اجتماعات بس الويك اند لي انا .بس سبحانك يارب وقبل لا اطلع من الدوام اوخ فلان وين رايح تعال تعال بغيت اسلم عليه صديق عزيز موشايفه من مده . بس التفت علي سبحان الله انقمت قلبي من نظراته عرفت وسألته شلون عيالك .رده كان تعال وياي.

وحنى نمشي اقوله قولي رد علي . ورده كان ولدي تعبان و الله يستر راح ولدي و هذاالثاني بروح من ايدي والثالث نفس الشي لاحقهم.
ياالله هالإنسان شكثر يعاني الله ارزقه بعيال كلهم يحوشهم المرض الشين وهم صغار .الريال مؤمن بالقدر بس يقول يوم دشيت غرفة ولدي و شفت فراشه وقعدت قاله واتخيل الي راح يصير فيه و ماراح اشوفه يكبر خرت دمعتي والمشكلتي الام .شسوي؟؟ شقولها؟؟
مشى صاحبي وركبت سيارتي وتميت بالساره والله ماحسيت بالحر قاعد و صافن بروحي وافكر بهالريال وحاله شبسوي ؟ صج البلوه من الله عباده والله يصبر قلبه.على هاليهال الي سرطان ماعتقهم حتى وهم ماوصل عمر الواحد منهم سنه واحده.

5 comments:

  1. لا حول و لا قوة إلا بالله
    الله يعينه
    :'(

    ReplyDelete
  2. la tgol alsra6an ma 3atag`hom coz hathy eraddat alah
    o almoamn mobtlla
    o hatha alah ye7ebba
    ely alah yablih chethy
    alah yemsa7 3ala galbba enshalla
    thany shayghlla ya ensan .. enta kateb ur name ensan base6 bs ur word kilsh mo base66a wayd 7ezzn fehha o mo3anat
    if it realy ur life try to get the fun

    ReplyDelete
  3. الله كريم الله يصبر قليبهم. ولا يبلينا

    ReplyDelete
  4. قال تعالى: (واصبر نفســك مع الــذين يدعــون ربهم بالغـــداة والعـــشي يـــريدون وجهه ولا تعد عيناك عنهم)

    ReplyDelete
  5. سبحانك يا رب
    الله اذا احب عبد ابتلاه والله يصبر قلبه وقلييب اميمتهم
    وسبحان الله اكيد يوم شفته يطحس مع هالاطفال
    قلت الحمد الله ما عندي شي يظيج خلقي عليه

    ReplyDelete