Tuesday, March 03, 2009

من قالك يا مقرود

اصبحنا و اصبح الملك لله
ونرد لسالفة من سوالف المقرود باشا المقرود افندي
يا اخي انت وين والاكل الصحي وين
الله يسلمكم مستعيل الشايب المقرود و راح الدوام بدون لا يتريق
امراد من فيير الله بالدوام شكو لا كرت ولا توقيع ولا عمات عين
الاخ يداوم قبل لا تقعد الزرازير " الزرزور " نوع من الطيور المحليه
المهم طقه اليوع و روح الجمعيه واشترلك بسكوت بو سعرات حراريه منخفضه
خير ان شاء الله
وقوم و بحلق عيونك جنك حظي الدايخ واخذ علبه البسكوت
ويوم وصل الدوام و عزم ياكل البسكوت اول بسكوته اكلها طاف
ماستوعب الطعم . همممم لا لا في شي غلط
طعمها طاف مرحلة انه يلوع الجبد
لا صج مو غشمره والله يلوع الجبد
صج المقرود مقرود
انزين يوم انك عزمت تاكل البسكوت اي اقرى الي مكتوب عليه
اي طالع الصوره
قلعه اكو واحد ياكل بسكوت بنكهة الطماط؟؟؟؟
الله يزيد النعمه لو ماكل شوية رمل ابرك لك جود فيه املاح و معادن 
لحد يجرب بسكوت بالطماط  نفس الي يبي يتعنفق و بياكل كيكه فراوله بالثوم هههه
والله بس عشان تعرفون اللوعه الي انا حاس فيها
وسلامتكم 

11 comments:

  1. صباح البسكوت
    :pP~
    عاد طماط
    استغفر الله الله يزيد النعمه
    !!
    يالله الحياة تجارب
    :)

    ReplyDelete
  2. يصبحك بالخير والكرامه

    لو شاريلك نخي وباجيلا وايد ابرك من بكسوت بالطمام

    ReplyDelete
  3. يااااااع استغفرالله!


    لا ماراح نجازف وناكل بسكوت بالطماط :p

    ReplyDelete
  4. Anonymous5:03 PM

    ee eshfehaa ! baskot bel tomat 3ady , mo shay ghareeb !!!!
    :p

    ReplyDelete
  5. LOL!
    بطاط على كتشب نعرفه
    بس بسكوت على طماط؟؟؟
    hehhe :)

    ReplyDelete
  6. esTeKaNa

    بييييه من وين طالعه؟؟ ولكم باك
    والله استكانه اتغصب بهالبسكوت
    باكله باكله
    بس بعد جم بسكوته يموت الاحساس بالطعم لا وازيدج من الشعر بيت اكو كيكة طماط الله يلوع جبودهم

    ReplyDelete
  7. Dont worry,, Be happy

    ياساتر نخي و باجله؟؟؟ بالدوام لا بالله رحنا فيها الله يهداج مو ناقص الا اش و خبز ايراني وعلووووووم
    اانا بتطبق المثل الي يقول خلك على مينونيك لا ييك الي اين منه
    ال ايه خخي و بائله
    بتذبحيني هههههه جرام عليج
    اي والله تجارب

    ReplyDelete
  8. ReLaaaX
    اي والله استغفرالله
    لا خلج على البسكوت العادي

    ReplyDelete
  9. Anonymous said...
    ee eshfehaa ! baskot bel tomat 3ady , mo shay ghareeb


    ؟؟؟؟
    من صجكم
    لا كيكة رقي بالبصل هين مو شي غريب

    ReplyDelete
  10. Ra-1
    شفتي شلون ليلحين من اشوف العلبه تلوع جبدي وا شبع
    وامس قالولي اني ضعفان كله من بسكوت بالطماط ضعفني
    وعاش من شافج

    ReplyDelete
  11. عادي عادي صارت فيني بس ىنا عاد تعنفقت وشربت عصير طماط وويهي قلب ألوان ماقدر أطلعه ولا أشربه لأني كنت بالدوام والله يسامح اللي قال لي عصير الطمام حلو سعراته شوي .. يعني خوش للدايت ويحمر لخدود .. حزتها عرفت شنو قصدها بيحمر لخدود ( من لوعة الجبد ويهي احتقن وخدودي حمرت )

    بس لوجه الله لحد يجربه .. الله يديم النعمة معجون

    ReplyDelete