رحله سريعه

كالعاده رحله سريعه كلها ضحك ومقالب و عوار قلب والحمدلله

من اكثر من ثلاث سنين وحنا بين الكويت و باريس تقريبا كل ثلاث شهور

الجماعه بالفندق صارو ربعنا

تمر علينا اشكال وارناق من البشر

نبدي السالفه واحنا بالطياره اخخخخ كالعاده الكويتيه متروسه هنود

المهم بس هالمره اجانب رايحين جينيف

اهم شي تحلطم الوالد على كراسي الطياره

وغير طبعا الوالده قعدت جدامها عيوز هنديه و يم الهنديه فرنسي

المهم يابو الغدا و العيوز لفت اول ماعون

الظاهر عجبها الدياي بالكاري

و يابولها الماعون الثاني والثالث لا لفت اربع مواعين

الفرنسي مخترع خايف لا تاكله

شوي والا الوالده افففففففففففف الله ياخذج

لا شوي الفرنسي قام يناقز

وابوي ميت من الضحك عليهم

الوالده يمعت كالمخاد وشوي والا المضيف ياي شو شو شو في

امي تقوله اكلت العيوز هالكاري وتقولي شو في ؟؟؟ صارت مثل باص المواصلات

حشرتنا

يييييب اي شي

ياوليدي انا بروحي مريضه و سرطان بالرئه و هذي بتذبحني

طبعا المضيف قعد يبجي من المنظر امي والمخاد الي ساده كل فجه بالكرسي الي قبالها

اااااااه يا بطني والله مت من الضحك والوالد شمات يقولها الكرسي الورانا فاضي

ههههههه ٣ هنود صارلهم سنتين مو حايشهم الماي

مسكينه خلصت الكلونيا عليها و ماكو فايده

المهم وصلنا بالسلامه و رد الروتين الدايخ من

المستشفى الى الفندق و من الفندق لين المستشفى

وطبعا لازم يمرون على الملحق الصحي يسلمون على ربعهم

يعني لا لكم شغل بالسفاره ولا العلاج بالخارج شتبون فيهم مادري

المهم بس بصراحه الله يعينهم على الاوادم الي يروحون هناك

والحمدلله موعدنا الياي شهر ٨ باذن الله

وان شاء الله البوست يالياي عن الاوادم الي شفتها

الي يعالجون بره الكويت و على الصحه

وسلامتكم