Friday, May 22, 2009

العلاج بالخارج

من حوالي ٤ سنوات بداية رحلة علاج الوالده والله شفنا العجب من دكاتره الي كلهم انسانيه

مو القصاصييب الي عندنا رعايه ومتابعه المهم فترة العلاج اول مره على حساب الحكومه الله يعزها ما قصرت

كنت اروح السفاره واشوف العجب ناس و اشكال الي يحوس على متابعه علاج امه

والي مع بنته والي مع ابوه و اخته فعلا ناس محتاجه

بس شفت اشكال غريبه و عجيبه يسولفون بقاعة الانتظار عن وين يبون يروحون

الجماعه طلعو مرافقين للمرضى يستلمو المخصصات و سيده يسافرون

يعني المريض بروحه غير الي يستلمون المخصصات و سيده السوق

عموما منصدم تعرفت على كويتي والله ولد حلال واحنا نسولف جان ايون كويتيين وقعدو معنا

واحد منهم اعرفه اقوله ها شعندك؟؟؟

يقول والله عمليه

سلامات عسى ماشرلا عمليه براسي و غير الموضوع

ويانا واحد ثاني السلام عليكم ومن هالحجي والله عمليه بايدي

المهم مشو و تم الي تعرفت عليه يغلي و منقهرسالته فلان شفيك؟؟؟

رد علي شفت هالخمه

اوخ هدي شفيك؟؟

شفت الي يقولك عمليه براسه؟؟ يامال راسه البط

لحميه مضمد بالكويت بسويها له بس ياي يستانس

والله مستغرب اشوفه غير السالفه و عمليه براسه ههه

والثاني يقول عمليه بايده؟؟ و معاه مرافقين اثنين ؟؟؟؟ دمل بصعه يا مال صبعه القص

وقت الانتخابات والناس مسافره سياحه

والي صج بعازة العلاج بالخارج يموتون بالكويت

ربعي واحد صارله ٦ شهور والثاني سنه الله يكون بعونهم

فقصص الي بفرنسا عندهم

لااااااا نسيت اقول سالفه وحده بالسفاره هذي الي مبدعه

تتوقعون ليش يايه فرنسا؟؟؟؟؟؟

الاخت اباطها اسود تبي تفتحه

اااااااااااه يا قلبي القلق والجلخ الي باني عليها يابنت الذينه

ليفه خشنه و صابونة رقي و يومين و يلق

فلا تلوموني على الحره واهديكم هالفديو الكليب للاخت ام اباط

14 comments:

  1. نا الحين مسافره علاج بالخارج مع الأهل

    واتفق معاك

    احوي يقولي وحده من الاجهزة شالوها ني بس لان معندها واسطة حق التمديد

    وفي ناس من صج محتاجة

    ReplyDelete
  2. ويقولون الحكومة والحكومة
    زين تتبع الحالات وينها

    الله يشفي المرضى الحقيقيين

    ReplyDelete
  3. ما تشوف شر الوالدة

    هذول ناس تافهه وياكثرهم
    :)

    ReplyDelete
  4. الله يشافيها ويعافيها يارب


    تموت من القهر اذا سافرت وشفت هل الناس وانت تدري ان في ناس قاعده تطق بالطوف وناس تموت واهيا مو قادرة تطلع من الديرة


    بس وينهم من عذا ب الله وينهم من عذاب الله !


    تصدق رحت الجيك وشفنا الهوايل عوايل عشرين نفر وعلى حساب الحكومة !

    ورحنا فرنسا نا منقع بالشنزلزية

    واهيا منقعه بالفور سيزن !


    حسبي الله على ناس بدون ذمه جذية

    ReplyDelete
  5. Anonymous1:25 PM

    ندعوكم لحضور مسرحية "فريج بني نايم" والتي ستعرض على مدى يومين يوم السبت والأحد 23-24/5 في تمام الساعة السابعة والربع على مسرح جامعة الخليج-مشرف..
    مسرحية شبابية هادفة مقدمة من فريق وصال الإعلامي بالتعاون مع فريق شبابي مميز..
    فكرة المسرحية: مسرحية كوميدية إجتماعية و إنسانية تعكس حياة فريج كويتي مميز و تدور الاحداث في يوم واحد بانتظار شروق الشمس..
    حياكم الله ..
    لمزيد من الإستفسار : wesal.media@live.com

    ReplyDelete
  6. هههههههههههههههههه
    ويييع الله يخس ابليسها اللي بتسوي اباطها
    شبه شهرين يرد طبيعي ربع دينار بي
    !!!!!

    ReplyDelete
  7. 4
    خليها على الله انا بالنسبه لي ؟ مالوم المكتب الصحي على السوالف الي اشوفها

    ReplyDelete
  8. جنون إحساس
    اختي جنون الحكومه راضيه لان في اعضاء مجلس الامه لهم الضوء الاخضر بمعاملات العلاج بالخارج
    و انا شايف مندوب واحد منهم جدامي قال انا مندوب فلان الفلاني والله العظيم اذا ٧٠ ملف شوي و شوفي كل ملف شفيه

    ReplyDelete
  9. حياتي هدف مو عبث
    الشر ماييج
    ابشرج امس شايفين ثلاث خوات يايين سياحه على حساب الصحه

    ReplyDelete
  10. مركبنا
    عتدي مو المكتب الصحي وينه ؟؟؟؟؟/ ماكو يستلمون المخصصات و ينزلون السبنما اول شي و بعدين يعبرون الشارع ههههههه
    على الله واللهموجودين اهني بالاشهر في مرضى محتاجه بس الي يايين لعب اكثر ومو منهم من الي بالديره

    ReplyDelete
  11. Anonymous
    كان بودي احضر ولكن خارج نطاق التغطيه

    ومشكورين على الدعوه

    ReplyDelete
  12. smile
    شاليديد اكو ناس يايين حق نفسيتهم تعبانه
    و على العلاج بالخارج

    ReplyDelete
  13. في مستشفى الاميري ايام مرض الوالد .. كان فيه حالة معانا مأساوية و مو لاقين احد يوقع ورقة علاجه بالخارج .. و لما رحنا لندن لقينا صبي عنده عوار بسيط بريله و الولد جنه البخت ياي يعالج على حساب الحكومة

    صراحة شي يقهر

    هذاك بيموت و محد موقع له .. و هذا ما فيه شي و قاعد يتمشى بـ اجوارد رود

    ReplyDelete
  14. بوسعد
    ماشفت شي والله ماشفت شي

    ReplyDelete