Saturday, April 11, 2009

رزق القطاوه

بداية اخر يوم بالاسبوع و مستانس دوام وبروح البر
و ياني اتصال من رقم غريب
الو لو سمحت عندك كرين وبجم سعره؟؟؟
خير؟؟؟
الكرين
لا يبه غلطان
و ١٠ دقايق ولا رقم ثاني ماعرفه
الوعندك كرين
يبا انا ماني مقاول
وبعدها اتصال ثالث وحده الي تتكلم
الو الكرين بجم؟؟؟
مره و طالبه كرين ؟؟؟؟
اي كرين؟
لا اخوي كريييييييم كرييييييم شد الصدر
نعم؟؟ وانا مبقق عيوني شنو
اقولك كريم شد الصدر و كريم الترهلات
اختي غلطانه
مو الرقم ********؟
اي بس غلطانه اختي
شالسالفه
ردو على الحنه المبيضه و مادري شنو
و هلت الاتصالات و ياساتر
وكلهم من هالسوالف و لين ياني اتصال من رقم نفس رقمي اخوي عندك كريمات
ولين اخوي الله يسامح الي حاط رقمي
اخوي انا صاحب الاعلان
نعم
اي انا لو سمحت اذا احد اتصل عطهم الرقم الصحيح؟؟
صج مادري شقول
يبيني اصير سكرتير
هين
والي يحر اقوله مو خايف تستاثم بهالاوادم؟؟؟
ورد علي انا صاحب شركه و صارلي ١٢ سنه على هالحال
وقلتله مثل مادري ماستوعبه معنه ما ينقال
وياجماعه اكتشفت ان الحريم ممكن يوصلون الا مرحله صعبه
الي متصله تبي كريم الترهلات
والثانيه الي خليت رفيجي يرد عليها تسال عن خيمة السونا و رد عليها عندنا الصباحيه والنمران ينفعون؟؟؟
الصباحيه والنمران انواع خيام للبر
والي تبي كريم التخسيس
والشد الاندنوسي والي تبي علج القطو للطاقه مادري جاقوار
وعلى هالحال يومين بس الي بدعت
الي اتصلت تبي نقطة العذراء الفرنسيه
والله مادري اهي وقاحه و لا يأس ؟؟؟
٩٥٪ حريم والباجي رياييل صعايده و ايرانيين
بدو و حظر
حز بخاطري ان وصلو لي هالمرحله
والله نصحتهم بدون استثناء
اغلبهم تصروعو بس يوم سالت عن تعرفون شتسوي هالسوالف؟
راجعو الدكاتره احسن لكم
الي قالت يزاك الله خير والي ردت شنسوي خل الوحده تشوف نفسها
والله انصدمت من الرد
والي تقول والله مو لي و صوتها تتكلم وبحلجها صمونتين بطاط و بيديان
كان ودي اقولها صكي حلج البقره و تضعف
وشويت رياضه والتسنع
وين وصلو الاوادم؟
غباء؟؟ ضعف نفس؟
ولا ضعف دين؟؟ مايحمدون ربهم على الصحه؟
بس صج ماقدر اقول غير رزق القطاوه عالخاملات
ويالله حسن الخاتمه


14 comments:

  1. اي والله رزق القطاوة, إعلانات متروووسة عن هالشغلات وأقول من هالمساكين اللي بياكلونها معقولة عقول آدمية تصدق هالجذب
    .
    .
    واللي حط رقمك لازم يعطيك تعويض :)
    بدل إزعاج

    ReplyDelete
  2. عين قويه يبيني اعطيهم رقمه
    ناس ناس ناقصه عقل و دين

    ReplyDelete
  3. Anonymous11:50 AM

    law sama7t , abi cream ewakher masafe6 el karsha plz :ppppp

    ReplyDelete
  4. لما اشوف الجرايد الصغيرة
    انصدم من كمية الإعلانات اللي جذي
    عندي قناعة إنها كلها كلام مبالغ فيه

    والله يعينك على المكالمات المزعجة
    :)

    ReplyDelete
  5. Anonymous
    ناسف لعدم وجود كريم لمصافط الكرشه و ننصحكم بمراجعة اقرب مصبغه للكوي عالناشف او نداف ايراني

    ReplyDelete
  6. حياتي هدف مو عبث
    اتصلت و زفيتهم و ماقصرت بس صج اوادم فاضيه

    ReplyDelete
  7. اعتقد انهم كانو داقين على واحد قبلك وشارين منه غسول للمخ

    واذا على التلفونات والجرايد صار شي قديم
    الحين حتى بالمنتديات واستراحات البنات بالجامعة في تجار

    ReplyDelete
  8. كبرياء انثى

    العاين الله الناس فاضيه و ماعندها شغل
    والخيول وايد و ضعاف الانفس اكثر

    ReplyDelete
  9. هههههههههههه
    مسكيين !!!!
    عاد جامن مشيت معاهم على الخط
    ههههههههه

    ReplyDelete
  10. smile
    الله يسامحهم يننوني اقول لهم الرقم غلط يبوني اعطيهم الرقم و بعدين يدقون بوقت صج متاخر
    انا مو باطين جبدي مصدقين هالسوالف

    ReplyDelete
  11. Anonymous1:49 AM

    انا اخصائيه تغذيه

    لو بس تييني العياده بتسمع هوايل عن الاشياء اللي جربوها الناس

    الناس من صج ما يدرون شنو يسون بعمرهم كله بكوم و رجيم الموز و الخيار بكوم
    هذا كله بسبب الاعلام اللي حطلنا مقاييس للجمال اذا بقصت منها و او زدت عليها صرت انسان لا يتحق الحياه

    الله يديم العقل زينه
    و زيد ثقافه الجهله

    ReplyDelete
  12. وربي موتّني ضحك
    عيل يبيله افتح لي محل حق هالسوالف
    اكيد بربح بسررررعة

    لووووول
    انحش.. كل شي ولا هالبربس..!!

    ReplyDelete
  13. Anonymous
    اخصائيه تغذيه؟؟؟؟؟ همممم الله يعينج ريجيم الموز؟؟ شنو شواذي ؟
    رجيم الخيار؟؟؟ ههههه الله يعينج

    ReplyDelete
  14. ضوء المطر
    اي والله ناس خبول و ناقصه عقل
    كل شي يجربونه

    ReplyDelete