تخيلو رايحين حق دكتور وتقولون له دكتور في طقه قديمه و قامت تسببلي صداع
يرد ويقول سولي الاشعه و رد
تردون له ويقول اي عمليه و بسيطه جاهز ؟؟؟
يلا انا جاهز
وقع الورقه و سيده جهزوه
الدكتور ياي من اجازه والظاهر فاقد و ولهان من زمان مو مشرح احد
المهم دشيت سيده حطو فوق صماخي طشت مادري كشاف من كشافات نادي كاظمه
و هات فركو هالصماخ بستين نوع من المعقيمات والمطهرات
احساس اني زهيوي بعقمونه هههههه
المهم دش الدكتور و حلقو مكان العمليه و قز بالابره
وقالي ها اوكي؟
اول ماحط الموس جان يسأل تحس بشي؟؟
اي والله الموس وصل لين صبع ريلي الصغير
هات قز قز قز لين خدر شعري مو بس راسي و هات يا اصوات
جنه ينحت
وفجأه
"ow sh*t artery"
نسى اني اعرف تايلندي و ردت الفعل كانت
ولين اي واحد فيهم
و ضحك و قال عادي عادي لاتخاف
اي لا اخاف التشتت زاد
يامعود لا اطلع صاب حوله
شوي جان ينادي دكتور ثاني دكتور فلان شرايك
لالالا سكر و تحويل ابن سينا حق جراحة الاعصاب
المهم سكر و خيط الجرح و قالي قوم غسل عن الدم بس لاتخاف
قمت والله جنه قوطي روب على راسي وارم
يقولي يومين ويخف الورم هذا مال البنج
المهم طافت السالفه علي خير و كل شي اوكي
بس قص علي الدكتور قاعد اعد الغرز ويقولي بس ٢ وطلعو ٤ بره
و ٣ داخل والحمد لله وايد احسن
بس تخيلو بنص العمليه شت و شت و ينادي دكتور ثاني
شنو ردة فعلكم؟؟؟
وايد دكاتره مايدرون شنو قاعدين يهببون بالمرضى وارواح الناس بين ايدهم ومايحسون في هالشي
ReplyDeleteحسبي الله ونعم الوكيل في كل دكتور مقصر ومهمل وكسوووول في مهنته
والله يا انسان مادري شقولك !! الصراحه هالدكتور شكله قصاب .. ومن النوع اللي اذا توهق على يطول يسوي تحويل حق احد يصلح اخطاءه
ماااتشوف شر ان شاءالله .. اجر وعافيه .. ابي انت صج شنو كانت ردة فعلك؟؟ معقوله سكت؟ :)
يا معود الحمدلله على سلامتك اهم شي
ReplyDeleteو الشيت على اللي خلاهم دكاتره
من صجك هالكلمة اسمعها مو تطيير البنج
تخليني اطير راسهم
بصراحة أنا عن نفسي لو تصير معاي الأم العملية بصوب والخرعة النفسية بصوب ! الله يستر على حالنا دام الأوضاع تبشر بجذي مواقف.. الحمد لله على السلامة وعسئ الله يكشف ضرك ..
ReplyDeleteبصراحة عيشتني بجو رعب وأنا أقرأ البوست
رايي ان الدكاترة احيانا يشوفون اشياء تحتمل اكثر من سبب لوجودها
ReplyDeleteو دايما يفترضون الأسوء من باب الاحتياط يعني
فـ عادي يكون فيك كيس دهن مثلا و هو حاط في باله احتمال انفجار في مدري شنو
عشان جذي يحولونك على مكان مختص يفحصك و يتأكد شنو الموضوع بالضبط
انا اقول لا تتأخر بالموضوع اخلص منه .. و اذا عندك فلوس قطها بالشمس و اقعد بالظلال
و ما تشوف شر و عسى الله يشافيك و يعافيك و بيت مكة يوديك :)
اول شي الحمدلله على سلامتك
ReplyDeleteثاني شي آنا سحت من الوصف الله يعينك انت شصار فيك لما شفت الدمامين :/
يالله كل شي بأجره ان شالله
والله ياخوي انا دايما ادعي ان الله لايطيحنه تحت ايدهم لا تشخيص و لا علاج و لا شي
ReplyDeleteيعني الفقير اللي مايقدر يروح خاص يروح فيها على طول
حسبي الله و نعم الوكيل
Fishah
ReplyDeleteاول شي الدكتور مو غلطته و ثاني شي اعرفه و زميل مهنه هههه و ردة فعلي اضحك شبصير؟؟؟
Enter-Q8
ReplyDeleteهههه الله يسلمك من كل شر
والله ماطار البنج كنت احس بالموس
مستعدة
ReplyDeleteالله يسلمج من كل شر ان شاء الله
الواحد يقول الحمد لله على كل حال
بو سعد
ReplyDeleteوالله عندنا افضل الدكاتره بس المتابعه من قبل الستاف الي معاهم خرطي
الله يعينا
ReLaaaX
ReplyDeleteعادي عادي متعود على الجروح العن جرح كان وانا صغير
طايح علي مسمار و دش بويهي
ميمة السبيت
ReplyDeleteالحود لله على كل حال
الحمدلله على السلامة وما تشوف شر
ReplyDeleteالحين شلونك ؟
kazmawy
ReplyDeleteالشر ماييك
مافيني الى العافيه
بروحـي وسواسيه وخوافــه
ReplyDeleteأيي دكتور و شـت و شـت
والله مويخلي المريض يحاتـي إلا حــد التصروع
وهم المكـان خطر .. بالراس
أجــر وعافيــه
the.one
ReplyDeleteوالله عادي بس الي يضايق الاصوات الي تسمعينها براسج جنه ينحت و يقص و يبرد و يسن هههه حشى مو راس
الحمدلله على كل حال
والله يعافيج