Saturday, May 19, 2007

محمد

طول عمري و من صغري ما عرفت الا صديق واحد بس حمود و 24 ساعه مع بعض
يا محمد امش خل نلعب بالسكيت رول
يا محمد امش ورانا امتحانات
يا محمد يالله نروح الجمعيه
يا محمد شرايك نروح بالقواري و افكار و مقالب و شطانه طفولتي كلها كانت مع محمد .
ياما انزفينا بس مانطقينا ههههه مدللين اهو اصغر الاولاد وانا وحيد امي و ابوي كبرنا و زادت الشطانه . لين اعمارنا تقريبا 18 سنه تفرقنا لظروف الدراسه اها راح ماليزيا وانا امريكا بس تمينا على اتصال .
بعد سنه واحده تلاقينا بالكويت .
والله العطيم اني ما عرفت محمد من وزنه 155 كيلو لين واحد وزنه 75 كيلو .
شلون ؟؟؟؟
شمسوي؟؟؟
حمود يالمينون انت صاحي ؟؟؟
والله سفرتي و طروفي صعبه تعبت و نزل وزني بثلاث شهور
شنو ثلاث شهور؟؟؟
اي كرهت الوزن الزايد و المتن و الاكل
محمد حرام عليك مو جذي الله عطانا عقل
ايي ادري الحمدلله
النظر صار ضعيف
الشعر حت
اليلد يتمقط
و تم فتره طويله على ما رد جسمه طبيعي
و بس من وقتها و لمدة 10 سنوات تكسر بالدم و مشاكل صحيه كان زبون دائم لأحد المستشفيات
طبيعه محمد يموت على السفر اخر سفره و كانت استراليا مع انه مريض و يتعب محد كان يدري عن مرضه
الكل يشوف ابتسامته و طيبته و غشمرته و سبحانك يارب اكتشفت انه الي بالسفره معاه ناس عرفتهم بعد فتره و يذكرون محمد عدل.
المهم اشتغل و ماكان ناقصه غير الزواج
رفض حتى الزواج خوف من مرضه يأذي بنت الناس
تملل و الا يبي حل.
راجع و راسل احسن المستشفيات بالعالم وكان ردهم مثل ما ياك يروح عنك .
المهم تغيرو الربع و ربعه صارو ربعي و ربعي صارو ربعه وناسه لعب طلعات
سفر والحمد لله ايام ماتنسي .
لين يوم من الايام صار موقف بايخ و تافه بس صديق عمري زعل علي و اخذ بخاطره و فتره بسيطه راح الحج و بعدها قرر انه يسافر للعلاج .
سافر محمد وليته ما سافر سنه كامله علاجه
عمليتين زراعه النخاع و ادويه و كيماوي
وما كنت ادري ان التكسر بالدم تحول الي لوكيميا
كنت اتصل و اسأل عنه و اكلمه بس احس انه مانسى الموقف الي صار
اوكي والحمد لله ان العمليه انجحت و محمد راد الاسبوع الياي
انشاءلله بس يرجع وانشالله يرضى
وييني اتصال محمد تعبان و شفيه؟؟؟
الكلى تعبانه
الكبد مو قاعد يشتغل
الرئه فيها التهاب
والحاله صعبه
اوكي اتصال ثاني
الرئه اوكي
الكبد و الكلى شغالين
محمد حاشته سكته قلبيه
مالحقو عليه
عمري ما حزنت لا زعلت مثل يوم الاثنين 19/6/2000
يوم وفاة محمد
كان صديق عمري
كان اخوي
وبالصج اهو خالي محمد الي كنا مثل الاخوان و اصدقاء مو بس ولد اخت و خاله
راح وماخذ بخاطره .
الي يذبح ان الله اخذ امانته وهو زعلان
الله يرحمك يامحمد



13 comments:

  1. الله يرحمه كان إنسان طيب وحنون ويساعد الكل وما يضايق أحد
    I remember on our last day in Australia when he told me
    "انشوفج بالكويت إن شالله"
    with a smile I can never forget!
    but then in Kuwait I heard the bad news :'(

    فكرة إن أهو كان زعلان منك شيلها من راسك
    لأن أكيد نسى السالفة على طول وسامحك
    أهو جدامي سامح واحد يبي يبوق جنطته شلون ما يسامحك وانته أقرب شخص له
    الله يرحمه ويغفر له

    ReplyDelete
  2. الله يرحمه ويرزقه الجنه
    ان شاء الله

    ReplyDelete
  3. قصه عووووورت قلبي الصرااحه


    الله يرحمه و يغمد روحه الجنه آمين و يرحم جميع موتانا و موتي المسلين

    صج الدنيا ما تسوي الزعل !!ا
    الله يكون في عونك نعم آنا مع الاخ انسي فكرة انه زعلان منك يمكن لما كان يكلمك صوته فيه تعب المرض و العلاج مو الزعل .. علشان ترتاح نفسيا اكثر من الدعاء الله
    او تبرع له بعمل جاري صالح يفيده الحين

    ولا حول ولا قوة الا بالله ..

    ReplyDelete
  4. يبين من الاحلام ...اذا تحلم فيه انه راضي ان شا الله يكون راضي واذا تحلم فيه انه مو راضي سوله شي ينفعه في اخرته لأن بهالوقت مو معتاز الا دعائك و العمل الصالح ..واعتقد ان الربع ممكن يتازعلون او يظلون زعلانين لكن الخال وولد اخوه صعبه الخال والد حتى لو كان رفيجك ...

    ReplyDelete
  5. الله يرحمه

    موعادتي اقرا
    post
    طويل
    بس شدتني القصه

    ماتوقع كان زعلان

    انت فهمت

    ان كان ماحذ بخاطره

    بس اتوقع

    انه
    كان يكلمك جذي من شدة المرض والتعب

    وانت فهمت تنه زعلان

    ........

    ترا الحين في قبره يحس فيك
    واكيد مسامحك
    بس لاتنساه بالدعاء
    والصدقه
    تكون نيتك انك توصله الاجر
    وراح يوصل الاجر
    وبيدري انه منك
    :)

    ReplyDelete
  6. Anonymous1:26 AM

    رحمة الله عليه وانشالله ربي يسكنه

    فسيح جناته..

    ReplyDelete
  7. القصة تحزن
    بس ابي اقول لك شي
    ترى الأرواح الطيبة تضل على تواصل مع الناس اللي تحبها
    طلع له صدقة
    اقرا له الفاتحة كل يوم
    زور قبره واقرا له ياسين وسورة الملك
    كله يوصل له
    وابسط شي ترحم عليه
    الموت مو اهو النهاية بالعكس اهو البداية

    ReplyDelete
  8. الله يرحمه ويغفر له ان شاء الله...:)

    هونها واهي تهون وقول الحمد لله ...واكيد اهوا ماكان شايل عليك...:)

    ReplyDelete
  9. الله يرحمه ويغمد روحه الجنه

    ReplyDelete
  10. مشكورين ياجماعه الخير

    ReplyDelete
  11. الله يرحمه و يجمعك و إياه إخواناً على سرر متقابلين

    ReplyDelete
  12. الله يرحمه وااي عورت قلبي
    استغفرالله مادري متى يلقون حل حق هالمرض
    الله يعينك و انشاله مايكون زعلان منك و شايل عليك يا رب
    :)

    ReplyDelete
  13. Anonymous10:55 PM

    عشان شذيييييييييييية نتحسف لان مانحس بقيمة الشى الا اذا فقدناة

    ReplyDelete