Monday, August 29, 2005

الدار ولا الجار

في زمن زادت فيه ضغوط الحياة فانقرضت القيم الاجتماعيةشعار سكان اليوم: «الدار ولا الجار»!
تحقيق: نورة ناصر
«الجار قبل الدار»... كانت هذه هي المقولة الشائعة بين الناس في الماضي، وعلى قدر «الجار يكون ثمن الدار»، فالجار الصالح مبعث سعادة وراحة واطمئنان، ولهذا كان السابقون يبحثون عن الجار قبل بحثهم عن الدار وعن موقعها.واليوم، في عصر الماديات وثورة المعلومات، تغيرت القيم وتبدلت المعايير، وزادت ضغوط الحياة وتكرست الانعزالية الفردية وغرزت مخالبها في ارواح الجميع، لم يعد هناك من يسأل عن الجار او يهتم باخلاقه او يعرف حقوقه وواجباته، بل ربما تحولت المقولة الشائعة الى «الدار ولا الجار.
جان زين الزمن يرد والناس ترد لقيمها و عاداتها لان قليل منهم الي متمسك فيها ليلحين

8 comments:

  1. صح
    الحين الكل يدور المنطقه السنعه و البيت الحلو و السعر المناسب

    نادر ما تلقى أحد يسأل عن ييرانه

    ReplyDelete
  2. ما حسيت بقيمة الكلمه الا لما عشت ما جيران طيبين
    اذا سافر الوالد سال ابوهم
    واذا شرا لو خبزة ولا خضرة تنقصها لنا
    العلاقه بينا وايد صارت قويه
    اقرب من الاهل واكثر من الاخوان

    الجيران نعمة ومرات يكون حظ:)
    خوش مووضوع يعطيك العافيه انته ونورة:)

    ReplyDelete
  3. كيو ايت ليو
    حياج الله يا كيو ايت ليو والله جان زين الجيران الحين نفس قبل بس الله كريم النفوس تغيرت والواحدللاسف يقول يالله نفسي

    استكانه
    الله يهنيكم يا استكانه بجيرانكم والله لايغيير عليكم احنا ييرانا عوير و زوير والمنكسر مافيه خير

    ReplyDelete
  4. الحين الناس ماتسأل عن اهلها تبيهم يسألون عن جيرانهم ؟

    احنا عندنا جيران الله لا يوريكم اياهم -مانبي نعقر عليهم - لول

    خوش موضوع

    ReplyDelete
  5. مشكوره يا بحرينيه

    ReplyDelete
  6. موضوع وايد حلو

    الدار ثم الدار ثم الدار وما عليك من الجار

    هذا حالنا اليوم

    بالنسبة لنا .. جيرانا نتبادل معاهم حتى سلندرات الغاز .. قوية صح:)

    الله يديمها علينا و عليكم

    أرق تحية

    ReplyDelete
  7. موضوع حلو تذكير احلى...:)

    بالنسبة لي فجيرانا من احسن ما يمكن وبصراااحه صج ما نلقى في هالزمن جيران جذي لدرجه ان مره فكرنا نغير بيتنا وعرضنا الموضوع على الوالد وكان كلامه الاول والاخير .....( واترك هالجيران الطيبين والسنعين ...وين القى مثلهم...؟؟!!) صاااااااااج الوالد... الحمد لله

    مشكووور اخوي :)

    ReplyDelete
  8. حياكم الله كويتي رحال و كويتيه والله اهانيكم بجيرانكم و يرزقنا بجيران مثلهم

    ReplyDelete