Tuesday, March 17, 2009

مادري شفيني اليوم

من فيكم بقق عيونه وشاف الي احنا فيه؟

بذمتكم ما تنقهرون؟  من سنين و انا اروح البر والبحر حست بكل مكان بديرتنا الحبيبه.

من شمالها لي جنوبها  وللاسف وين ما اروح يلفت انتباهي شي وكنت اطنشه لا يمكن اكون غلطان

 واغير مكاني هم نفس الشي وين ما التفت اشوف جدامي عزكم الله زباله 

بر؟؟؟؟ 

بحر؟؟؟؟

وين ما اروح؟ 

زباله 

ان يينا حق اهل المخيمات يهدون كل بلاويهم و زبالتهم وراهم




البر متروس جياس نايلون و بقايا معلبات و تواير وبطول اهي بطول بيبسي على سفن آب و على بطول الزحير

 الي يدردعون منها عيال ابليس.

غير البورسلان و الحمامات و صبات الاسمنت 

على قولت الشاعر احمد بدير " حمامكم بحري الواحد بيقعد والهوى بيطس بقفاه" والله صدقت يا احمد



خلصنا من البر نيي نشوف البحر و ما ادراك ما البحر

يشكي نفوق و مد احمر و و و و

من فيكم راح بحر شويخ على سبيل المثال؟

شميتو الريحه؟؟؟

وين هواء منعش الا هواء سشمه ماني قايل

خيسه و وصاخه ؟ وين حمايه البيئه ؟

why?

ونختمها بداخل الديره

بذمتكم  لما تمشون بالشارع تلتفتون ولا واحد مبطل دريشته و يقط الوصخ بالشارع

ما تنقهر و لما توقف عند الاشاره تلقي باب السياره الي جدامك او الي يمك تبطل 

و صماخ طلع منها عشان **** عالارض؟

بذمتكم والله شي يحر ساعات ودي اتله من اذانه وفرك رمته بالمكان الي وصخه

انا اقول النظافه تدل على الادمي من وين طالع 

اذا اهو نظيف في بيتهم يبين عليه واليطالع من الياخور الي عايش فيه؟ يقط الوصخ باي مكان فماله داعي اني اقول شي ثاني

لو كل واحد فينا شال شي و حاول يعدل  و ينظف ؟

صدقوني ديرتنا بتنظف من الزباله سواء مخلفات او بشر

وسلامتكم مادري شفيني مشتط اليوم

 


4 comments:

  1. شي طبيعي تكون مشتط اليوم لانه عيد ميلادي



    شخبارك دكتور؟

    ReplyDelete
  2. هالحركة بالذات تذبحني
    بعرف شنو الحكمة أنا الواحد يطلع بوزه من السيارة و**** على قولتك ؟؟!! يعني ماكو كلينكس يالطيب؟ راعي مشاعر غيرك؟ لا وبعدين يلحس شفايفه جنه يبلع الباجي وييع حاشتني ارتيكاريا .. الشي الثاني قاعدين يكلفون المدارس بقيم اسبوعية عن اي حدث او اي قيمة
    هالاسبوع كانت القيمة في معظم المدارس عن الاحتباس الحراري
    تناولو في نشاطاتهم كل شي ماعدا هالشغله .. يعني الحين النفايات هاللي تنقط في كل مكان؟ وماتتحلل الا بعد 80 او 200 سنه شراح ينتج ؟ أضرار الله العالم فيها مو قادرين نستوعبها .. الفئة المستهدفة اهي اليهال .. لأنهم باجر بيكبرون .. لكن مو قاعدين يوصلون لهم القيمة بالطريقة اللي تخدم الديرة ... يعني اليهال شعرفهم بثقب الاوزون وهالسوالف؟ علموهم ما يقطون شي بالقاع ولي شافو شي طايح يشيلونه

    ليش التحضر وقمة الرقي نلاقيه بره .. والكويتي فيه خير يقط شي من السيارة ولا **** يصكونه ذيج المخالفة اللي تخليه يرد ديرته بالع العافيه ...


    واحنا صغار كانو يحطون لنا في افتح ياسمسم اغنية كشخه ( كشكشكشكش كشخه .. عشرة على عشرة
    ليش ترمي مناديل الورق .. وتخلي ديرتنا الحلوة وصخه

    وكان يأثر

    الحين لو نعطي الواحد على فقاه ونقول شي ماهو مفتهم

    حجي حجي بقلبي من هالسالفه لو اقرق ماني مخلصة

    ReplyDelete
  3. lawyer
    حياج الله اختي لوير
    و الفال تحتفلين بعيد ميلادج الالف

    ReplyDelete
  4. الوتيــــــــــن

    ياساتر
    طلعو في ناس منبطه جبودهم اكثر مني
    ناخذهم نقطه نقطه
    اول نقط لوعه
    نيي حق الكويتي وشلون محترم بره الكويت
    لان ماكو عضو ولا اكو انا ولد فلان ولا الواسطات
    ولا في على قولت اخواننا المصريين مافيش الحركات الأرعه الي بيعملوها
    بره الكويت ان غلط الواحد ينطق على عينه
    فيخافون البريستيج الزائف مالهم يخترب
    اللع يعينا

    ReplyDelete