بداية اخر يوم بالاسبوع و مستانس دوام وبروح البر
و ياني اتصال من رقم غريب
الو لو سمحت عندك كرين وبجم سعره؟؟؟
خير؟؟؟
الكرين
لا يبه غلطان
و ١٠ دقايق ولا رقم ثاني ماعرفه
الوعندك كرين
يبا انا ماني مقاول
وبعدها اتصال ثالث وحده الي تتكلم
الو الكرين بجم؟؟؟
مره و طالبه كرين ؟؟؟؟
اي كرين؟
لا اخوي كريييييييم كرييييييم شد الصدر
نعم؟؟ وانا مبقق عيوني شنو
اقولك كريم شد الصدر و كريم الترهلات
اختي غلطانه
مو الرقم ********؟
اي بس غلطانه اختي
شالسالفه
ردو على الحنه المبيضه و مادري شنو
و هلت الاتصالات و ياساتر
وكلهم من هالسوالف و لين ياني اتصال من رقم نفس رقمي اخوي عندك كريمات
ولين اخوي الله يسامح الي حاط رقمي
اخوي انا صاحب الاعلان
نعم
اي انا لو سمحت اذا احد اتصل عطهم الرقم الصحيح؟؟
صج مادري شقول
يبيني اصير سكرتير
هين
والي يحر اقوله مو خايف تستاثم بهالاوادم؟؟؟
ورد علي انا صاحب شركه و صارلي ١٢ سنه على هالحال
وقلتله مثل مادري ماستوعبه معنه ما ينقال
وياجماعه اكتشفت ان الحريم ممكن يوصلون الا مرحله صعبه
الي متصله تبي كريم الترهلات
والثانيه الي خليت رفيجي يرد عليها تسال عن خيمة السونا و رد عليها عندنا الصباحيه والنمران ينفعون؟؟؟
الصباحيه والنمران انواع خيام للبر
والي تبي كريم التخسيس
والشد الاندنوسي والي تبي علج القطو للطاقه مادري جاقوار
وعلى هالحال يومين بس الي بدعت
الي اتصلت تبي نقطة العذراء الفرنسيه
والله مادري اهي وقاحه و لا يأس ؟؟؟
٩٥٪ حريم والباجي رياييل صعايده و ايرانيين
بدو و حظر
حز بخاطري ان وصلو لي هالمرحله
والله نصحتهم بدون استثناء
اغلبهم تصروعو بس يوم سالت عن تعرفون شتسوي هالسوالف؟
راجعو الدكاتره احسن لكم
الي قالت يزاك الله خير والي ردت شنسوي خل الوحده تشوف نفسها
والله انصدمت من الرد
والي تقول والله مو لي و صوتها تتكلم وبحلجها صمونتين بطاط و بيديان
كان ودي اقولها صكي حلج البقره و تضعف
وشويت رياضه والتسنع
وين وصلو الاوادم؟
غباء؟؟ ضعف نفس؟
ولا ضعف دين؟؟ مايحمدون ربهم على الصحه؟
بس صج ماقدر اقول غير رزق القطاوه عالخاملات
ويالله حسن الخاتمه
اي والله رزق القطاوة, إعلانات متروووسة عن هالشغلات وأقول من هالمساكين اللي بياكلونها معقولة عقول آدمية تصدق هالجذب
ReplyDelete.
.
واللي حط رقمك لازم يعطيك تعويض :)
بدل إزعاج
عين قويه يبيني اعطيهم رقمه
ReplyDeleteناس ناس ناقصه عقل و دين
law sama7t , abi cream ewakher masafe6 el karsha plz :ppppp
ReplyDeleteلما اشوف الجرايد الصغيرة
ReplyDeleteانصدم من كمية الإعلانات اللي جذي
عندي قناعة إنها كلها كلام مبالغ فيه
والله يعينك على المكالمات المزعجة
:)
Anonymous
ReplyDeleteناسف لعدم وجود كريم لمصافط الكرشه و ننصحكم بمراجعة اقرب مصبغه للكوي عالناشف او نداف ايراني
حياتي هدف مو عبث
ReplyDeleteاتصلت و زفيتهم و ماقصرت بس صج اوادم فاضيه
اعتقد انهم كانو داقين على واحد قبلك وشارين منه غسول للمخ
ReplyDeleteواذا على التلفونات والجرايد صار شي قديم
الحين حتى بالمنتديات واستراحات البنات بالجامعة في تجار
كبرياء انثى
ReplyDeleteالعاين الله الناس فاضيه و ماعندها شغل
والخيول وايد و ضعاف الانفس اكثر
هههههههههههه
ReplyDeleteمسكيين !!!!
عاد جامن مشيت معاهم على الخط
ههههههههه
smile
ReplyDeleteالله يسامحهم يننوني اقول لهم الرقم غلط يبوني اعطيهم الرقم و بعدين يدقون بوقت صج متاخر
انا مو باطين جبدي مصدقين هالسوالف
انا اخصائيه تغذيه
ReplyDeleteلو بس تييني العياده بتسمع هوايل عن الاشياء اللي جربوها الناس
الناس من صج ما يدرون شنو يسون بعمرهم كله بكوم و رجيم الموز و الخيار بكوم
هذا كله بسبب الاعلام اللي حطلنا مقاييس للجمال اذا بقصت منها و او زدت عليها صرت انسان لا يتحق الحياه
الله يديم العقل زينه
و زيد ثقافه الجهله
وربي موتّني ضحك
ReplyDeleteعيل يبيله افتح لي محل حق هالسوالف
اكيد بربح بسررررعة
لووووول
انحش.. كل شي ولا هالبربس..!!
Anonymous
ReplyDeleteاخصائيه تغذيه؟؟؟؟؟ همممم الله يعينج ريجيم الموز؟؟ شنو شواذي ؟
رجيم الخيار؟؟؟ ههههه الله يعينج
ضوء المطر
ReplyDeleteاي والله ناس خبول و ناقصه عقل
كل شي يجربونه